للكاتبه
مريم السعدي
طلب خاص من احد الاعضاء
سلام اعرفكم بروحي ناز من دهوك كرديه الاصل ساكنه سوريا من صارت الاوضاع انتقلت اني ووالدتي واختي برواز الاصغر مني باربع سنين لكركوك رجعنا لبلدي بعد غياب عشر سنين وكت الحرب بعد مادخلو داعش رجعنا لكركوك منطقتنا والدي متزوج على امي من جابنا لسوريا تزوج وحده سوريه والدي جدا ملتزم مااعرف شون كدرت تضحك عليه وراها وره متزوج شوي شوي كام ميجي للبيت ماما رجعت تشتغل واني كملت دراستي كليه تربيه قسم رياضيات وعدي اختي برواز معهد معلمات كمت كل فتره اتصل بي محتاجه فلوس يدزلي كومه وامي تضل من عدي فلوس مرتاحه بس مكانت ترضى ادز عليه واطلب منه لو ما اني الح المهم رجعنا بشقه بكركوك مال بيت جدي الله يرحمهم بيت جدي حالتهم جدا ضعيفه يعني خوالي يشتغلون جنابر مال لفات فلافل وعائلتين بهل الجنبر لو يطلعون عيشتهم لو لا والدتي كانت تشتغل سكرتيره بعياده طبيب اسنان براتب 300شهريا واني كلما احتاج اطلب ينطيني هوايه شي مو معقول بحيث تكفي شهر الي ولاختي ووالدي حسب ماادري بيه هوه عايش عالتقاعد وكل ماروح اشوف مرته كومه ذهب لابسه وبيتهم مخربط بس احسن اثاث بي يعني لدرجه انه من بره ممبيضي باقين عالطابوك حالتهم عجيبه والدي حيل هاملني ابد مو حنين ووالدتي صايره الكل بالكل بس اني ماعوف حقي دائما اروح اطالب بنفقه الوش اعوف حقي اكره والدي واحسه ميريدني اوصلله بس غصبن عنه تخرجت من الكليه وماكو وضايف كمت ابقه بالبيت هوايه واضل ضايجه ماما تروح للعياده وابقه وجه الحايرين انضف واطبخ كمت اسوي اشكال شغلات فطاير وكيكات حتى اونس روحي التهيت بصلاتي وادعيه وهم مخلص الوكت قررت ادرس ماجستير بلكن اتوضف احسن من الكعده اسمع عن ابويه اخبار من عمومتي انه سافر لسوريه ورجع وراح للانبار ومره للرمادي يفتر العينتين اصفن شون يطب سوريه وهي عالكه الدواعش ماخذيها وحرب وي الجبهه عمومتي كالو كله يصعد جكسارات وطاك كتلهم روحو شوفو بيته حتى بناء ممكمل ههه بس الفخفخه موموضوعنا برواز كملت معهد معلمات وتخرجت هالسنه كمت التهي وياها سوالف ضحك نوبات مكياج وسشوار شوي شوي كمنا نتعلم نمكيج ونسشوره تسريحات تعلمنا شوي شوي حفيفه جسم ووجه ضبطناها اقنعه سنه كامله نتدرب قررنا نسوي صالون متنقل عالفون والدتي اعترضت كالعاده كمنا نسوي بس للجيران دكت علينا جيرانه رحنا سوينا شعرها وحفيفه وصبغ واقنعه فد 25الف وطلعنا مشه شغلنا انعرفنا كمنا باليوم عالاقل زبونتين صارت فلوس عدنا بطلت امي من الشغل اتصل بوالدي ميرد واخر فتره كالو طالع لسوريا وناس كالو للانبار ميكتلو داعش ماادري مشت الايام
برواز- نوزه تره التلفون ديدك ردييي
- اي اي جيت
- الوو
- الو عفيه انتو البنات اليطلعن يشتغلن
- اي تفضلي
- اريد مكياج وصبغ وحفيفه وجه وجسم 5بنات
- اي بعيني وين بيتكم
- بشاطرلو
- يعني شكول لابو التكسي
- هاج العنوان
- ناز- طتني عنوان بيت وسجلته يكون منتيه داسجل ووالدتي وكعت يم السنك مامااااا ركضت عليها اصحي بيها متصحى تخبلت يمه شبيج بس كوليلي
- ماما- مادري يمه بطني وشو لعبت نفسي ودخت مدري شبيه ركضت دزيت على عمو مهدي الدكتور فحصها كال شاك مصران اعور بس اذا اذاها لليل لازم عمليه مصران
- ناز- دكتور خو راسن عمليه نسويلها
- ماما- يمه اذا وجعني عود نروح للطبيب واسوي عمليه
- دكتور مهدي- اي اذا وجعها بليل راسن مستشفى ونسوي العمليه
- ماشي ماما شونج هسه
- الحمد لله مابيه شي يمه
- الحمد لله
- ناز- بروااز وينج
- ها
- يله حبيبي امشي عدنا شغل ماما ساعتين ونجيج وهذا التلفون خلي يمج اي شي دكيلي
- ماشي ماما روحو الله يرزقكم ويسهلكم طريقكم ويستر عليكم
- تسلمين يمه الله يخليج خيمه علينا
- ناز- طلعنا اخذنا تكسي ساعه كامله يله وصلنا نزلنا علما لكينا البيت الف ياعلي دكينا الباب انفتحت بدكتنا
- برواز- يااهل البيييت وينكم اكو رجال بصف البيت عطار سالنا
- تفضلن منو انتن
- احنا صالون عمي
- هاااا اي تفضلن عبالي جديدات كلت خوش بضاعه
- شون عمي مفتهمت
- هيج ياب هيج دكي الباب هسه يردون عليج
- رجعت دكيتها الباب
- منوو
- احنا يمعوده
- ها عيني انتو الصالون هله بيجن تعالن
- اي تعاي ناز فتنا للبيت يمكن جان عدهم عرس بال15بنيه والشعر الطويل وبدينا نشتغل بس البيت صبغه مو طبيعي الغرفه مصبوغه صماكي وكلوب عالحايط حمر عبالك غرفه نوم عرسان المهم بدينا نسشور ونحف وناز استلمت اقنعه بنات 2 تعاملنا وياهم خمستهن 150الف قبلو كوه دنشتغل على غفله طب ولد جنتله
- يله يبنات منو منجن كملت تره جوي
- ناز- باوعت لبرواز اشرتلها لتباوعيله ضل يبصبص علينا الحقير مامرت 10دقايق من دخله الولد وعلكت بباب بيتهم تشحط سيارات واصوات سيارات شرطه ودخلو بال10شرطه البنات كامو يصيحون انزوينا اني وبرواز على صفحه خفت كلش بدو يلمون البنات واجه الشرطي كرفنا وياهم
- ناز- دفعته وخر ليش تاخذني ممسويه شي عوفنيي عرفت هذا بيت مال موزينات
- امشي ولج ادبسس امششي
- يابه ممسويه شي اني جيت هنا صالون دفعته قوي وخررر
- امشي كدامي هناك احجي سحبونا كلنا احجي وياهم بالسياره يابه اني مو خابرتوني صالون
- يكلولي لا انتي صديقتنا وجايه يمنا تخبلت
- يمعودات اني مااعرفكم انتو منو وحتى لهجتكم مو مثلنا
- الشرطي- هناك تبين اش سكتي بس خل نوصل المركز
- ناز -اباوع لبرواز تبجي انداريت عالشرطي اخويه احنا مجرد صالون متنقل دكو علينا وكلولنا تعالو سوو شعرنا وخلص شنو هالفضيحه جريتونا شنو ماورانا احد الا نطيح حضكم باوعت للبنات حسبي الله ونعم الوكيل وحده من البنات
- شبيج حبيبه شبيييج هو احنا صديقااات
- ناز- بقيت صافنه عليها هسه نوصل للمركز وافهم الضابط واخلي ماما تحاجي وافضها اخابر عمومتي هاي منعني الشرطي احجي بالفون كلي من توصلين للمركز اباوع على برواز تستر بنفسها احنا محجبات بس حجابنا يعني مو مضبوط فد شي طويل عالبنطرون وحجاب ويا وصلنا للمركز سطرونا مقبلت اوكف وياهم اني وبرواز
- ضابط التحقيق- اوكفي وياااهم
- مااوكف اني وياهم بس دافهمك حاجيته على كيف
- حتوكفين لو لااا كلتها بصياح
- مااوكف اني واختي مو وياهم شوف حجابنا ولبسنا احنا مو مثلهم ضل يباوعني متفحص باوع عالبنات الموزينات وياكم ذوله
- اي اي ويانا صديقاتنا
- كذابات اختنكت بعبرتي والله كذب
- ضابط التحقيق- اوكفيييي هناااا
- زين زين بس خل اخابر امي اهلي همه يكولولك
- اوكفي عااادشنو هاي ارشد
- نعم سيدي
- اخذ هذوله الاثنين مديخلوني اشوف شغلي
- صار سيدي
- اوكف عفيه بس اخابر امي هسه يضل بالها الله عليك
- امششي اخذذهم حتضل صافن
- الله يخليك سيدي امي مريضه بس اطمنها عني
- اخذذها وروح ساعه ورد جيبها خل اخلص تحقيق وي ذني يمعووود شبيك صفنت
- نعم سيدي
- اخذنا الشرطي ودانه النضاره واني اتوسل بي عفيه بس اتصل بامي صارت ب8يضل بالها صار 4ساعات غايبين عالبيت
- الشرطي- استغفر الله هاج خابري
- ناز- برواز كافي تبجين يمعوده دكافي عاد دكيت على امي يددددك وماكو كملت الدكه وانفصل اخذنا الشرطي للنضاره عيون اللي بالسجن حاوطتنا حضنت اختي لج بابا لتخافين احنا ممسوين شي الله يدري بينا اكعدي سبحي وهسه تنفك من يمه ربج سكتت برواز واني كلبي نار على امي صارت ب9وعفناها مريضه شجاني وطلعت دخيلك ياربي ارحم بحالها ضلينا كاعدين وره ساعه ونص جوي علينا دزو وطبو البنات للنضاره
- الله لا ينطيكم ليش هيج سويتو مو حرام عليكم
- شسوينا عيني شسوينا هسه يومين يطلعونا ونرجع وتعاي ويانا شغلتنا ذهب
- انجبي ادبسز لااني ولا اختي عدنا هالسوالف
- الشرطي -امشي عاااد
- اخذنا الشرطي ودانا عالظابط مال تحقيق قريت اللافته عالميز مكتوب الضابط سيدار محسن وبصفه ميز مكتوب عاللافته المحقق عمران مثنى نضرات الضابط والمحقق النا بطرف عينهم برواز خاتله ورايه
- برواز- ميته خوف اول تالي ندخل مراكز شرطه وتهمتيش دعاره اويلي يابه الله لا ينطيج سحر
- الضابط- كعدي
- سيدي قبل لا اكعد بس تلفوني اريده اتصل بامي
- باوعتلها بطرف عيني متفحص لبسها ياهو منهم تلفونج
- هذا عادي اخذه اخابر
- فضيني خابري
- شكرا لزمت التلفون دكيت عليها حاولت خاولت مردت بديت ابجي برواز ورايه تراقب واذنها يم السماعه ماكو رد ماما بيها شي والله بيها شي سيدي الله عليك عفناها مريضه سيدي والله حموت خوف
- برواز- غطيت وجهي ابجي شون ناز بس لا بيها شي شنسوي
- لتتفاولين هسه اش هسه نطلع ونروح
- الضابط- اكعدو خل نكمل تحقيق
- سيدي شكعد شتحقق دقيقه ماابقه هنا
- مو بكيفج ارجعج للنضاره لحد ما تحمضين وتجين تسولفين بكل ارادتج
- سيدي امي مريضه وهسه ماتت خوف علينا
- شسمج لزمت الورقه والقلم
-
- سيدي الله يخليج
- شسممممج احجييييي صحت بيها فزت واختها ختلت وراها
- ناز اسماعيل
- واختج
- برواز اسماعيل لزمت ايدها كعدي لتخافين الله يبينها بس ادعي الله مبيها كلشي
- سيدار- من شوكت تشتغلين هالشغله
- ناز- ياشغله والله مااشتغل هالشغله مااعرفهم والله ليش متصدك
- المحقق عمران- بس البنات كالو وياكم
- برواز مخنوكه بالبجي والله كذابات باوعت بعينه باوعلي بشفقه نصه نضره عالدفتر
- سيدار باوعت لعمران ودرت وجهي على ناز كعدي شلشتيني بوكفتج احجي كلشي
- ناز/ تنهدت احنا نشتغل صالون بالبيون يخابرون علينا ونروح للبيوت نسوي شعر مكياج هالسوالف
- وين بيتكم
- بمنطقه شاطرلو
- ممم وشون جيتو
- تكسي ودلانه
- قصدي شون عرفوكم مناك لهاي المنطقه
- مو نشرنا عالنت سيدي غير
- اي عن طريق النت خابروكم وكلولكم تعالو
- اي والله العضيم
- السلام عليكم اني سيدار ضابط تحقيق وهذا محقق عمران صديقي احجيلكم عن نفسي اول وراه انطي القلم اتمنى اكون خفيف عليكم عمري30سنه سكنه كركوك شاطرلو وعمران بيته يمنا بفرعنا من كنتا صغار سوه ونفس عمري اني ارتقيت وهو بقه محقق لضروف مر بيها هسه هو يحجيلكم عدي 4خوات وحده منهم طتكم عمرها و3زوجتهم اخر وحده تزوجت العام الفات لهذا السبب بعدني ممتزوج انتضرت ازوج خواتي يله افكر بالزواج شخصيتي قاسي للاخير ووالدتي دائما تشكي من هالشي من قساوتي وي خواتي نفس الوكت اكره الضلم والحمد لله لحد هسه مضلمت احد والدتي عايشه مره جبيره وعايشه عالادويه ومخليلها ممرضه وهالممرضه بطله وبليل تدخللي للغرفه وتسولف وبادرت مبادرات جميله هههههه خدمتني بعازتي يعني ابد موراحه هي البدت وكمت كلما احتاج اتحارش وهي تروح قبلي للغرفه كم مره طيتها فلوس مضاعف الاجر بالنسبه للبيت اني قايم بيه حتى التنضيف خطيه عمران يجي ويايه ينضف الممرضه عليها والدتي بس وكت مموجود اني هي تجي بالنسبه لوالدي متوفي قبل 12سنه اثر ذبحه قلبيه وجنت طالع من رجعت لكيتهم دافني ومخلصين حته الفاتحه حيل تاذيت (حب مااعترف بي
عايش حياتي بالطول والعرض مرتاح عمران خويه عمران استلم ماعدي شي ثاني اضيفه ههه
مساء الخير احب اقدملكم روحي اني محقق عمران كردي الجنسيه من اهالي شاطرلو صديق وجيران سيدار ونسيبه سابقا عدي اخ واحد خارج القطر مستقر بديترويت باميركا والدي ووالدتي عايشين واني اعيش وحدي بالبيت لان كنت متزوج سابقا من اخت سيدار من كد مااحنا اصدقاء وحبايب واخوه تخرجنا سوه وكملنا المشوار سوه اخر شي طلبت اخته للزواج وتزوجنا وحبيتها حب كنت احسها روحي مو زوجتي لحد ماالله اخذها مني بحادث اندعمت وتوفت تاذيت حيل تركت الشغل سنه ونص وتراجع مستواي العملي حيل بهالسنه سيدار ترقى واني بقيت محقق ولحد هسه عايشه ميرفت بداخلي كلشي يذكرني بيها اشتاقلها شوق الطفل للاسف مصار عدي طفل منها اهلي اصرو انه ارجع اعيش عدهم مكدرت ردت ابقى يمها على ريحتها اليوم جانا تبليغ على بيت دعاره ب يولو ورحنا سوينا كبسه عليهم وحققنا وبقو بنات 2جلبو واصرو انهم مو وياهم وضلو يتوسلون همه 2وحده منهم جانت مرعوبه وبس تبجي حيل تقهر خاتله وره اختها خايفه واختها شخصيه قويه واجهت سيدار اللي الله ميجرعه --- نرجع لنازوبرواز اللي بالمركز
ناز- سيدي هسه انت بس كولي شتريد
سيدار- لج شنو شريد لجججج احجي عدل لا وعلم محمد اذبج جوه اسبوع
ناز- سيدي تامر ذبني سنه بس اطمان انه امي مبيها شي شتسوي سوي
سيدار/ خابرنا ومحد جاوب حنكمل تحقيق لو لا ناوين نبات هنا فركت وجهي بايدي تعبت
عمران- برواز تعاي هنا كعدي
ناز _قطبت حاجبي شرايد منهاااا صحت بي ختلت برواز ورايه تبجي
سيدار- اكولكم انتو مراح تخلص وياكم روحو باتو بالسجن باجر نكمل شورانه اسبوعين تلاثه شهر شورانه
ناز- سيدي اروحلك فدوه زين كعدت هسه حكعد شتريد اكولك بس امي دز واحد عليها طمننا مبيها شي وهاهي
- واحنا نشتغل يمج
