فاش شافت فيا تكهربت سبحان من صور ماهذا الجمال كتحمق بيضة قصيرة وطبيبيزة عينيها كبار ماروا شعرها فلون ديال شمس رطب وطويل وبعض الخصلات طيحين على وجها وأنا كنشوف فيها بديك طريقة خدودها بداو كيحمارو وتوترات أنا أصلا معرفتش أش وقع ليا بقيت غير كنشوف ناضت جمعات كتوب ديالها وخرجات بزربة بقيت مقابلها بعيني حتى خرجات شوية وأنا نتابه أنها نسات واحد الشال على الكرسي هزيتو وخرجت كنجري باش نعطيه ليها ولكن مالقيتهاش لقيت غير زكرياء كيقول غدة إنشاء الله وجي عندي لبيرو نصبقك نت الول أسي لعربي ياله باي..
زكرياء : سمح ليا تعطلت عليك ياله ندخلوا
أنا : ياله وأنا كنتلافت عالله تبان ليا وهاز الشال فيدي دخلنا جلسنا
زكرياء : فيناهيا لبنت لقالينا سرباي
أنا : راه مشات ملي كنتي كتهدر فتيليفون
زكرياء : شناوا ولد لحرام داك سي لعربي هو لعطلني كيوصيني باش نقدي ليه غرادوا هو الول والله ياتنخليه هو لخر نصبق كاع ناس لجاوا موراه
أنا : هههه طويت هداك الشال ودرتوا فجيبي تعشينا بضحك ولهدرة فعباد الله وداز لوقت بزربة رجعنا فحالنا دخلت لدار مشيت ديريكت لكوزينة كان فيا لعطش غير حطيت لكاس على فمي تفكرتها كيفاش كانت حشمانة من نظراتي ليها تفكرت فيمها الصغيور فالغوز حطيت الكاس وقلت أعوذوا بالله من الشيطان الرجيم دخلت توضيت وصليت ومشيت نعست حيت خاصني نفيق بكري على حساب الخدمة تكيت ولكين منعستش مزيان فقت على لغوات ديال ماما نوض راه 7:30
أنا : أويلي تعطلت بديت كنلبس وكنجري بحال شي مسطي وصلت الخدمة دخلت وراوني لبيروا ديالي معجبنيش داكشي بزاف ولكن غنقدي بيها دابة كلشي فدار كيحساب ليهم أنا هو لمدير ديال الشركة خوتي مكاين غير ارا سلفني تانرد ليك شي ردان ماشفتوا وأنا عاجبني الحال واحد النهار قطعت عليهم الماء وضوء ولات سميتي منير حرفية مبقاش خويا زين د لافامي هههه دخلت من الخدمة مشيت كنجري عند ماما ماما ماما ماما
ماما : نعام أولدي ياك لباس مالك كتغوت
أنا : صبنتي ليا لحويج ليكانوا فشبكة فبيتي
ماما : غير سمح ليا ولدي والله ماساليت انا نمشي دابة نسبنهم ليك غير متقلقش
أنا : بستها وعنقتها على جهد شكرا ملي ماصبنتيهمش
ماما : خرجات عينيها ويلي ولدي هذا ولاكدبت لعجب ..
مشيت كنجري جبدت داك السروال لكنت لابس فاش خرجت مع زكرياء جبدت من جيبوا شال ديال ديك البنت لتلقيتها فريستور طالعة منوا واحد الريحة زوينة هزيت داك الشال وخرجت بزربة مشيت لريستورون تلقيت بالسرباي
أنا : شفت فلاكارط ليمعلق فصدروا سيمحمد عافاك نسولك ديك لبنت لجلست معاها فطبلة ديك المرة راه نسات الشال ديالها واش مجاتش من بعد
سيمحمد : هيا ديما كتجي هنا وجات أخر مرة سولت على الشال لكن من بعد مابقاتش رجعات...
رجعت لدار بخيبة أمل وليت كل ليلة كنمشي لذاك ريستوا لدرجت أن داك سرباي ولا صاحبي ولكن والوا تقطعات خبارها واحد النهار غير جيت من لاصال حليت فايسبوك طلعت عندي طلب صداقة لقيتها واحد الصديقة من يامات الدراسة acceptitha وصيفت ليها مسج حيت بصح عزيزة بزاف وتوحشتها
أنا : سلام ختي إيمان فين غبورك مشيتي بلا ماتخلي حت خبار عليك 😌
إيمان : سلام حبيبي منير والله حتا قلبت عليك بزاف وسولت عليك جميع صحابنا ديال المدرسة لكن والوا حتا لنهار طلع ليا فايس ديالك وأنا نصيفط ليك المهم passe moi ton num باغة نسمع صوتك اما ليمساج كيوالوا
أنا : هههه واخة ...06********0 هاهية صوني عليا باش طلع نيم ديالك ok أنا غنمشي ندوش راه ياله جيت من لاصال باي ..
سديت لفايس مشيت دوشت وصليت وبقيت جالس كنقرا القرأن وكنستمتع بصوتي فالتلاوة صدق الله العضيم كنسمع تلفوني كيصوني كنشوف رقم غريب مجاوبتش حيت خوكم فسر عيت من دوك المضايقات تاع لبنات..حطيت تلفون تكيت باش نعس جاني مساج فيه
ci imane reponde moi?? ok
أنا : عيطت ليها ألوااا فين أزين cava والله توحشتك
إيمان : حتا أنا توحشتك ممكن نشوفك غدة عافاك حتا تخرج من الخدمة مع ديك 8:00 مزيان
أنا : واخة غدة إنشاء الله نتشاوفوا تصبحي على خير...
فقت فصباح لبست عادي سروال دجين زرق وتريكوا فشيبي سبادري فشيبي مشيت الخدمة ملي خرجت عيطت لإيمان
أنا : إيمان فين غانشوفك أنا خرجت من الخدمة
إيمان : نتلاقاوا فريستوروا مومني لف لمعاريف
أنا : ههه فالمومني واخة انا جاي قطعت صدفة زوينة مزيان نيت نسول على ديك مولات الشال..
مشيت واااااااو ملي شفتها تصدمت ولات غزالة زيانت وطالون وجات لابسة واحد لاغوب فالكحل حد الركبة وشعرها قصير وماروا بيضة ورقيقة جايا متأنقة بحالا غتلاقا بشيحد مهم بنيسبة ليها وأنا كيلحمق جيت لابس عادي المهم غير دخلت تلاحت عليا بواحد تعنقة حسيت بشحال كانت مواحشاني وحتا أنا عنقتها...
أنا : تبارك الله مشاء الله أش هاد الزين
إيمان : نت لأش هادشي تبدلتي بزاف أمنير والله أنا ممصدقاش واخة كنت كنبقا مقابلة ليفوطوا ديالك فالفيس ولكن لواقع حاجة أخرى
أنا : لالا 😊 نتي ليزيانيتي ولا أنا نقص ليا الشوف هههه.
أنت تقرأ
صحبتي وكتبغي راجلي😔
Любовные романыالوو فين أصاحبي لباس عليك ... وراني لقيت خدمة وأخيرا ماتكون غادعوتك تقبلت كتقوليا ديما سير لله يطيرك دابة عام وأنا كنقلب حتا نياست وعيطو ليا واحد شاركة ديال lmedicaments دابة زكرياء : هههه ياك قلت ليك أجي خدم معايا ولكن نت مابغيتيش أنا : لا لا أصاح...
