الكاتبه
مريم السعدي
كان يامكان ..
المكان : الاعظمية راس الحواش
الاسم : نائل محمد عطية
الحالة الاجتماعية : اعزب
العمر :٣٠ سنة مواليد ١٩٨٦
التحصيل الدراسي : خريج كلية هندسة ميكانيك
العمل : تنظيف وتصليح الاسلحة
اني نائل اعتقد التعريف الفوك كلش كافي بس حبيت اضيف انه اني عايش ويه والدي ووالدتي وعندي اخو واحد فاضل وعدي خوات ٢ سهى ولمى سهى ارملة وعايشة من راتب زوجها بيتها وعدهة تقى ونور بنوتات ٢ لمى متزوجة بالجديد وبعد كم يوم يهاجرون من البلد لان طلع لجؤهم حاليا اني بدون عمل بعد ما كنت اشتغل ويه والدي قبل التقاعد سايق للموضفين وبعد ما تقاعد اخذ الشغلة غيري فاضل اخوية عندة مكتبه يشتغل بيهة اهلي مقدمين ع لجوء من كم سنة لان اهل امي واهل ابويه كلهم مهاجرين لاميركا وبعد ما والدي تقاعد قدم لجوء حتى يروح يمهم وياخذنا كلنا مرت الايام اخوية تزوج من بنت خالتي العايشة برة وسحبته وياها بقينه اني وامي وابويه بس واختي الارملة اللي مترضىتهاجر صديقي انيس صديق الطفولة من شافني كاعد اقترح نفتح محل تصليح الاسلحة ولان اني ميكانيك شغفي كان بالاسلحة وتنظيف السبطانات وافقت والدتي خطيه ونطتني ذهبها وفتحنا المحل وبدة الشغل مرت سنة انعرفنا كلش بالذات اني لان خبرة وهوايه متخذهة مو صنعه وصاروا يجون ضباط ونقباء واصلين بالدولة ويشترون الاسلحة مني صرت اطور بعملي الي بيع الاسلحة وشرائها مامعناه عدي سلاح اصلحة وصاحبة ميريدة وميعرف قيمته اني اشتريه منه وهو نوعيته انتيكات بعدما نضفته والمعه واعرضه بالمحل يتخبلون عليه هوات الاسلحة مشت الايام انيس صاحبي عمة تعين بالبرلمان كمت مااشوفه وصار المحل عليه بس اني احب شغلتي ممهتم لهالسالفه مرت سنة ثانيه والدي ووالدتي طلع لجوئهم
