كعدت الصبح من وكت واخذت غراضي ودفعت فلوس الفندق ورحت للمطار وطارت الطيارة ورجعت لبغداد
وجنت كلش مشتاق للجهال عبالك سنه مشايفهم طبعا نور مرتي كلش تحبني ومريحتني بس اكثر الاوقات تلتهي بالبيت وبالجهال وتهملني مو دائما بس يعني بس اني دورات اتعارك وياها ودورات اقدر هذا الشي لان اشوفها كلش حريصه على البيت والاطفال بس شسوي
اني رجال وعندي متطلبات
المهم رجعت وكعدت وياهم والجهال راحو لغرفهم اجتي بالي المحاميه وطلعت النفنوف كتلها ل نور اريدج تلبسي وتخلين مكياج شفت نور متعاجزة كتلها ها كالت اي هسه
المهم كامت ورة شويه جتي نور طبعا نور موكلش حلوة يعني دائما يكلولي انت احلى منها بس اني جنت اشوفها احلى وحدة صراحه من شفتها كلت بكلبي لو هاي المحاميه تلبسه يطلع احلى عليها
بس استغفرت ربي لان افكاري كامت تروح لغير مكان
المهم اني كمت كعدت يم نور ومجرد مااكمش نور تذوب
خطيه بيدي وبس بستها راحت هههههه لغير دنيا
وبعدين لمن خلصنا حسيت بالي بغير مكان
واستغربت انو مرة وحدة شفتها وسمعت هيج حجي
عليها شلون وبعدني افكر بيها وشلون اقارنها بمرتي
بس شسوي الشيطان شاطر
المهم جنت تعبان من السفر وتفكيري تعبان خليت راسي
ونمت وماحسيت الا ساعه بالتسعه وشفت نور ماكو كمت غسلت شفتها دسوي ريوك كعدت تريكت الجهال جانو بالدوام خلصت
ريوك وبدلت وطلعت رحت للشركه
طبعا مصار احداث هوايه حياتي الاعتياديه ومرت سنه
وخلال هاي السنه نور صارت حامل وهسه هي ثلاثة اشهر صارلها حامل
ولكن المفاجئه انو اني شفت ميلان...
