في اليوم الثاني الساعة 2 ظهر ابو رغد يتصل على ابو فارس
ابو رغد.سلام
ابو فارس.وعليكم السلام
ابو رغد.انا اتصلت فيك عشان نحدد موعد الخطبه
ابو فارس.ليش متى بغيتها
ابو رغد.خير البر عاجله وأنا بغيتها بكره
ابو فارس.لكن انا عندي شور ثاني ان كان تسمع لي
ابو رغد.شير
ابو فارس.أنا اقول ان بدر صغير بعد ولا هو متحمل مسؤولية نفسه وكيف بنحمله مسؤولية بيت وعيال أنا والله اعد رغد وحده من عيالي ولا ارضى عليها عشان كذا وش رأيك نزوجها لفارس رجال عاقل والله لو ما ثقتي فيه ما اشور عليك
ابو رغد.تبغى الصدق اني ما بغيت ألا هو لكن اللي غلط بدر واحنا ما نقدر نلعب بالبنت ونقول مرة بنزوجك ذا ومرة ذا لكن شورك وهداية الله ابسأل اهلي وارد منك
ابو فارس.تسوي معروف
بعد ما قفل ابو رغد المكالمة مع ابو فارس دق على أم رغد عشان يأخذ رأيها
ابو رغد.سلام
ام رغد.وعليكم السلام
ابو رغد.كيف رغد اليوم طيبه
ام رغد.ما صحيت لين ذالحين يمكن سهرت تفكر طول الليل
ابو رغد.على طاري التفكير كلمت ابو فارس وقلت له انا بنخلي الخطبه بكره بس هو شار علي انه نكلم رغد ونشوف رايها بفارس ان كان توافق تتزوجه لأنه على قولته بدر بعد صغير وبنضيع مستقبلهم أذا زوجناهم
ام رغد.هذا اللي بغيناه عساها توافق بروح اكلمهما وارد منك
أم رغد راحت صحت رغد وبعد ما صحيت غيرت ملابسها وافطرت وجلست تتابع التلفزون
ام رغد.رغد ماما بغيت أكلمك بموضوع
رغد.قصة امس
ام رغد.السالفه نفسها بس تغير فيها كم شغله
رغد.وش
ام رغد.ابوك كلم ابو فارس وتشاوروا وقالوا انه احسن تتزوجين فارس بدل بدر
رغد.وش انا لعبه كل مرة عريس
ام رغد.بس انتي ما كنتي تبغين تتزوجين بدر عشان كذا قلنا نزوجك فارس لأنه ما معك حل غيره
رغد.بس أنا ما حبه وأنت تعرفين
ام رغد.مو وقت الحب وابوك ما بيسكت أما بدر وألا فارس
رغد.طيب خليني افكر واعطيك خبر
ام رغد.خذي وقتك
رغد.أنا بطلع غرفتي
أنت تقرأ
روايه سعودية (حب الطفوله)
Romansيمكن ان نحب ولكن هل يمكن ان ننحب هل يمكن ان نحفظ هذا الحب لوقت طويل هل سيستطيع قلبنا التحمل اكثر وهو يرى حبه يحب احدا غيره بتمنى تعجبكم هذه اول روايه اكتبه بلهجتي السعوديه ..
