حبيبي دائما

القصه كامله

#حبيبي_دائما
#اماسي الليل
الجزء الاول  
اسمي الاء مواليد ٨٦ /٨
القصه ابويه اتزوج امي بعد٦سنوات قصة حب بدايتها بعرس عمي وخالتي الي صار عدهم بكر وعمره ه سنوات بعرس ابويه وامي  والكل عايشين بيت جدي  الي بالدوره بيبيتي متوفيه لكن جدي عايش وعندي بعد عمه مواليد ٧٤ وعم ٧٦  امي ولدتني ب٨٦ بحرب ايران وبعدما صار عمري ٧ شهور امي  هم صارت حامل  ومن صار عمري سنه وشهرين تقريبا وبتاريخ ١٣/١٠/١٩٨٧امي وابويه توفوا بطريقهم للشغل الصبح لان انضربت مدرسه ابتدائيه  بالدوره بصاروخ رج الدوره رج
بعدها جدي متحمل المصيبه باع البيت وتحولنا لحي الجامعه اني تولت تربيتي خالتي جانت حامل هسه حامل بهند وبعدها صار عدها زيد  بكر اكبر مني ب٦سنوات وهند اصغر بسنه وزيد اصغر ب٣خالتي ربتني ويا جهالها بيت جدي وعمي قيس وعمتي رباب جانو كلش زينين ويايه ويفضلوني حتى على جهال عمي وخالتي وهالشي خلى بكر يضوج مني جنت ما اعرف اني يتيمه ولا ماعندي اب و ام عبالي خالتي وعمي هم اهلي من صار عمري ه سنوات  افتهمت اني يتيمه من بكر گلي انت يحبوج لان ماعندج اب وام
جاوبته لا عندي //گلي لا هذولي امي وابويه مو اهلج عمج اخو ابوج وخالتج اخت امج
كمت ابجي واگله اسكت هناء امي وطه ابويه يگلي لا انت امج وابوج ماتو يم رب العالمين رحت ابچي لعمتي رباب اگلها صدك اني ماعندي اب وام گلتلي منو گلج گتلها بكر گلي عمتي صاحت عمي قيس وحجتله راح عمي ضرب بكر وسولف الموضوع لخالتي وعمي اكل كتله من عدها كرهني الى درجه وگام يتقصد بكلشي يضوجني  ومن سوء حضي كل ما اكبر  اصير قبيحه  صح اني شكره وعيوني  ملونه واغلب المعاني عندي جبيره  وشعري منگر وطويله اطول من الي بعمري  طالعه على امي ملونه  وطويله على ابويه وولد خالتي هم ملونين لان خالتي ملونه بس بكر  اسمر على عمي بس عيونه ملونه وهند وزيد مثلي شكر وملونين حتى بالمدرسه جانوا يتوقعونا خوات اني وهند بس الفرق هي شعرها كسرته اخف مني  وشويه اقصر مني متوسطة الطول من صرت بصف سادس ابتدائي بدت حواجبي كلش تثخن ويا النظارات الطبيه والتقويم واني اصلا على اهل ابويه طوال طويله  صرت  قبيحه وبديت اسمع من الناس المقارنات بيني وبين هند عبالهم اختي الى ان عقدوني وصارت عندي عقده القباحه بديت اسحب نفسي من الناس ومن البيت الى المدرسه ما احب اطلع ما احب اللعب ومن يجينا خطار ما احب اطلع صرت كلش منطويه على نفسي وهادئه ومطيعه عمتي جانت تحس بيه ودائما تحاول ترفع معنوياتي تگلي انت كلش جميله هسه تكبرين وتشيلين حواجبج والتقويم ويبدون الناس يكولولج انت شكد حلوه وعيونج حلوه كبار وملونه بس اني جنت احس بيها دتعطف عليه وتقشمرني لان ثقتي بنفسي معدومه  وهند جانت اختي احبها وتحبني ومتقبل احد يقلد عليه بالمدرسه  جنت من انقهر ابقى ابجي واطلع حرگتي بالدراسه التهي بيها وصرت كلش شاطره   بكر كل ما يكبر يصير ويايه زين ويعاملني مثل ميعامل اخوته 
صرت بصف اول متوسط بكر صار بالكليه وشكد ما هو حلو صار احلى  ومرات اشوفه يسولف ويا عمي قيس لان مو هوايه بينهم فرق وعمي عرفت يحب بت خالته ودائما اسمعهم هو وبكر يسولفون عن البنات بالكليه جنت احس بنفسي  اتضايق  بس ما اعرف ليش لان يمكن اني اشوف نفسي مو حلوه ومن اسمع بكر يسولف على الحلوات اضوج
من صرت صف ثالث متوسط عمتي انخطبت وعمي قيس اتزوج بت خالته وفد يوم جنت اني وياها وعمتي رباب وهند كاعدين بالحديقه رند مرت عمي قيس گلتلي ليش متشيلين حواجبج وترتبيهم ترى كلش تطلع حلوه لان ثخينه عمتي رباب گلتلها والله اذا هناء تقبل اني ما عندي مانع  المهم راحت هند ورند يحجون ويا امي هناء وبعد عناء وافقت
اخذتني رند للسطح سوتلي حواجبي من شفت نفسي بالمرايه بحواجبي الجديده وبدون نظارات وسديت حلگي حتى ميبين التقويم اتعجبت بشكلي حلو وطبعا هالشي تأكدت منه من شفت هند وعمتي رباب مدهوشين من التغير الي صار  بقينا اني وهند بالسطح ونزلت عمتي ومرت عمي
هند :لج شكد حلو حاجبج طلع غير كل وجهج
الاء :اني هم حسيت بفقرق بوجهي بس لو اخلص من التقويم والنظارات يمكن اطلع حلوه
هند:الاء بطلي سالفه عدم الثقه بالنفس خبلتيني لو مو انت بيضه وعيونج كبارتخبل وملونه
الاء:اوكي احاول يله خلي ننزل  /من نزلنا صار بكر بوجهي ديصعد الدرج واني دا انزل بالاول منتبه بس من صرنا وجه بوجه شفته رجع راسه حتى يشوفني  /خجلت منه ونزلت بسرعه
بكر : ابن عم وخالة الاء صف ثالث كلية  علوم حاسبات  كلش احبها لبت خالتي ودائما انتبه عليها هادئ وهدوءها جاي من حاله نفسيه مبينه كلش اتعاطف وياها لان  انقهر عليها يتيمه ملحگت حتى تذكر شكل اهلها من جنت صغير جنت اغار منها لان هي حلوه ويلعبوها  وبيوم رحت لامي گتلها ليش عمتي رباب وعمو قيس يحبوها اكثر من عدنا اني اكرهه
هناء:لاماما خطيه ليش تكرهه مأذيتك ويحبوها لان ابوها وامها يم رب العالمين انت هم لازم تحبها لان حرام تزعلها وهي يتيمه
بكر :من عرفت هالمعلومه انقهرت عليها بس بيوم ضوجتني وگتلها على كلشي وبقت تبچي اني مجنت صغير تقريبا ١١سنه يعني افتهم بليل رحت جبتلها حلويات وانطيتها  ومن يومها اني صرت اعاملها مثل ما اعامل اخوتي وبقيت وياها على هالحال ابد ما بيوم شفتها غير مثل اختي هند هي شكلها كلش حلو بس المناظر والتقويم غيروا شكلها وحواجبها جانت مال ابو  لهب بحيث هلكد ما مأثره على شكلها اليوم دا اصعد لغرفتي صارت بوجهي اني ممتعلم اركز عليها لان هي مثل اختي بس لفت نظري وجهه اليوم حلو ردت اشوف شنو الي متغير بي وشفت حواجبها غير شكل بس طالعه وهي بالمناظر حلوه بعدها بأيام حسيتها تغيرت وصارت روحها مرحه ودائما اشوفها مبتسمه لفتت انتباهي اكثر من مره بأبتسامتها وجمالها لكن ما احس بمشاعر تجاهه لان جانت عندي علاقه ببنيه ويايه بالكليه وماخذه كل تفكيري واكتشفت هالشي مو حقيقي. والي بقلبي. ام كفشه