روايه سعودية (حب الطفوله)

ماقبل الأخير

بعد ما رجعوا البيت بدر طلع غرفته وسكر الباب على نفسه وفارس جلس مع أمه وابوه في الصالة

أم فارس.هاه بشر عسى قبل العذر

ابو فارس.والله الرجال ما قبل عذرنا بس هو قال انه بيقبله بشرط واحد

ام فارس.وش الشرط

فارس.انه يتزوج رغد

ام فارس.معد بقي ألا هي بدر صغير بعد وراه جامعه

ابو فارس.والله هذا هو العلم زي ما قال فارس بس احنا قلنا بنتعذر له ونقول بدر صغير ونزوجها فارس

ام فارس.ما دريت انك ضايق كيف تبغاه يتزوجها وهي كانت تلعب على اخوه

فارس رد عليها بعصبيه .هو اللي لعب عليها هي مالها ذنب وبعدين هو غلط خليه يتحمل نتيجة غلطه أنا طالع غرفتي

ابو فارس.اطلع ريح راسك وما عليك منها

ام فارس.بس ولا واحد من عيالي بيتزوجها اختصر عليك من ذالحين

فارس طلع غرفته ومسك جواله ودق على تهاني

تهاني.ايوا فارس سلام

فارس.وعليكم السلام بغيتك بموضوع

تهاني .خير أنا حاضرة تكلم

فارس.ما تقصرين بس السالفه تخص رغد

تهاني.ليش اشفيها

فارس.اليوم رحنا عند ابوها وخلينا بدر يعتذر له بس هو ما بيقبل العذر لين يتزوج بدر رغد

تهاني.تمزح صح

فارس.والله لو اني عارف انه وقت المزح كان قعدت اضحك على اللي صار بس الكلام اللي اقوله ذالحين جد ورغد المتضررة من ورآه عشان كذا الله يخليك كلمي رغد وقوليها ترفض هذه الفكرة وما توافق ابد

تهاني.بحاول اكلمها معني واثقة انه مستحيل تقبل تتزوجه بعد اللي سواه

فارس.الله يسمع منك بس بعد ما تكلمينها ردي مني وأعطيني خبر

تهاني.ولا يهمك

بعد ما خلصت تهاني المكالة مع فارس دقت على رغد

تهاني.سلام رغود اخبارك ان شاء بخير

رغد.وعليكم السلام الحمد لله انت كيفك

تهاني.تمام بس انا اتصلت فيك عشان ابغاك بسالفة

رغد.آمري

تهاني.بس ما ينفع اكلمك من الجوال لازم اشوفك

رغد.خلاص بأقول لأمي اني بأجيكُم

تهاني.تمام اذا كذا

رغد نزلت عند أمها في الصالون وجلست جنبها