البارت الاول
اسمي ورد عمري 18 سنه صف سادس ادبي مستوايه الدراسي وسط انجح بدراجات وسط ،اجتماعيه ويه الطالبات والمدرسات وكلهم يعرفوني.
من عائله معروفه من ناحية النسب ومن الناحيه الماديه يعني الحمد الله ميسورين الحال ، نسافر ونطلع ونتونس ونلبس احسن نلبس،ومثل هوي عوائل نمر بظروف صعبه.
شكلي حنطاوي فاتح يكولون بيضه بس اني اشوف نفسي مو بيضه كولش فاكول حنطاوي شعري طويل كولش وسرح عيوني صفر وكبار ملامحي عاديه مرتبه وعدي رصعات وجسمي رشيق حلو ومعالمي انثويه .
جسمي مسببلي مشكله جنت ما اطلع هواي حيدر ميقبل.. وهسه تعرفون منو حيدر؟؟؟
اعرفكم بعائلتي ،عدي 3 اخوه واحنه 2 بنات ،
علي اخويه الجبير 28 سنه مخلص معهد ومزوج بت عمي جان يحبه من هو وصغير وعنده بنيه و ولد وكاعد بيت وحده طبيعته مو من نوع يحجي هواي ويسولف اكثر وكته ساكت.
اخويه الوسط عكسه عصبي بشكل ونخاف نكسرله حجايه كلبه كلش طيب ونفسه هم طيبه وميعز شي على احد وشهم واخو خيته بس عيبه عصبيته الي ميسيطر عليه حفظو اسمه زين لان هو سبب بلي صارلي اسمه حيدر وعمره 26 سنه، يحب بنت خالي وخريج هندسه مدني.
وراه اجيت اني الجبيره من البنات، ورايه محمد 14سنه طالب واحبه كلش صديقي، وراه مريم اختي الصغيره عمره 12سنه مراح احجي هواي عن مريم ومحمد لان جانو صغار بوكته فمجان الهم دور فعال😜....
امي ربه بيت ناجحه درجه اولى اطيب اكل وانضف بيت حريصه ونادره بشكل معتنيه بينه كلنه ومن اخلاق واحترام واحتشام مو لان امي بس الكل يحبها ويحلف براسها.
ابويه يا ابويه اعز واحد عندي واني عنده اعز وحده يموت عليه ومدللني بشكل، الي اريده يصير وممنوع احد يحجي عليه اويدخل بيه من اخواني ميقبل ،
من جان حيدر يتعارك ويايه ما اكول لبابا لان تصير مشكله وثنينهم احبهم اسكت لان ادري بي يحبني ...
نرجع للقصه
جنت نهاية السنه صف سادس قبل العطله مال40 يوم اجتي نوره بنت خالي وصديقتي بنفس المدرسه كلتلي اياد يحبج ويريدج وعينه عليج، اياد الي هوه اخوها ابن خالي ادري بي يحبني مبين عينه عليه بكل مكان يدور واني معجبه بي بس جنت ملتهيه بدراستي وما اكدر احب او اسوي علاقه ما اريد اخذل ابويه والثقه الي بينه المهم كتله خلي اكمل سادس وربج يسهل.
اماسي الليل
التهيت دراسه وامتحانات بدت اخر يوم من الامتحانات بعد الهلاك ممصدكه اريد اخلص امتحان واطلع تعبانه ونعسانه بشكل رجعت كتلها ماما راح انام لحد يكعدني فدوه.
عفتهم وطبيت بدلت ونمت محسيت الا هوسه وصياح وعياط نزلت اركض والكه امي تبجي وعمامي وابويه والبيت مكلوب ظليت اعيط شكو شكو محد يحجي
لزمتني مرت علي كلتلي حيدر متعارك وي ولد والولد ميت حيدر :جنت داسوق بسيارتي كسر عليه واحد صيحت عليه طبيعتي عصبي ما اتحمل شو هذا كام يفشر كتله اذا رجال اطبق طبك اول منزلت ركضت ضربته بوكس والثاني الثالث تكوم بلكاع ،اكعد بي ماكو صار لونه ازرك ركضنه بي للمستشفى وره نص ساعه كالوا الولد مات.
ضليت مصدوم شنو مات من بوكس موطبيعتي انهز بقيت واكف واخذوني سجن وافكر باهلي وبحالي وبابويه .
اجوي اهل الولد صياح وهوسه وعياط عليه بقيت ساكت لان شيكولون حقهم ابنهم مات بسببي
الاب:صارت سالفه عشاير واحنه عائله وعشيره معروفه واهل الولد المات هم عشيره معروفه ردنه نصفي الفصل على فلوس ونطلع حيدر لان طلع الولد هو بي مرض قلب ومن متعارك وي ابني متازمه حالته ومتوفي بس مقبلوا
كالو راح من عدنه زلمه ،وحده بوحده
باي طريقه جبناهم مقبلو كالو الدم بدم
واحد من الكباريه طرف محايد كال عندي حل ويوكف هاي الطلابه بدون دم تفصلوهم بمبلغ من الفلوس..
احنه كلنه سهله الي يطلبونه...
وشغله لخ تطوهم فصليه بنيتكم ،واذا رفضتو ابنكم يبقه مسجون واذا طلع ينكتل
واذا صار فض الفصل على هذا اتفاقنه نتنازل عن الولد ويطلع....
الاب:اني صفنت البنيه ماكو غير ورد بنيتي الي اغلى وحده بخلفتي اختنكت والدنياصغرت بعيني ولو ما العيبه ابجي وما اكدر اصرف باي شي.
كالو الي راح ياخذها هم شيخ اخو الولد الي مات
كتلهم اطونه كم يوم ونرجعلكم خبر
الاب:طبيت للبيت وحجيتلهم الي صار ونزلت ورد تريد تفتهم السالفه لان الكل تبجي ومهمومين
(لايك+تعليق) اكمل حسب التفاعل
