بقينا 3ايام اني رجعت صعدت المناره هو ماكان يصعد ابد والاكل يصعدو ليفوك جنت اتناوب وي الولد بالمراقبه اجانه امر نتقدم المقر الثاني كان عالشط بحيره صغيره يمها بيوت فارغه وصلنا لهناك وصار مقرنا وجتي الامدادت حسب تقدمنا صار القنص مو بالمناره من على التله نفس الوضع ومن اريد حمام ارجع للبيت منصي وسايدن يراقب بمكاني القناص اللي تصوب سايدن اسمه يومين اشوفه كدام عيني يوميه الصبح يغسل بمي البحيره وبالفانيلا يفتر جسمه مثيرً ولبس الجوشن اللي جان ملبسليا لازم ارجع اخذه تعلقت بي وماحس بامان اله من البسه لليل ماكو شي شفت الساعه دكت 3ونص الفجر باوعت ماكو احد نزلت التله خليت سلاحي بالكع تلفتت محد يباوع نزلت البحيره المي جان يخبل صافي نزعت القناع احس وجي يبس من كدما لابسته بس المهم اني مرتاحه هنا غسلت وجهي فتحت القميص كم دكمه وبقيت اغسل ركبتي
سيدار- حسيت الفجريه كمت افتريت حول البيت المقر لمحت احد بالبحيره ذو الجوشن تقربت توني احاجي وشفت شي خرسني مفتوح القميص وتقوس الضهر وبروز الصدر مال نسوان بقيت اركز اندار ختلت وره حجار باوعت مصدوم والله هاي صدر هاي بنيه تذكرت الجوشن تقدمت كانت تلبس القناع بسرعه ودكمت القميص وصعدت التله ملحكت عليها كعدت بوضعيه القنص والمراقبه صعدت التله وصلت قريب منها ركض وجهت السلاح عليه عبالها العدو
ناز- ابتعد صفنت العفو سيدي
سيدار- صافن عليها تقربت شكوكي دمرتني بس ممصدك قاطب حاجبي بغضب تقربت اكثر
ناز- نعم سيدي رايد شي ضل يتقرب مني بدت الدنيا اول خيط الفجر تقرب اكثر خله ايد عالقناع ورفعه نصيت راسي وتناثر شعري سحبته ليوره بقيت منصيه
سيدار- شفتها هي -- جنت شاك تنهدت بحسره والله شكيت من شفت الجوشن اختنك صوتي تقربت حضنتها قوي ا وووف ه ناز كلبت الدنيا عليج
ناز- بقيت منصيه وساكته من حضنني حنيت لايامنا غمرت راسي بصدره عفت روحي
سيدار- من دون وداع مو هذا الردتي ناز همست ناز جاوبيني وين صوتج
ناز- سيدي
- ياعيون سيدج سنه كامله ادور عليج من غير هالشهرين
- مااكدر جرحك بالكلب ماطاب
- ابتعدت عنها شنو شغلج هسه ناز
- قناص
- ممم يعني الدفاع عن بلدج
- اي
- زين افرضي لزمتي داعشي وكلولح اذا هديتي راح يكتل قريه كامله وبنفس الوكت ديساوموج بين اختج وبينه المن تختارين القريه لو اختج
- نصيت القريه
- بلدي احتاجني والله لو امي الخاطفيها اضحي بيها جاووش هواي اذى ناس ومتوعد لامرلي بقصفها لهذا خفت منه
- هزيت راسي صح همست
- الله مشتاق لصوتج
- باوعتله اول مره يحاجيني غزل
- تخبل عليج البدله ابتسمت
- قناص ناز قناص من داعشيه لمحبره لمفخخه لقناص انتي شنو من بنيه
- هههه وقبلها جنت عاهره
- خليت ايدي على حلكها لتجيبين طاري الموضوع اني حيل تعبت بفراكج هواي شفتي مني اذيه
- قويتني وسويتني اشرت على سلاحي قناص
- ههههه كرصتها من وجنتها لابسه القناع حتى ماعرفج
- لا حتى ميعرفوني بنيه
- ممم صح عاشت ايدج نزعت الجوشن ولبسته الها ذات الجوشن هههه احلى لقب
- همه لقبوني اني شنو راح تحجي لاحد
- لا مااكول لتخاف ههههه خرب هالنزاكه كلها وولد
- شسوي جان طمعو بيه ولو الولد ذهب بس ميخالف ماريد اجذب نضرهم
- باوعت لصدرها نصيت عرفتج من جسمج درت وجهي عالمي تنهدت كلت هالجسم موغريب عليه
- شون مو غريب ليش انت شايفه فتحت عيني
- نسيتي باوعتلها بمكر
- قطبت عيني شنوو
- من جنتي لابسه الحزام
- اي شنو شصار
- نزعتج القميص همست
- فتحت عيني كلها غطيت وجهي بايدي صدك تره جنت فاتحه عيني بسدالحولي كله صدى واعيه شديصير بس مو بالضبط مثل الحلم دمعت عيني
- اي كافي كافي هو حلم لتذكرين شي اسف
- صفنت عليه شفت جسمي
- لا منتبهت جنت بحاله هستيريه
- ليش
- انتي وراح تتفجرين جنت ميت خوف عليج
- تخاف عليه وتبيعني وتكولهم مااعرفها
- اهوووو مو كتلج خلي نفسج بمكاني مو هسه انتي مقاتله اووه انتي مو مال حجي وتفاهم مديت ايدي فرصه سعيده ذو الجوشن تنهدت صافحتها ونزلت
- ناز- ضاج مني بس شسويله رجعت عالرقابه وافكر بي بدينا نتقدم بالتحرير الحمد لله ضلينا نتقدم وصلنا للاطراف بضرف 3ايام القتال اشتدت والقنص كمت باليوم تقريبا 30واحد اقنص الحمد لله المقر الجديد نفس حاله القبله عالمي واني اراقب من التله نضرات سيدار مفاركتني
- سيدار- جابو الاكل جانت دوريت ناز صعدت الها ذو الجوشن
- نعم سيدي التفتت ابتسمت رفعت القناع
- ابتسمت هاي غداج همست
- كعدت بالكع و بديت اكل كعد كدامي سيدار - هه
- ليش تضحك
- حتى طريقه اكلج صايره مال شباب
- من عاشر قوم 40يوم صار منهم
- اي كرت عينج
- ههه كملت اكل وكمت احسه يراقب حركاتي الحمد لله ماكو يمنا دواعش بس لازم نبقى بهالمنطقه
- سيدار- بقت عيني عليها وماكو يمنا شي صفيناها بس بقينا حرس حدود خاف يدخلون افتر بليل اباوع عليها هي تلزم بليل وسايدن والبيش مركه وياهم يتقاسمون بليل افتر واباوعلها ترجعلي النضره
- ناز/ نزلت من التله فتت للحمام ومن طلعت بوجي صار سيدار
- ها
- شنو ها شبيك فتت للحمام
- حترجعين
- طبعا الموقع فارغ باوعت بعينه رفعت القناع ذبلت عيونه
- الستار الله من صفاء عيونج
- ههه يله في امان الله
- جاي وراج
- ليش
- مجايبني نوم
- براحتك صعد ورايه كعدت بوضعيه القناص
- ماكو شي تنهدت باجر اجانه امر ننزل ببكه كك
- التفتت عليه صدك
- هزيت راسي بهدوء باوعت بعينها ابتسمت حلو عليج القناع
- ههههاي ناصب عليه
- لا والله تنهدت دتعدل ايدها نزلت حجاره جانت مسنده عليها السلاح ايدها انشحطت بالحجر
- اخ اخ خرب روح اهاليكم ياولد القندره
- هههه تعاي كومتها سندتها لزمت هي الحجر والايد الثانيه بيدي
- شكرا تنهدت باوعت بعينه سحبت ايدي جرني عليه الكع كلها عكر تعثرت سندني لزمني من اكتافي
- الله الله همست باوعت بعينها رفعت القناع بقت عينها بعيني جريتها قريب اكثر خليت كصتهادعلى كصتي تنهدت ناز
- همم ذبت ولا جني قناص واقنص بالدواعش
- ناز رجعت همست قربتها اكثر حسيتها بيدي ذايبه
- نعم نعم همست
- اني معجب بيج كلش
- غمضت عيني اني اضوج منك
- همست ليش تقربت بست ركبتها برقه
- لان من وراك امي ماتت
- تقربت بست خدها جانت مستسلمه اي وبعد شنو سويت بيج نزلت شفافي امشيها على خدها وبعد شنو
- واذيتني من تبريت مني همست رجعت راسي ليوره
- نفسي صار يرجف وصلت شفافها وبست محيط شفتها برقه وبعد وبعد شنو سويت بيج
- ضعت وكمت مااعرف شحجي وو
- شنو شنو همست وابوس بمحيط شفتها
- وخليتني احبك واتاذه ببعدك همست
- وكفت فتحت عيني بعدما جنت مغمضها صفنت بعينها شنو همست
- هيج رددت بدون صوت
- احجي همست
- برطمت ماكو شي والله لزمت القناع انزله لزم ايدي وجرني باسني بلهفه مكدرت اوكف على رجلي بعد تفنن بيها بحيث حسيت روحي طايره مو بهالعالم
- محسيت على روحي بعد دمرتني ومدااكدر ابتعد عنها
- سيدي عيون سيدج انتي
- كافي تره راحت هيبتني
- طكيتها بضحكه بس حابسها وجهي صار احمر
- ليش تضحك شكد خبيث
- ولج ياهيبه ولج انتي نثيه مو فحل خرب هههههه
- سمعنا اطلاقات كعدو الجيش ركضنا وكلمن اخذ موقعه جان اكو هجوم بس مخليناهم يوصلون نسيت القناع من الهبطه من نزلت من التله واستلمه سايدن والولد الاكراد البيشمركه ضلو صافنين لبست القناع عرفوني ابتسمو وكالو معرفناك من دون قناع سيدار من بعيد يراقب بعد ابد مااتقرب منه خربط كياني
- -----------
- نرجع لعمران وبرواز برواز بقت بمنطقتهم تدرس كالعاده وناز صارلها اسبوعين خفر وتتصل على طول بس متدري باختها عالسواتر مال تازه
- عمران- دزونا مكان تدريبي واني كنت مترقي ضابط فرادوني بالتدريب بمنطقه كه كك دوامي 8ساعات اكمل وارجع لشقه قريب عالمقر التدريبي اكلي كان كله من بره وبيوم عمران ديفتر بالسوك
- برواز- طلعت اتسوك لان احتمال نزنز تنزل اليوم حبيبتي صايره بالجيش متدربه افتريت وتسوكت السوك جان مزدحم كلش وكت ذروه وموجه تطك موجه بالكوه امشي رفعت راسي صار عمران بوجي بعد نص متر ضليت واكفه وهو هم واكف الناس تضرب بيها لان ازدحام وواكفه وهو هم يضربون بي بقينا واحد صافن بوجه الثاني وعلى غفله صار اطلاق نار عشوائي الناس تخبلت صار ازدحام حيل قوي اني ردت اتخلص سحبني عمران راد يبتعد على صفحه انلزك بجسمي اثر الازدحام بالكوه طبينا بمحل من المحلات وصاحب المحل اخذ سلاحه وسد المحل علينا المحل صار اضلم ساكتين كاعدين بالكع اني ارجف مااعرف من الخوف مااعرف من قربه بعدني ملزوكه بصدره اسمع دكات كلبه الهدوء الجننا بي بس نسمع صوت العالم تصيح كانت 5طلقات وتوقف الرمي بسدالعالم ضلت خايفه حسست بايده رفعها خلاها على ضهري رفعت عيني بعينه بالكوه
- عمران- من شفتها جسمي كله رخه حسيت روحي حخرب ومنا جنت ميت جوع بقيت صافن ومن علكت الطلقات وانلزكت بيها جريتها للمحل وعزلو علينا بقت راسها على صدري جامدين لدرجه حسيت انه جذب هاي مو هي واني وحدي ودااتخيلها تلمست ضهرها رفعت عينها بعيني بلعت ريك من شفت صفاء عيونها تنفسي تسارع هاي انتي همست لو دااحلم
- هزيت راسي همست اني
- قصرت وياج بشي ليش بس كوليلي
- لا خفت نبقى هناك
- كولي احجي راح اروح مودع بالله هيج مااسوه كلشي بعينج دمعت عيني عود اني ضابط
- لتلومني
- تنهدت براحتج كمت وبعدتها سحبت اقسام وطلعت اشوف شنو السالفه بره
- وين رايح
- اشوف هاي شكو
- تعال عفيه خاف يرمون
- باوعتلها باستهزاء يعني هي خايفه على اساس لو تخاف عليه متعوفني بدون متودعني مجاوبتها وطلعت جانرالسوك فارغ كم واحد شكو سالت
- كالو عركه دخلت عليها يله كومي تره ماكو شي
- الححمد لله طلعنا سوه واخذ علاكه المسواك مني
- هاي شنو متسوكه
- اي
- تزوجتي
- هههه لا بس للبيت نازك بهالسنه تطوعت وصارت فد شي بالجيش
- لا بربج تدرين من اول جنت احس بيها حتصير بالجيش لان متخاف سبعه
- اي صح تنهدت باوعتله شجابك لهالمنطقه
- باقي شهرين باوعت عالسياره تعاي اوصلج
- اوك
- صعدنا بالسياره وحركت بقينا نسولف وين كعدو وشون صارت الاحداث وكفت السياره
- وين
- هسه بس داجيب لفات جوعان منتغدي
- تشتري من بره
- اي لعد منو يطبخ ههههه
- تعال لزمته من ايده امشي ويايه للبيت
- هاااا فتحت عيني
- اي تغده يمي عازمتك
- انتو بنات كركوك تخلون واحد يصعد لسابع سمه بعدين تشمروه
- مكتلك شي كتلك عازمتك
- ماشي شنو حتغديني
- اللي تريده
- ممم شنو عدج
- اني مسويه تشريب احمر اذا تريد غير شي اسوي
- اويلي يابه لج ياغير شي غير اموت عليه رحتا لبيتهم بقت تدليني لحد موصلنا ونزلت انتبهت عليها سلمت على جوارينها مره واخذت ولد تقريبا بصف4ابتذائي كلتله تعال يمنا حتى ادرسك والولد كيف وكفت عالطباخ تحمي الاكل تقربت منها شنو تخافين مني
- ااالا
- لا تخافين لعد شكو جبتي لهذا
- احسن
- اني شبعت من سوالفج في امان الله
- هاي شبيك
- دااطلع لزمت ايدي
- ابقى
- باوعتلها ودرت وجهي تنهدت اضوج تحسين نفسج مو بامان ويايه
- اني كلش دااحس بوحده ابقى
- خلي يروح الجاهل
- هسه حكله روح راح الولد وبقينا سوه
- كمت كلما اباوعلها تباوعلي برواز مو مثل قبل احسها متريد اروح وتخسرني صبت الاكل وكعدنا ناكل ونضحك جان مرتاح وهي هم جانت مرتاحه كلما اضحك اضل صافن بعينها --/ برو
- رفعت عيني هاي شنو برو
- ادلعج
- ههه حلو
- شوكت تعوفيني وره الغده لو باجر
- ليش هيج تكول مو دنتغده
- انتي توصليني لابعد سما وراها تعوفيني تخليني افرفر عليج
- مااعرف
- كمت من الميز يله الحمد لله غسلت ايدي بدون ماالتفت عليها وراها كلت مع السلامه وطلعت
- برواز رجعت بقيت وحدي وصل للباب صحت عمراان
- روحي فرفحت من سمعت اسمي بصوتها وهي متصيح غير سيدي تنهدت التفت عليه -- عيونه همست
- لتعوفني اختنك وحدي دمعت عيني
- معفتج انت تعوفيني تقربت منها بروازاني وحيد وانتي وحيده
- نصيت راسي
- شتحسين من تكعدين ويايه
- مرتاحه مثل قبل منصيه واحجي
- برواز اني احس بحب تره اني حابج من قبل سنتين والله من دخلتي القسم طبيتي كلبي
- هزيت راسي اي
- شنو اي اذا ترديني نبقى طول العمر مترديني دااعوفج اني مصدكت سيطرت عالخنكه الجانت تجيني من رحتي بدون متودعيني
- ابقى همست
- شكم يوم اسبوع شهر
- ابقى هواي منصيه بداخلي واحجي بتعب طكت روحي من الضوجه
- ماشي شوكت تردين اروح
- مااعرف
- تنهدت باوعتلها متعرف شتريد وبعدها صغيره واني بكد عمرها الضعف وكلبي خلصان منصيه وتحجي --- برواز فرصه سعيده تعرفت عليج مع السلامه خطيت الباب جرتني قوي وركضت بحضني تبجي
- لا عفيه لتروح لتروح مصدكت رجعت لكيتك الله يخليك ابقه والله اني اجيت قبل شهرين لشاطرلو دورت عليك كالو غير مكان عمله
- دورتي عليه
- اي
- شوكت شو باعيني دفعتها من حضني
- ماه ماه عوفني لتروح لتروح
- هاي شنو هاي خليت ايدي عليها حضنتها قوي شتريدين كولي واني انفذ
- لتعوفني
- هسه ليش دتبجين
- مااعرف
- اهوو باعيني باوعتلي ومسحت دموعها تقبلين بي
- نصيت رجعت باوعتله هزيت راسي اي
- حضنتها اقوى وين اروح اخطبج من عمومتج
- اي وخوالي احسن
- ماشي باجر تروحين لشاطرلو واني عكبه اجي تباتين بيت خالج
- اي
- عفيه غمضت عيني وبقت بحضني حسيتها طفله -- شنو غير رايج
- مااعرف من عافتني ناز وكامت تبقى خفر كمت بس افكر بيك
- يعني لو ما
- لالا والله اني من البدايه من اريد انام اتذكرك وابتسم للذكريات
- باوعي بعيني واحجي
- ها
- باعي مو شهر وتصير شغله وراها تعوفيني تره اسبيج سبي لتشوفيني هادى وحنون
