"BAKIT HINDI NA LANG NATIN ITIGIL"
By : Sianne
Nakakapagod na pag-awayan yung mga walang kwentang bagay kaya BAKIT HINDI NA LANG NATIN ITIGIL.
Nakakairita na yung paulit-ulit na nangyayari kaya BAKIT HINDI NA LANG NATIN ITIGIL.
Nakakasawa na yung sitwasyon na halos wala ka ng maintindihan kaya BAKIT HINDI NA LANG NATIN ITIGIL.
Nakakapanlata na yung ganitong relasyon kaya BAKIT HINDI NA LANG NATIN ITIGIL.
Nangako tayo sa isa't-isa na walang susuko, na walang bibitaw sa mga pangako. Ngunit paano kung hindi na tayo masaya? Kung bawat araw na dumaan palaging away na lang ang dala? Yung palitan ng "i love you" na noon ay damang-dama pero ngayon para na lang siyang bente-singko sentimos na wala ng halaga? Kung sa tingin mo napakadali kong sabihin ang mga ito pero sa kaloob-looban ko napakahirap para sa akin. Napakasakit isipin na yung dating tayo ay ibang-iba na. Muntik ko na nga isipin na nagkaroon ako ng amnesia kasi sa totoo lang yung "tayo" na pilit kong sinasalba ay hindi ko na makilala. Kaya mahal hanggat kaya pa natin iligtas ang ating mga sarili , hanggat kaya pa natin intindihin ang mga nangyayari... BAKIT HINDI NA LANG NATIN ITIGIL.
