# شمووخي_ وانكساري4
جيجي: ضليت أسبوع بين الضرب والاهانات واني مربوطة بس حنان مقهورة عليه كلش خايفة ماعرف شيسوون بيه بعد دخلت عبير عليه
عبي : يالله اشلون انتقام اخذتلي كعدت كبالها سجدت صلاة شكر باوعتلها شفتي نتيجة ظلمج وتكبرج هسة اتزوج اخوج واني مرتاحة تفو عليج اني هسة وحدة متزوجة وعندي مكانة بالمجتمع ناس تكوم وتكول زوجة مؤيد وعرسي الناس راح تحجي بيها واني رافعة راس اهلي لان متوكله على الله اما امثالج فحتى الموت لازم تتمنيها ياساقطة
عبير الله يخليج سامحيني ابوس ايدج والله مجنت اعرف مؤيد يأذيج عبالي بس يعترف بحبه الج والله العظيم
لاتحلفيلي ردتي تكسريني لان جنت انسانة ضعيفة وعلى نيتي ولج جيتج متمنية نصير خوات بس انتي شسويتي بيه أشكرج قدمتيلي اخوج على طبق من ذهب مدللني معيشني ملكة حتى نسيت ابن خالتي وزواجي لوتشوفين تحضيراتنا وغرفتنا اللي جنتي تتمني وتحلمين بي اني سويته الي فاشكرج يا .....
مؤيد: شتسوين اهنا
عبير: حبيبي اواسيها اشبيك هي مو اختك
لا طبعا هاي عار مو اختي
لا حبيبي وتبوس بي كدامي لاتصير قاسي امشي نروح وتغمزلي سمعت يكوللها مشتاقلج واني هم خلي نروح لغرفتنا لا اريد اهنا طلعها عاجبني مثل اول مرة وتباوعلي جرني وطلعني من غرفة ورحت يم حنان دخلت بجيت
حنان: شكو هم ضاربج مؤيد
لا حجيتلهاسالفة عبير
تفو عليج شلون هيجي تسوين لعبتي بشرف البنت
والله موهيجي مجنت اعرف
ولج انتي شلون بلوى استغفرالله تستاهلين اللي يصيرلج
بجيت باوعت بالمراية هاي منو اكيد مو اني وجهي مشوه ليشchrakirkukiواتباد هيجي ليش تعال موتني مؤيد اصيح واعيط عليه ماتحمل اصير مشوهه سدت حلكي
سكتي حيوانة
ماما: ليش تصيحين جلبة بنت الجلب عندي ضيوف تردين تفضحينا وانتي حنان خاتون نزلي اشوف كاعدة علة على كلبي لازواج ولا بطيخ منتظرة ابن بدريه تحلمين تاخذيه
افتهمت زين ماما جاية
بقيت وحدي نمت غفيت
كومي
فراس يباوعلي ويبجي
فراس :ليش نزلتي راسنا ليش رخصتي بنفسج اشكد احتقرج هسة تفو عليج ياما نصحتج لاتمشين ويا هالبنات مع الأسف دمرتي نفسج خلي غرورج يفيدج.
حتى أنت فراس مو مصدكني
ليث : كل فكري يم جيجي ياربي شمسوية هاي شلون ضاربها مؤيد سمعت تليفوني نعم عمو الله يستر شكو بعد رحت جانو كاعدين مؤيد وأبوه نعم عمي
ابني ليث اكعد
وجههم ميبشر بالخير كعدت كالي
كملت فيزا مالت والدة باجر تروح للسفارة تاخذون موافقة وتسافرون واختك وياكم هم
اشكرك عمو بس راح يتأجل الموضوع
ليش جنت مستعجل شو غيرت رأيك
تعرف على أبواب الزواج عمي واحتاج مصاريف وعملية والدة هم تحتاج مصاريف لازم أرتب وضعي
ابني مصاريف العملية والسفر كلها عليه هدية مني اما بالنسبة لزواجك مو وكتها هسة امك اهم شي بالدنيا مو صحيح
اي عمي تسلم خليني افكر بالموضوع
ماكو نقاش تسافر وترجع بالسلامة تعرف معزتك يمي ميحتاج اشرحلك
سلمت وطلعت افكر بالموضوع رتبت وضعي وكملنا اجراءات سافرنا التهيت ويا امي نسيت موضوع جيجي وسمر علاقتي صاير باردة وياها بس تريد فلوس وهداية زعلت لما سافرت ليش متزوجتني وتاخذني وياكم هم نسوي شهر عسل اني وين وهي وين .
جنت نايمة ماما دخلت لغرفتي
كومي قيسي هالفساتين وبعد شوية تجي خبيرة التجميل تعدل بشعرج ووجهج
باوعت لشعري كله مقطوع ووجهي صارت احسن اني شهر محبوسة بغرفتي بعد يومين حفلة زواج مؤيد كمت قست chrakirkukiواتبادالفساتين وكصيت شعري لحد كتافي جانت تكولي حرامات شمسوية بشعرج مجاوبتها شحجي وشكول ماما اريد انزل جوا
ابوج ميقبل
لعد شلون أسافر وياكم واروح للحفلة لامؤيد ولا أبوية يحجون وياية ليش متسامحوني والله حرام عليكم بدل متسألوني ليش مشيت بهيجي دروب تزيدون الطين بله
صدك ممترباية
اي طبعا تربية خدم شطلع بالله حجي ميفيد وياج ماما ساعديني ارجوج والله مخليته يلمسني
راح أشوف ابوج واحجي وياه .
سافرنا عدنا بيت بدبي شفت حنان مهتمة بنفسها اهواية متغيرة وتطلع مع عبير يرحون يتسوكون وصالونات عبالك هي هم عروسة شكو اكول حنونة
نعم
اكو شي
مثل شنو
متغيرة
مو هيجي أحسن
اكيد بس شنو سبب طلعاتج اهواية هالايام
أساعد عبير
واني مو اختج أشو متسأليني شتريدين ماتريدين
اعرفج ممحتاجة شي حتى لو تحتاجين تكدرين تجيبيها لنفسج
انتي متغيرة أهواية حنان
حرام اعيش بفرح لو بس تردين الحب والاهتمام الج واني صفر على القائمة .
قبل الحفلة بيوم دخل بابا لغرفتي كمت من الفرحة اتقدمت اشرلي
ابقي بمكانج اليوم حنة اخوج تتصرفين طبيعي مصاير شي وباجر العرس اريد تشرفيني وتوكفين ويا اخوانج كافي دلع ودلال اي حركة منا ومنا اموتج
الله يخليك سامحني والله تبت ماتحمل معاملتك اليه
تستاهلين أكثر وباجر راح أردلج الكسرة اللي كسرتيني بيها أضعاف مضاعفة افتهمتي أريدج ملكة الحفلة باجر ورا مايطلع اخوج من القاعة اصفي حسابي وياج.just me
.
