شمووخي وانكساري.جزء ٨. .بقينا وحدنا باوعلي نزلت راسي ليش تعصبيني منج اني ماريد امد ايدي عليج بس انتي مو بيدج جسمج يحكج ليش نمتي يم ندى مو عيب عايفتني وحدي رفعت راسي صارلنا ٣ ايام سوية كم مرة ضربتني بيها اذكرك وكلها بدون سبب اني ماعتبك استاهل اكثر اذا اهلي ذبوني وميريدوني بقت على غريب منو غريب اني زوجج مو غريب شنو حجيت لاهلك تعالي فوك اكولج زين خلي نروح شنو مستعجلة لمي سفرة وغسلي مواعين عيب عليج تكومين هيجي ماعرف تعلمي مو تريدنا نحجي سمعي اريدج تتعلمين شغل بيت من ندى لا ماريد ماكدر ماكو هيجي حجي امي واختي مو خدامة عندج افتهمتي عصب وكام ياربي شسوي هسة جتي ندى حاولت اساعدها مكدرت كالتلي كعدي اني اسويها فرحت فتحت تلفزيون قنوات مالتنا ماعدهم شنو هذا شلون يخلص اليوم جتي امه جنان عيوني روحي لرجلج بلكي يريد شي زين ام ليث لا كوليلي يمه فرحت كتلها زين يمه صعدت شفته نايم شبساع نام كملتي شغلج مو جنت نايم لا انتظرج تعاي رحت يمه شسويتي بسته نسى سالفة بقيت بحضنه احجيلي اشسويت ويا امك واختك.لما دخلت بيتنا ماعرف شلون اكول لامي اني اتزوجت جنان ب ٣ ايام ماكو هيجي زواج مستعجل وهي بنت رجال مسؤول مستحيل ينطوها للحماية مالتهم شفت نظراتهم الها متوترين بس ميحجون رحبو بيها كلت لاختي صعديها لغرفتي بقو مصدومين بس ميحجون شي صعدت امي كالت ليث شنو سالفة كلبي مو مرتاح ناحية هالبنية شنو السالفة جتي ندى ليث هاي لعابة لو شنو تخبل شنو هالجمال متشبه ابوها ولا امها اي هي متشبهم سديت باب يمه سمعيني اني متزوج جنان شنو كامت تلطم شلون تاخذها وتهرب ولك متستحي نسيت ابوها اشسوا علمودنا ولك احنا عايشين بخيرهم الف وسفة عليك اني هيجي مربيتك تغدر بالناس اوكفي يمه ابوها تعرض لازمة قلبية جان بين الحياة والموت طلب مني اتزوجها حتى يطمن عليها شفتيها حلوة خاف عليها من اهله وتعرفين شون علاقتهم ويابعض فهو اترجاني اتزوجها واخذها اويلي اشكد خطية وهسة ابو مؤيد اشصار عليه والله عايش عالاجهزة بين الحياة والموت وليش رجعتها جنت تبقون يمهم يمه نسيتي شغلنا اهنا وعرسهم اشصار عليه بعد عرس الرجال مجان بي شي ودعنا مؤيد وهو وكع وانت دخلت عليها لو لا لا يمه شلون ادخل عليها زين بقيها هيجي لحد ما انشوف وضعك ويا سمر يمه لازم نقنعهم اني اريدها لسمر والله مادري شكولك ابني ترى صعب وتعرف زوج خالتك اشكد يكبر سوالف الله كريم .منين طلعت هالحجي مردت احجيلهم حقيقة اشكرك ليث لعد ليش ضربتني صوجج كتلج لاتلعبين باعصابي اوك احاول ماكو احاول سمعيني اني دمي حار ماتحمل زين زين عفية وهسة اشكريني بطريقتج ماكو ليش بكيفج مو اخواتك هسة يجون اخذ حقي يالله اوف منك اشكد عنودي اوف منج اشكد دلوعة .كبربعيني اهواية هذا شخص الي جنت احجي عليه واستحقره صار سندي واحسن من اهلي اشكد جنت تافهه وعقلي صغير اني زمالة جان كدامي وجنت رافعة خشمي وشايفة نفسي عليه انتظر ابن وزير لو مسؤول عبالي الدنيا كلها فلوس اتعرفت على خواته طلعو حبابين اتغدينا وكعدنا نضحك ونسولف لحد ما كال يومه اروح ابدل وانتي حضري نفسج اني متت من قهر شلون يروحلها اخاف متقبل ابقى على ذمة ليث وهو يطلكني اشرلي اصعد وياه صعدنا اشبيج مبوزة لا ماكو عليه ولج اني عاجنج وخابزج بيدي ليش اني خبز لا صمون فرنسي ضحكت لاتضحكين بعدين اتاخر على امي شنو راح يصير ليث ماعرف اني خايفة ليش مادري طلعيلي كيس احمر من جنطي اوك طلعت جانت هدية كلتله المن هذا لسمر شنو شكو تصيحين نصي صوتج وانتي شعليج عفته وطلعت من غرفة نزلت لازمة نفسي بالكوة شفتهم يباوعولي بنظرات شفقة كالتلي ام عمر عفية جنان شنو هالجمال اهلج جانو ينطوج عسل بدل حليب يريدون يضحكون ويايه شايفيني ارجف ومتوترة ليش ام عمر ولج والله انتي عسل همه يضحكون مو ام رؤى اي والله ترى ها اذا جتكم بنية محجوزة لابني عمر لاتستعجلين ام عموري بلكي يجيهم ولد اخذه لرؤى ليش تقلديني عيني مننطي اولاد اخوية الكم احنا عدنا عسل منريد دبس شفته نزل باوعلي بنظرات يهددني ولا عبالي راحوا استاذنت منهم طلعت للغرفة بجيت ااخ يادنيا اني صرت ابجي على رجال ومنو ليث الله لايسامحك بابا شلون رميتني هالرمية .رحت لبيت خالتي سلمنا وكعدنا ماعرف منين ابدي وياهم كلت عمو اكدر اكعد ويا سمر وحدنا اي شكو بيها رحت لغرفتها لزمتها ابوس بيها مشتاقلج لاتجذب صارلك ايام متسأل عليه وانتي ليش متخابرين اني زعلانة تعاي أصالحج ماريد اندمج ها ماريد متريدن حضني خليهم ألك شنو تأمريني حضرة الاميرة اي بس حجي فعل ماكو اشبيج سمر ليش رحت للعرس مو كتلك لاتروح هذا شغلي شلون ماروح لو جنا متزوجين جنت تاخذني وياك لوبيدي هسة اخذج بس ابوج ميقبل يريد بيت جديد وسيارة وانتي تعرفين ظروفي واني شكو شنو ذنبي ليث احبك واني اموت عليج شوفي شنو جايبلج شنو هذا طخم ذهب لا لعد عطور وكريمات شسوي بيها ترى هاي ماركة وغالية اسمها عطر لا ذهب ولاهم يحزنون اني ممقصر وياج بلي مقصر جريتها من ايدها وكعت بحضني باجر اشتريلج محبس ماريد شتريدين سيت كامل لاتصيرين طماعة اتعلقت بركبتي مو طماعة اريدك تثبتلي حبك متحسين لا صدك سمر اني مقصر وياج اي حيل بخيل يمكن هسة جايب لاهلك ذهب والي عطور شنو هذا حجي ترى امي خالتج لاتنسين مناسية اني اريد اعيش بعدني شابة تحبيني طبعا اريد احجي وياج بموضوع مهم شنو صيري عاقلة وافهميني حجيتلها سالفة جنان مثل ماكلت لأمي كامت تصيح ليش تتزوج عليه اني شمسويتلك ردت اسد حلكها واسكتها كامت ركض على ابوها بابا الحكني رحت وراها شكو شمسوي بيها ماكو عمي جذاب بابا متزوج عليه ايا حقير ابن سكران شلون هيجي تغدر بينا باوعت لأمي شفتها منزله راسها وتبجي خالتي أستلمتني وابوها وهي مبقى شي محجو وبالاخير كالو نريدك اطلك سمر كتلهم مستحيل كعدت حجيتلهم سالفة. ابوها كلش طماع يموت على فلوس لما سمع هي بنت ابو مؤيد شفته ساكت كأنما يفكر بشي كالي راح نفكر ونردلكم خبر عرفت علمود فلوس راح يقبل طلعنا ويا امي بس سمر متوقعتها هيجي تحجي عليه اعرف مقهورة بس موتكول عليه هيجي طلعنا بالسيارة يمة ليث لاتزعل ولاتضوج نفسك مصدومين حقهم بنتهم وحيدة صعبة ترى وجنان هم مبين عليها حبابة وبنت ناس اخ يمه بكلبي اكول لو تعرفين حقيقة متكولين هيجي عليها امبين عليج حبيتيها اي والله حبيتها دمها خفيف وتنحب خطية مبين عليها مقهورة على مرض ابوها مكسورة اهوايه الله يساعدهم ابني ماريد ادخل بحياتك لاتقترب منها هسة ادري هي زوجتك وهذا شي من حقك بس انتظر انشوف سالفة سمر وربك يحلها .كلش مقهور من سمر عبالي راح توكف ويايه متصورت تصغرني كدام اهلها دا احسها متحبني بس تريد هدايا وفلوس واني ممقصر وياها بس هي ممبين بعينها فوك قهري امي تكولي لاتقرب من جنان كتلها اي زين واني اكثر من مرة متقربلها تعودت عليها رغم كل شي بينا أريدها ماعرف حب تملك لو رغبة جسد بس مو حب حقيقي اني كلبي بس لسمر.
