#مذكرات_انثى_حاربها_الزمن

الجزء الثالث

#مذكرات_انثى_حاربها_الزمن
الجزء الثالث
اليوم بيت اهل هدى مسوين حفله بمناسبة تخرج بنته هدى من الجامعه والكل معزوم طبعاً تارا متطلع تبقى بغرفتها لان اذا طلعت يكتلوها اهلها اما هدى فلبست احلى شي عدها ومكياج صارخ وفستانها مخلع شافت زيد واكف وكفت بصفه شلونك زيد مارد عليها ام ايمن يريد ياكلها بعيونه وكف يمها شوكت اسوفج مشتاقلج هدى اشش ليشوفك بابا تخبلت انته وعافته وراحت تسلم على ام رعد وبنتها هاله هالة واكفه ولمحت الخدامة اخذت اكل بصينيه للطابق الفوك كتلها الفضول ووسالت الخدامة المن وديني الاكل الخدامه لتارا بس نتبهت على عمتا ام ايمن خزرتها وطلعت هاله سالت ام ايمن ليش تارا مو كلو ماتت ام ايمن معليج بيها وحدة خرفانه عالخدامة
هاله شافت الكل مشغول بالحفله وقررت تصعد تشوف منو هاي تارا صعدت وفتحت باب الغرفه ونصدمت لمن شافتها بنيه مثل الملاك ايه من الجمال بس حزينه ومسجونه ليش تارا خافت من شافت هاله عبالها وحده من صديقات هدى خلت  ايديها على وجها خاف تضربها والله ماطلعت فدوة لاتضربيني هاله مصدومة معقوله هاي هيج مسوين بيها ومخوفيها حضنتها اهدأي حبي اني هاله بنت عمج ابو رعد تارا متفاجئة ماعرفج ودنكت هاله
انتي تارا مو
تارا هزت راسها اي
هاله ليش هنا باقيه وليش حابسج عمي
تارا اني نفسي ماعندي الجواب كل الي اعرفه محد يحبني وكلها تكرهني وتضربني وبابا كارهني
هاله مصدومة اخذتها بحضنها وبجت عليها
اول مرة تارا تشوف بنيه تتعاطف وياها وتلكة حظن تبجي بي بجت وبجت وباوعت الهاله اطلب منج طلب
هاله كولي
تارا اريد اطلع من هذا السجن اكيد عندي اخوال اخوان امي  اريدج تطلعيني منا لان اذا بقيت حياتي تتدمر وهذا ابن عمتي وسكتت
هاله كملي شبي ابن عمتج هاله حلفتلها الكلام التحجي يبقى بيناتهم
تارا ودموعها تنزل يوميه يحاول يتحرش بيه بعد ماكدر اقاوم ماعندي قوة ودنكت تبوس ايد هاله فدوة لو تشوفيلي حل لو تجيبيلي يم اريد اشرب سم حتى ارتاح حلفتج واريد منج وعد تجيبيلي سم مفعوله قوي
هاله مصدومة معقوله اكو هيج وبقت كاعده يمها وتسولف وياها عن عيشتها هنا هاله خل ناخذ اني وياج صورة تذمار وضحكت صورت سيلفي الها ويه تارا وتفاجات عمها كدامهن عيونه تجدح نار هاله مصدومة معقوله اكو هيج اب
ليش فتحتي باب غرفتج تردين تفضحيني والعالم كلها تكول عنده بنيه من اليهوديه وطاحلها دفرات ابطنها وظهرها لمن وكعت واغمى عليها هاله صاحت على اخوها محمد ورعد ونصدمو من تصرف عمهم وهاي البنيه منو وليش هيج يسوي بيها دخل زيد شافها بدمها وفاقدة الوعي دفعهم كلهم وشالها واخذها للمستشفى رعد ومحمد وهاله مصدومين واحد يباوع عالثاني وهدى تخبلت من شافت زيد هيج يحبها فقدت اعصابها من رجعو لبيتهم يسولفون بسالفه عمهم وبنته الغامضه ابوهم يعرف بيها بس ممسولف الهم هاله بقى بالها يمها محمد
بس مبين عليها زغيره لان ماشفت ملامحها جنات نايمة بالكاع وسعرها اشكر مغطي وجهها رعد مجان باله يمهم لان بعده عايش بصدمة حبيبته العافته هاله فتحت موبايلها شوفو صورنه اني وياها سيلفي سبحان الخالقها شنو من جمال محمد اخذ الموبايل ويباوع يالله والله حلوة حرامات هيج ماذيها
هاله هاك رعد شوف شلون حلوة خطيه رعد بدون مبالاه باوع عالصورة ودار وجها بس رجع باوعلها صدك بريئة ليش هيج يقسون عليها عيونها زرك وساع وجها ابيض مثل الثلج بس شكلها حزين
زيد اخذها للمستشفى وعالجوها ومن رجع للبيت مقهور عليها شايلها بحظنه صعدها الغرفتها نيمها ونزل شاف خاله كباله عيون طالعه وعصبي  مرام تباوعله بحقد خاله كله زيد انته مالك حق بتارا وراح تدزها لبيت بالريف احسن شي زيد نصدم معقوله اكو اب هيج كلبه قاسي وقرر يخطبها منه كله خالي اني اتزوج تارا الخبر صعق هدى اما ابو هدى جان يريد هدى تتزوج زيد مو تاراكلها نجوم السما اقربلك هذا الي جنت خايف منه انك تطلع عندك علاقه بيها بس هين راح اكسر عينها وازوجها لشيخ مصعب زيد شنو شتكول
شيخ مصعب  اكبر من ابوها ومتزوج٣ نسوان زيد خالي ابوس ايدك اريد اخلصها من عذابك خاله باوعله اذا تريدني مازوجها من هذا الشايب انته تتزوج هدى
زيد نصدم شنو اني اتزوج ها الللل وسكت هدى ضحكت ضحكة نصر وطلعت الغرفتها فرحانه خاله كله عندك يومين قرر بيهن ونطيني خبر
طلع زيد مصدوم من الي صار ليش هيج ليش
تتبع