تانى يوم الصبح
انور.سارة جهزى الفطار خليني امشي بقى 😒
سارة.انور برضع ملاك ،اعمل اى ساندوتش بسرعة
انور.سارة هاتى ملاك وقومى
سارة.لا يا أنور ،هى جعانة ومش هسيبها غير لما تشبع ،طلع اى حاجة
انور.قلت لك قومى يا سارة اعملى فطار😬
سارة.حاضر يا أنور😒
سارة حطت ملاك ع السرير وهى بتعيط جامد اوى ومش بتسكت خالص ودخلت المطبخ عملت الفطار وانور بيلبس
سارة.الفطار جهز 😒😐
انور.افردى وشك انا على طريق سفر
سارة.افرده ازاى يعني😒
انور.يووووه انتى بقيتي فظيعة 😬
سارة.صح دلوقتى سارة بقيت وحشة ،وفظيعة ،حقك يا استاذ ما انا خدامة قعدالك ف البيت 😬
انور.انتى عايزة تعملى خناقة ع الصبح؟😤
سارة.انا؟؟صح انا اللى زعقتلك وخليتك تسيبها جعانة علشان انا افطر😒
انور.دى عيشة تقرف ،ياريت ماطلعش م القضية دى خليني اتعدم واريحك يا ست سارة 😬
سارة.بعد الشر😨
انور.انتى عايزة تجننيني😒
سارة.انا يا أنور😒
انور.انا هنزل واما ابقى ارجع نبقى نكمل الخناق ،علشان انتى فاضية ،وانا مش فايقلك😒
سارة.انا يا أنور😢شكرا 😭
خرج أنور وبعدين رجع تانى
انور.ماتزعليش يا سارة
سارة.ولا يهمك😢
انور حضن سارة
انور.ماتزعليش منى والنبى ،انتى عارفة اللى انا فيه 😢وعارفة انى مش بعرف اسيطر على عصبيتي
سارة.خلاص والله مش زعلانة 😢بس ماتدعيش على نفسك تانى
انور.حاضر 😘انزل بقى الراجل هيعلقني
سارة.اوكى
انور.ادعيلي
سارة.ربنا يسهل لك طريقك وينصرك ومايشمت فيك حد يا أنور يابن خالتو ميرفت
انور.امين يارب 😘خدى بالك من لولو يا ماما
سارة.حاضر
انور.لو حصل حاجة معاكي الفلوس اتصرفى
سارة.حاضر
انور.اتصلي باخوكى يفضل معاكي لحد اما ارجع
سارة.حاضر
انور.لو فيه حاجة اتصلي بيا
سارة.خد بالك انت من نفسك
_________
ميرفت.انا ماشية
مي.على فين
ميرفت.هروح لسارة من يوم مازعلتها وهى ماجتش هنا خالص
مي.زعلتها😒يا حنينة 😒وبنتك تولع عادى يعني ،دى هبت فيا زى الباجور ،وانتى كل اللى قلتيه عيب
ميرفت. ليه هى غلطت ،هى الوحيدة اللى خايفة على ابنى بجد مش زيكوا انتوا اندال ومعندكوش اصل سيبتي اخوكى مرمي ف الحبس ومراته ادامك بتموت م الخوف عليه وانتى بتتكلمى ع الورث ،رغم انه اتحط ف مصيبة بسببك ،حتى امبارح جريتي معاكى الفاشل اللى زيك للمحامى وبرضه سألتوه ع الورث ادام اخوكوا وهو لسه ف المصيبة اللى يا عالم هيطلع منها والا لا ،حتى ماخليتوش عندكوا دم واستنيتوا اما يمشي والا وهو مش موجود لا تسالو ادامه،ده لو حد م الشارع هتحافظوا على مشاعره ،يا خسارة ،يا خسارة تعبى وتعبه علشانكوا
مشيت ميرفت ورزعت الباب وراها واتهبدت مي ع الكرسي وهى ساكتة
انور.احنا رايحين جرجا نعمل ايه
احمد :المحامي .هنعمل شوبينج ونرجع
انور.بلاش تريقة والنبي😒انا اصلا مش ناقص
احمد.طيب يا سيدى انا حاسس ان الموضوع مالهوش علاقة بيك
انور.لا يااراااجل😏ده اكتشاف؟
احمد.على فكرة انا مش بهزر ،هقولك انا شاكك ف ايه
انور.قسم وسمعني
احمد.ياليلي يا ليلي يا ليلي ياااااااالييييييل
انور.يالهوى😱
احمد.بص يا سيدى.........
_______
سارة.حاضر ياللى ع الباب ثوانى ،خالتو😓اهلا يا خالتو ازيك😊
ميرفت.ازيك يابنتي 😀عاملة ايه يا سارة
سارة.كويسة يا حبيبتي،اتفضلي يا خالتو
ميرفت.انا لقيتك مابتساليش حتى بالتليفون قلت اجيب امك ونيجي
سارة.ايه ده ماما معاكى😄
ميرفت.جاية ورايا
سارة.تعالى يا خالتو اتفضلي
ميرفت.سارة😔
سارة.نعم يا خالتو 😊
ميرفت.ماتزعليش منى يابنتى ،انا عارفة انى زعلتك يومها بس برضه قدرى حرقة قلبي
سارة.انا ماقدرش ازعل منك يا خالتو ،فيه حد يزعل من امه ،ده انتى وماما اللى ليا ،ربنا يخليكوا ليا يارب 😘
ميرفت.ربنا يفرحك يا سارة،فعلا انتى الست المناسبة لانور ابنى ،ربنا جعل الطيبين للطيبات،هو طيب وغلبان ودايما راضي برزق ربنا ،وانتى كمان طيبة ،ربنا مايحرمكوا من بعض ابدا
سارة.ربنا يخليكى لينا يا خالتو
عبلة.😤وانا ماليش نصيب ف الكلام ده
ميرفت.مالك يابت
عبلة.السلم عالى اوى ،لازم الاسانسير يتصلح بقى 😤
سارة.البواب قال النهاردة الشركة هتبعت حد يصلحه😂
عبلة.اه،احسن والله ماهاجى الا لما يتصلح
ميرفت.😂😂
سارة.😄اعملكوا شاى والا اجيب الفطار بقى
عبلة.ولا اى حاجة ،انا عايزة القط نفسي بس
ميرفت.فين البت ملاك ؟
سارة.نايمة ،هدخل اصحيها علشان ارضعها
ميرفت.يابت سيبيها اما تصحى براحتها
سارة.علشان معاد رضعتها بقى
عبلة.😂😂😂حلوة دى بترضعيها بالمواعيد
سارة.يا ماما هو ده الجديد
عبلة.سيبيها تقوم براحتها
سارة.😓حاضر
ملاك.😭😭😭
سارة.اهى صحيت😄
__
_.كل سنة وانت طيب يا باشمهندس
حمدى.وانت طيب يا سيدى ،خير
_.المقاول بعت لك الظرف ده
حمدى.ظرف ايه ده
_.معرفش😏😏😏
حمدى.ايه ده😓😓
__
وصل أنور واحمد البلد ولما دخلوا
انور.يا حاج ،هو فيه هنا عيلة اسمها الهوارة؟
_.😨😨(الراجل سابهم ومشي)
انور.لاحول ولا قوة الا بالله
احمد.تعالى نمشي شوية ونسأل
انور.انا جعت اوى
احمد.نخلص موضوعنا ونبقى ناكل
انور.انا مراتى عاملالى ساندوتشات حلوة اوى،ممكن اكل؟
احمد.جايب معايا ابن اختى😒 بقولك يابنى ،تعرف عيلة الهوارة؟
_.ايوه يا عمى ،دى اكبر عيلة ف البلد
انور.طيب عايزين نشوف حد منهم
_.مش هيرضوا
انور.ليه
_.علشان التار ف دارهم
احمد وانور.تار😨
_.ولدهم الدكتور عمر ،دكتور ف الجامعة قتلوه يا نضرى
انور.مين اللى قتلوه
_.الشرايفة ،التار كان ف دارهم ،بس خدوه،ودلوقت التار ف الهوارة
احمد.لا انا عايز افهم ،ايه حكاية التار دى اصلا
_.ماعرفش،التار بقاله اكتر من ٥٠ سنة بينهم
انور.😨😨خمسين سنه بيقتلوا ف بعض؟لطفك يارب
احمد.طيب مين اللى يعرف
_.چدى
انور.طيب ممكن تاخدنا لجدك ؟
_.حاضر ،هو دلوق ف الجامع
احمد.طيب الله يخليك بسرعة
__
اسراء.قصدك ايه ياحمدى
حمدى.انا حاسس ان الراجل ده بيرشيني كده
اسراء.كل دى رشوة؟؟؟والله حلو
حمدى.انتى اتجننتي يا اسراء😬حلو ايه
اسراء.بص ياحبيبي احنا لسه ف اول عمرنا ومحتاجين كتير ،فيها ايه لما نأمن مستقبلنا ومستقبل احمد ابننا ،وولادنا التانيين
حمدى.ولادنا ؟😮
اسراء.كنت عايزة اعملهالك مفاجأة ،بيبي انا حامل 😏😍
حمدى.بجد😄بس برضه😔ده حرام يا اسراء
اسراء.حرام يا حبيبي لو بتأذي حد ،انما انت بس هتمشي للناس الشغل اللى الحكومة واقفاه
حمدى.يعنى مش حرام علينا كده😓
اسراء.لا يا حبيبي،مش حرام ،ده اسمه تسهيل امور وخلاص
حمدى.ماشي يا حبيبتي 😍
اسراء.😏😏💸تصبح على خير يا روحي 😘
__
احمد.وبعدين يا حج
يحي.وبعدين يا ولدى ف العركة قام على الهوارة الكبير قتل ابراهيم الشريف ومن يومها والتار بينهم
انور.طيب وعمر ؟؟
يحي.ابوه خاف عليه ،هرب بيه لمصر واستخبى هناك بس اتعرف مكانه واتقتل وساب عمر لوحده بيتخبى من دار لدار ،لحد ما نفذ السهم وعرف اسماعيل حفيد الشريف مكانه وقتله من شهرين
انور.وانا اللى لبست😢
احمد.طيب يا حج يحي الراجل ده دلوقتى متهم انه قتل عمر ،وانت عارف ربنا مايرضاش بالظلم
يحي.ربنا مايرضاش بالظلم يا ولدى ،بس ماقدرش اتكلم ،انا راجل كبير وليا هيبتي ف البلد بس الهوارة والشرايفة اكبر عيلتين
انور.بص يا حج ،انا راجل مابسيبش فرض ربنا الحمد لله بشتغل محاسب الحمد لله ،ابويا مات وانا ف ثانوى واشتغلت وصرفت على اهلى،جبت مجموع كبير ومادخلتش الكلية اللى كنت بحلم بيها الحمد لله ،اتجوزت مراتى اللى بحبها من صغرى وفضلنا ٣سنين مانخلفش الحمد لله ،الحمد لله والشكر لله ربنا رزقني ببنت من كام شهر ومالحقتش افرح بيها علشان اتسجنت واتهنت واتبهدلت ظلم ،وبرضه بقول الحمد لله ،كل اما اقول الدنيا بقيت كويسة واتحلت واقول الحمد لله تتعقد وبرضه بقول الحمد لله،بس مايرضيش ربنا انى اتظلم اوى كده ،ساعدنى الله يكرمك😢
يحي.هساعدك يا ولدى واللى يحصل يحصل
انور.ربنا يكرمك يارب
يحي.بس يا ولدى ،اما تخلف تانى باذن المولى تسمى ولدك يحي
انور.😄يجي بس وانا والله هسميه يحي
يحي.خد بيدى يا ولدى ،نروح لكبير الشرايفة
انور.ده انا لو طولت اشيلك لهناك اعملها
يحي.😂😂لا بس سندنى لهناك
_______
اسراء.مش عارفة ليه قلت له انى حامل
سوسن.وهتتصرفى ازاى يا حيلة امك لما تعدى الشهور ومايبانش الحمل
اسراء.انا لسه هستنى ؟؟📱الو😭حمدى الحقنى
حمدى.ايه😨انا تحت البيت
اسراء.البيبي نزل 😭وانا تعبانة اوى
حمدى.انا جاى حالا😓
اسراء.اوكى😭تحت البيت
سوسن.دماغك سم،طلعة لامك يا قلب امك
اسراء.تربيتك يا مامتى😏
سوسن.كل ده علشان ايه يا بنتى
اسراء.علشان اتاكد انه هينفذ كلمتى وان مهما اعمل فيه هيفضل يحبنى
سوسن.طيب و......
حمدى.اسراء،مالك يا حبيبتي
اسراء.😭الحقنى يا حمدى
حمدى.ايه اللى حصل
اسراء.وانا بنضف البيت وقعت على ضهرى
سوسن.قلت لك ماتتعبيش نفسك،انتى اللى قلتى حمدى بيقرف م التراب،اتبسط يا سي حمدى😬
اسراء.خلاص يا ماما😭
حمدى.حقك عليا يا حبيبتي،الدكتور قال حاجة؟
اسراء.قال استريح خالص ف السرير وممنوع الحركة والمجهود
سوسن.سمعت ياخويا😒تستريح يعني تجيبلها حد يساعدها
حمدى.حاضر اجيب حد ينضف
سوسن.ده اللى ربنا قدرك عليه،بدل ماتقول لها اجيب لك خدامة تفضل معاكى
حمدى.خدامة😓منين،ده انا يدوب مرتبي مكفينا بالعافية
اسراء.خلاص يا حمدى،انا مش عايزة حاجة 😢انا حتى كويسة وهقوم😊ااااااااااه😏😷
حمدى.مالك يا روحي
اسراء.ضهرى يا حمدى😭
حمدى.ماتتحركيش وهجيبلك الخدامة 😓
اسراء.لا يا حبيبي،دى مصاريف وانا بقيت كويسة خالص😢،ااااااااااه😷
حمدى.اقعدى بقى وانا هخلى ماما تشوف حد
سوسن.وامك ليه،انا اجيبلها الخدامة ،من بكرة الصبح تبقى عندك
حمدى.ماشي يا طنط
سوسن.امشي انا بقى
اسراء.خليكى معايا يا ماما 😢علشان احمد
سوسن.علشان جوزك 😏
حمدى.ده بيتك يا طنط ،وبعدين ياريت تيجى تعيشي معانا ...كلها كام يوم ورامى يتجوز ..خليكي معانا
سوسن.😓😓
________
سارة.اتاخر ،لازم يقلقنى عليه ،مايبقاش انور
ملاك.😭😭
سارة.حبيبتى استنى نشوف بابا😕
ملاك.😭😭
سارة.حاضر يا ملاك
سارة شالت ملاك وكانت بترضعها وبتتصل بانور
سارة.انت فين😨
انور.انا لسه طالع م البلد
سارة.انت بتهزر 😬بقينا نص الليل
انور.يعنى اعمل ايه يا سارة😬
سارة.خد بالك من نفسك 😢
انور.حاضر ،وانتى كمان خدى بالك من ملاك،واقفلي الباب عليكوا كويس او اتصلي بمحمد يفضل معاكى
سارة.محمد ف رحلة ف إسكندرية مع صحابه
انور.طيب خلى بالك من نفسك ومن ملاك
سارة.حاضر😔
سارة.لازم يقلقنى عليه 😓
ملاك.😭
سارة.يابنتى اهدى بقى 😢،خلاص يا حبيبي،مالك يا روح ماما
ملاك.😭😭
سارة.يالهوى هعمل ايه📱ماما الحقيني
عبلة.ايه😨
سارة.ملاك بتعيط وجسمها سخن اوى
عبلة.فين انور
سارة.مش هنا😓
عبلة.اعمليلها كمادات وماترضعيهاش ،شربيها حبة ينسون
سارة.حاضر 😢
______
سمر.يا مصطفى اعقل بقى
مصطفى.شايفانى مجنون يا سمر😒فيها ايه يعنى
سمر.فيها انها كانت متجوزة قبل كده
مصطفى.وفيها ايه ياسمر ،وبعدين مش انتى اللى دايما بتدعى ربنا يعوضها بحد يصونها
سمر.ايوه بس مش انت،يا مصطفى انت مش اخويا بس ،انت كل حاجة ليا ف الدنيا ،ومش عايزة اول حياتك واول بختك تكون مطلقة
مصطفى.بس....😓
سمر.عارفة اللى هتقوله قبل ماتكمل،بس دى صاحبتى،وبحبها والله العظيم بس اكيد بحبك انت اكتر
مصطفى.بصي يا سمر هتقولى مهما تقولى وانا هنفذ اللى ف دماغى
سمر.كده يا مصطفى ،طيب ايه رايك انى هقول لها الكلام ده
مصطفى.سمر يا حبيبتي،انتى كلها شهرين وتتجوزى وتعيشي حياتك مع خطيبك اللى بتحبيه
سمر.وايه علا.....
مصطفى.اسمعيني،قصدى ان بقالك حياتك مع شخص بتحبيه ،وانا مش هبقى جزء منها ،انا كمان يا سمر نفسي اكمل حياتى مع الإنسانة اللى بحبها
سمر.يعني هو ده كلامك يا مصطفى
مصطفى.طول عمر ده كلامى ،بس هى عامية 💔
سمر.ولسه عامية
مصطفى.لا 😓ماتقوليش كده،اكيد فتحت وشافتنى ،اكيد
سمر حطت أيدها على كتفه وهى عينيها مدمعة وما اتكلمتش
_______
سارة.محمد الحقني ،كويس انك جيت😨😭
محمد.اهدى ،ماما بعتتنى بتقول ملاك تعبانة
سارة.امسك شيلها وانا هلبس بسرعة ونروح لدكتور
محمد.دكتور ايه الساعة ٣ الفجر
سارة.نروح مستشفى😭بنتى هتضيع منى 😭
محمد.طيب لفيها بحاجة تقيلة بسرعة
سارة.حاضر
________
انور .احمد انت قادر تسوق
احمد.ايوه يابنى😴
انور.اقف ف اى مكان نرتاح شوية ،والا اقولك خليني اسوق انا
احمد.يابنى صاحي
انور.طيب فوق معايا كده
احمد.حاضر ،نعم
انور.انت عندك ولاد
احمد.اه عندى يمنى و يامن 😴
انور.ماشاء الله ،احمد هدى شوية يا احمد
احمد.حاضر 😴
انور.احمد حاسب ،احمد ،احمااااد😨
