Ha pagtikang nimo pagsurat
Ako nakadi imo luyo natutdo ngan nasumat
Paunanhon iton paggamit
Pagduon ngan ha papel ig dikit
Nagbagis ka
Nagsobra ha linya
Nayakan ako ayaw kabaraka
Aadi ako an magpapara
Waray nag iha naging dati ka
Magdara lapis gisayuni muna
Baga kala hin nag iinuyag hin sanga
Pira ka bagis, tawo na it itsura
Nagpasalamat ka akun
Nayakan ka dika maaram pano mu ako bubulson
Huring ko ha imo bag nga abri, ay' pakalisang bisan imo nla ihatag tim kasing-kasing
Pero intrimis la, bata paak ayaw labad dida
Pero nagbiling kagud papel
Didto mo ginbutang nim drawing
Narisyo ka nim kasabid
Ginkalimtan ako an para ako lugod nim ginpara
Oo masakit
Pero dire ak mauurit
Diko igbubuyboy nak ginhimo para imo
Bahala ka nala maghuna huna hadto
Pero kay tais nim lapis
May diriksyon gud ngadto ha papel nga manipis
Kalipayan mu ha iya
Diko paparaon baga saho nala
Madupo man tim lapis kadto kan tahar
Hinaya naman pagtahar
Basi pagduon mu papel dire lumapos Ngan unta maupay it atok
Magsala kaman aadi la gud ako
Ayaw pagsayop mag-alang
Akon ito paparaon tanan
Dirik mahuhubya kay ikaw higugmaon man
Lapis ka haak kinabuhi
Dika man haakon kasing kasing pumahirani
Dire ak mauurit
Linya muman para ha iba dire ak magpipirit
Hinaya nala pagdara
Maupos man palit nala iba
Upaya gud nga monggol 1 la
Ngan pink an kolor han pinkaulo nga nga para
Ako mauupos
Ako usa nga para mayda pagka ubos
Mawara man ak ngan dina makapara,
Paghigugma ko imo dire na mawawara
