انور.يا مي بقى😬
مي.حتى انت بتزعقلى😭فينك يا بابا تشوف بهدلة بنتك
مصطفى.يا مي
انور.بت يا مي😬حركات العيال بتاعتك دى مش هتاكل معايا،انتى عارفة انى فاهمك كويس ،جوزك مش غلطان
مي.وانا كمان مش غلطانة ،من حقى اتمتع بفلوسي
مصطفى.هو انا حارمك من حاجة؟😥
مي.حارمنى من كل حاجة،انت مش عارف تجيبلى حاجة اصلا ،العربية اللى مش عارف تغيرها والا طلباتى انا ومحمد ،والا البيت اللى مشيه زى الالف
مصطفى.حرام عليكي ده انتى نحلتى وبرى عايزة هدوم ،عايزة جزم،عايزة زفت وهباب ،مرتبي م المستشفى بيخلص اول يوم ف الشهر علشان طلباتك،ويدوب اللى بيجي م العيادة بيكفينا اكل وعلاج ،اجيبلها منين
مي.مصطفى انا هصرف م الفلوس دى ،مش هفضل حاطاهم علشان سيادتك أمرت
مصطفى.لا يا مي ،،تحرم علينا الفلوس دى
مي قامت وقفت وبكل برود
مي.طلقنى
انور.انتى اتجننت😬ايه اللى بتقوليه ده
مي.اللى سمعتوه ،طلقنى يا مصطفى
مصطفى.هطلقك ،انا اصلا ماعدش يلزمنى اعيش مع واحدة مادية زيك😒
مي.كويس ،هستنى ورقتي
مصطفى.هههههههاى،ضحكتيني يا مدام ،لازم تدفعى انتى كمان
انور.استهدى بالله يا مصطفى
مصطفى.خلاص يا استاذ انور ،اختك اللى اختارت
مي.انا برضه كنت متأكدة انك هتطلب حاجة يا ...يا دكتور😏
مصطفى.انا فعلا هطلب،تتنازلى عن محمد
مي.ايه😨
مصطفى.اه،ما كل حاجة وليها تمن ،محمد مقابل الطلاق
مي.😕😕
انور.ياماعة ده شيطان بينكم،اهدوا بقى وماتخربوش البيت
مي.انا موافقة ،هتنازل عنه
انور.😨😬
مصطفى.اختك ماتلزمنيش يا استاذ انور ،انتى طالق يا مي
مي.😏
مصطفى.تجيبيلى ابني والتنازل تاخدى قسيمة طلاقك
انور.😮😮😮
مصطفى.انا اسف يا استاذ انور ،انت م الناس المحترمين القليلين وبالنسبالى بقيت اكتر من اخ ،بس انا مايشرفنيش النسب ده 😢عن اذنك
انور.انتى حيوانة،لا الحيوانات مابتضحيش بولادها،انتى كلبة فلوس 😬
مي.بكرة هجيب لك التنازل ومحمد توديهم للدكتور ،بس عايزاك تقول له ان ابني هيرجعلى تانى
انور.😒😒
___________
على.الحق يا باشا مطلوب القبض عليك
حمدى.ايه😨
علي .الواد الظابط الجديد قدم مستندات بكل عملياتنا ،وهنروح ف داهية
حمدى.انا مش هروح ف داهية،انت تشيلها عنى ،انت دراعى اليمين
على.دراع مين يا ... حمدى،معاك المقدم كريم على مباحث المخدرات
حمدى اترمى ع الكرسي اللى وراه وحاسس بخنقة
دخلت قوة اخدت حمدى واخدوه للقسم وهناك
____________
فات وقت كتير جدا من لما ملاك كانت ف المستشفى ،حوالى سنة )
تانى يوم الصبح عند انور
سارة.اصحى يا انور يلا
انور.حاضر😔اصبحنا واصبح الملك لله والحمد لله ولا اله الا الله
سارة.صباح الخير😘
انور.صباح الخير ،فين الولاد
سارة.ملاك بتلبس ويحيي نايم
انور.طيب ،انا هروح اتوضى لحد اما تجهزى الفطار
سارة.حاضر يا حبيبي 😘
ف أوضة ملاك سارة بتخبط ع الباب
سارة.لبستى وصليتي؟
ملاك.اه 😇فاضل شعرى بس
سارة.تعالى اسرحلك
ملاك.حاضر
ملاك واقفة ادام سارة ،وسارة باصة عليها ف المراية ومبتسمة
سارة.تعرفى انك كبرت بسرعة يا لولو
ملاك.يعني كبرت من امبارح😄؟؟
سارة.فعلا كبرتى اوى من امبارح،مش مصدقة ان كمان كام يوم يبقى هيبقى عندك ٩ سنين
انور.سارة
ملاك.بابايا صحي
سارة.وانا خلصت 😘البخاخة بتاعتك ف الشنطة؟؟
ملاك.اه
انور.يا لولو
ملاك.جريت على انور وسارة دخلت اخدت يحيي وخرجت وكانوا بياكلوا
سارة.بس يا بابا
انور.يحيي بس كده
يحيي.بابا ،كخ😪😛
سارة.😂😂😂حبيب ماما ياخواتى ،ايوه كده خد حقى
انور.هو اللى عملناه فيكي هيطلع علينا والا ايه
سارة.انور حبيبي ممكن نتكلم شوية
انور.لا يا سارة ،ولا يعني لا ،رايي نهائي ومش هرجع فيه
سارة.انور حرام عليك بقالنا ١٢ سنة متجوزين وكل يوم بطلب منك انى اشتغل وبترفض ،كنت بتقولى الظروف ،دلوقتى ظروفنا اتحسنت الحمد لله
انور.ولو فضلت مليون سنة تطلبي يا سارة مش موافق ،انا مش هسمح أن مراتى تتبهدل ف شغل ،وقتك يكون لبيتك ولعيالك ولجوزك بس
سارة.يا انور البيت مش ناقصه حاجة،بس انا اللى ناقصنى انى اشتغل ،وبعدين ماتنساش انى كنت بشتغل اصلا
انور.يلا يا ملاك علشان ننزل 😒
سارة.انور انا بكره اسلوبك ده،دايما محسسنى انى ماليش قيمة بتبدا الكلام وقت ماتحب وتنهيه و قت ماتحب ،مش مهم تسمع حد المهم انى اسمعك
انور.بصي يا سارة قبل ما اعلى صوتى والجيران تسمعنا،شغل مفيش يا سارة والموضوع ده مايتفتحش تانى ولا بالصدفة ،كده كويس؟يلا يا ملاك
قام انور وساب سارة قاعدة ع السفرة بتعيط وبيفتح الباب وكانت مي
مي.انا نفذت اتفاقنا ده محمد و ده التنازل عنه ،فاضل ورقة طلاقى
انور.😒هتوصلك النهاردة ،حاجة تانية يا مدام
مي.لا ،شكرا ياخويا ،عن اذنك ،عندى شوبينج
انور دخل محمد عند سارة وهى بتعيط
انور.سارة
سارة.نعم
انور.خدى محمد خليه هنا ،وهخلى مصطفى يجيي ياخده
سارة.حاضر
انور قرب لسارة وحضنها
انور.دموعك دى غالية اوى يا سارة،ومش بستحملها،بس قدرى مشاعرى انا بغيير عليكى من اخوكى ،هعمل ايه مع الناس ،وكل واحد هيبص لك انور.لو ده هيريحك انا موافق،بس هرتكب كل يوم جناية ضرب بسببك،لو يرضيكي انى اتسجن يا سارة علشان بحبك يبقى اتفضلي
سارة.بعد الشر عنك😢اكيد مش هيرضيني ،خلاص يا انور ،هعمل لك اللى انت عايزه
انور.يا حبيبتي والله العظيم مش بقصد الغى شخصيتك او اهينك او اى حاجة م اللى بتقوليها،انا عارف انك كل حاجة فيكي تتحب ومش عايز اتخيل أن ممكن حد غيري يحبك ،بس الحقيقة أن كل اللى يعرفك لازم يحبك،هعمل ايه ساعتها
سارة.دايما بتعرف تثبتني😍😘
انور.والله ما كلام ،ده احساسي هو اللى بيتكلم😘
ملاك قاعدة ع الترابيزة وباصة لهم 😒
ملاك.بابا على فكرة احنا اتاخرنا ع المدرسة
انور و سارة .😨ملاك
ملاك.انا هنا😄بابا ،بوسة انا كمان😘
انور.يلا يا لمضة
سارة.😊تيجوا بالسلامة
انور.اعملى حساب مصطفى معانا ف الغدا 📲📲📲مين بيتصل بدرى كده ،الو
_.استاذ انور احمد
انور.ايوه انا انور،خير .......ايه😨😨انا جاى حالا
سارة.فيه ايه
انور.حمدى اتقبض عليه امبارح بالليل ،وهروح له دلوقتى النيابة
ملاك.يعني مفيش مدرسة؟😄هيييييييه،اجازة
انور.خلى بالك منهم ،خلى محمد هنا وهبعت مصطفى ياخده او انا هبقى اوديه
سارة.طمنى على حمدى
انور.حاضر😘لا اله الا الله
سارة.سيدنا محمد رسول الله
ف النيابة انور دخل هو واحمد المحامي
انور.فين حمدى احمد
العسكرى.ف الحجز يا بيه ،هيدخل التحقيق دلوقتى
انور.احمد ادخل معاه وحاول تتصرف
خرج حمدى م الحبس مع عسكرى ولما شاف انور حضنه وفضل يعيط جامد اوى
انور.خايف اقولك انى ياما نصحتك
حمدى.يا ريتني سمعت كلامك 😭
انور.ماتخافش يا حمدى،ربك هيعدلها
حمدى.خد بالك من احمد يا انور
انور.ماتخافش ،المحامى هيدخل معاك
احمد.ماتخافش يا استاذ حمدى
حمدى.انور انا مش هطلع منها دول ٩ قواضي ،مهما عملت هتسجن
العسكرى.يلا يا متهم
دخل حمدى والمحامى للتحقيق
______
ميرفت.يا عيني عليكوا يا ولادى ،دايما متبهدلين وتعبانين ف الدنيا
سارة.اهدى يا خالتو بقى
سارة شايلة يحيي وملاك بتلاعب محمد والجرس رن وراحت عبلة تفتح وكان محمد
محمد.انا جبت احمد اهه،كان لوحده البيت
احمد.طنط هو فين بابي و مامي
سارة.بابي ف مشوار،بس مامى مش عارفة يا حبيبي
احمد.عادى 😥
سارة.تعالى معايا يا حبيبي
احمد.حاضر
دخلت سارة حضرت له الاكل وبعدين دخلته أوضة يحيي ينام فيها وخرجت
سارة.صعبان عليا اوى
عبلة.ياترى امه فين
______
اسراء.انتوا مش عارفين انا مين
الظابط.اخرسي يابت هتكوني مين يعني ،واحدة ملفوفة بملاية 😒
_.انا هعرفكوا انا مين
الظابط.ابقى اتكلم ف القسم يا بيه 😏
ف القسم
الظابط.هما دول؟
البواب...... ايوه يا بيه،بيجوا كل كام يوم يفضلوا كام ساعة ويمشوا
الظابط.ماتعرفش هما كانوا بيعملوا ايه
البواب.لا يا بيه ،انا بصراحة كنت فاكر انهم لمؤاخذة بيشربوا مخدرات اطمن دايما كان بيطلع م الشقة دخان
الظابط.طيب يا عم ابراهيم،عرفت كانوا بيعملوا ايه بقى ،اتكل على الله😃
البواب بيبص لاسراء من فوق لتحت بقرف واما وصل لعند الباب تف عليها وخرج
الظابط.والله راجل بيفهم،انت مين بقى يابت انتى
اسراء.انا مش هتكلم غير ف وجود المحامى بتاعى
الظابط.ماشاء الله هما اللى زيك بقى ليهم محامين خصوصي؟
قام الظابط واقف ادام اسراء
الظابط.👋ايه رايك؟تتكلمى بالادب ،والا تتكلمى بطولة الايد👋
اسراء.اسمي اسراء 😭عبد العزيز
الظابط.وبتشتغلى تبع مين بقى
اسراء.😭😭
______
ف النيابة
_.رفض الطلب المقدم من دفاع المتهم حمدى احمد انور ،للخروج بكفالة ،و يتم الحجز على جميع ممتلكاته وممتلكات أسرته من الدرجة الأولى ورفع الحصانة عنه
حمدى.😢💔
_.خد المتهم علشان هيترحل بكرة
خرج حمدى
انور.حصل ايه يا جماعة طمنونى
احمد.اترفض الطلب وهيترحل بكرة على ابو زعبل
حمدى.خد بالك من ابنى يا انور
_____
دخل انور بيته وكانوا كلهم قاعدين ساكتين
سارة.انور😮حمدى خرج؟
انور.لا 😢
ميرفت.اخوك ماخرجش ليه يا انور
انور.اخويا عمل كل حاجة غلط يا ماما،اخويا تاجر ف المخدرات والاعضاء والاثار والاسلحة،ابنك كان بيشتغل ف اعمال منافية للاداب ،ابنك شال كلمة ربنا من قلبه ومن حياته ،اشترى الحرام بالحلال ،دراعه اليمين اللى كان بيعمل كل القذارة بتاعته طلع ظابط متخفى
ميرفت.يا حسرة قلبي عليك يا ابنى 😭كان مستخبيلنا فين ده بس يارب
سارة.طيب ماتعرفوش فين اسراء؟
انور.هى مش هنا؟
سارة.لا محمد لما راح البيت لقى احمد بس
انور.هو فين
سارة.نايم جوه مع يحيي ومحمد ،ادخل خد دش وهجهز لك الغدا
______
مي.مطلقة جديد 😔
_.ده مين ده اللى يسيب ست زيك
مي.😏تؤ تؤ،انا اللى سيبته
_.احسن ،ده حتى خنقة
______
انور.مين تانى،استر يارب ،الو ،بتقول ايه😨انا جاى حالا
سارة.ايه
انور.اسراء بنت عمك ،الهانم اللى قلقانين عليها اتمسكت ف قضية اداب😬
سارة .انت عرفت منين
انور.اخوها رامي اللى كان بيتكلم دلوقتى
ف القسم
رامي.يافندم انا اخوها وبقول لحضرتك دى مريضة نفسية
الظابط.وهى المريضة النفسية تروح تترمي فحضن راجل مايحلهاش
رامي.عندها انفصام ف الشخصية ،ودى شهادة بتثبت كلامى
الظابط.واما هى مجنونة كده ،بتسيبوها ليه لما تجيب لكوا مصايب
انور.هى هربت من البيت يافندم امبارح وماكناش لقينها
الظابط.طيب لموها و الا نوديها مصحة
رامى.لا يافندم مصحة ايه،سمعة العيلة
الظابط.وانت كده حافظت على سمعة العيلة 😏عموما هتاخدوها معاكوا
خرجت اسراء واخدها رامي وانور وهما ماشيين
رامي.انتى عارفة انتى عملنا ايه؟انتى حطيتى راسنا ف الطين ،لو ماكنتش عرفت اضرب الشهادة اللى بتقول انك مجنونة،كان زمانك مرمية مع اللى شبهك دلوقتى 😒
اسراء.حمدى عرف بحاجة؟😢
انور.حمدى هو كمان اتقبض عليه واتحجز على كل املاككم
اسراء.ايه😨الفلوس راحت😱
انور.شكرا يا رامى ع التوصيلة،وفهم اختك ان الحرام مابينفعش
_________
حمدى.انا لو اتحكم عليا هتبقى وصمة عار على ابنى 💔ومش هيعرف يعيش ،حتى لو خرجت مش هقدر ارفع عيني ف حد ،ده الحل الوحيد........
_________
اسراء.كل اللى عملته السنين دى راح😱الفلوس ونومتى ف حضن راجل غريب كل يوم علشان الفلوس جت ع الارض،وسمعتى اللى اتلطخت ف الطين من غير مقابل ،..........
________
مصطفى.انا متشكر جدا يا استاذ انور علشان اخدت بالك من ابني
انور.ده ابنى يا مصطفى ،انا اللى لازم اعتذر لك وابوس ايدك ورجلك تسامحنى ع اللى حصل من اختى
مصطفى.انا مش زعلان منك،صوابعك مش زى بعضها ،عن اذنك ،يلا يا محمد
محمد.حاضر،باى يا خالو 😘
انور.باى يا حبيبي،هشوفك يوم الجمعة ان شاء الله
محمد.اوكى،باى
سارة.خد يا مصطفى الچاكيت بتاعه،الجو برد اوى
________
تانى يوم الصبح
انور.📲📲📲الو ،ايه😨😱
سارة .حصل ايه تانى😓
انور.حمدى انتحر 😢
سارة.ايه😨لا اله الا الله 😢 وبعدين
انور.هروح المشرحة انا والمحامى علشان نطلع جثته علشان الدفن
سارة.لا حول ولا قوه الا بالله 😭
________
مي.اخد منى ابنى غصب عنى😭ومش راضي انى اشوفه
_.مش انتى عملتى اللى قلت عليه
مي.اه
_.خلاص ماتخافيش،ابنك هيكون معاكى بعد ساعة
مي.ياريت ياريت،ده وحشنى اوى
________
رامى.اصحي يا اسراء،شوفى المصيبة اللى حصلت
اسراء.......
رامى.اسراء،اسراء😨
اسراء كانت واقعة ع الارض ومقطوع شرايين ايديها ورجلها وجنبها ورقة
رامى.(رامى،انا غلطت كتير،ماجتش ع الغلطة دى كمان,خد بالك من احمد ،عرفه انى كنت بحبه حتى لو ماقدرتش اقول له كده،الوداع)
________
سمر.قلت لك يا مصطفى ،بلاش مي
مصطفى.بحبها يا سمر 😭هتفضلي تقولى لامتى،بحبها ولو عملت اكتر من كده هفضل احبها 😢
سمر.يبقى تستاهل اكتر من كده،انت ضعيف ،جبان ،سلام ياخويا
_______
ميرفت.مات كافر يا عبلة😱😱😱بعد كل اللى عمله كمان ضحى بدينه وكفر 😭ليه ياحمدى كده،ليه يابني 😱😭
عبلة.اهدى شوية ،وادعى ربنا يتولاه بعفوه
ميرفت.ادعى لكافر😱😭
سارة.خلاص يا جماعة اهدوا شوية ،انور اتصل وهما راحوا يدفنوه
ميرفت.كمان هيتدفن سكيتى من غير أهله😭😭
سارة.سكيتي😒مش انتوا اللى قلتوا مش عايزين حد يعرف الفضيحة دى
ميرفت.😭😭
عيلة.فين العيال
سارة.كلهم جوه بيلعبوا
عبلة.واحمد فين😢
سارة.واقف ف البلكونة ،مش راضي يدخل ولا حتى ياكل
________
_.انت الدكتور مصطفى محمد ؟
مصطفى.اه انا
_.مدام مي احمد بتتهمك انك خطفت ابنها
مصطفى.خطفته؟ده ابنى،حد يخطف عياله😬وبعدين هى اتنازلت عنه
مي.التنازل ده مزور 😢😏
________
انور.كان يوم طويل ودفنة الاتنين ،تعبنا اوى ،ربنا يسامحهم بقى
سارة.مش هتاكل؟
انور.ماليش نفس
سارة.انور انت خسيت النص من كتر المشاكل
انور.ياريتنى ماكنت الكبير ولا كنت شلت هم العيلة دى
سارة.ممكن تدخل لاحمد تكلمه؟
انور.هو مروحش مع ماما؟
سارة.لا ،انا قلت يفضل معانا كام يوم لحد اما يبقى كويس
انور.غلط يا سارة ،احنا عندنا بنت ،كده حرام
سارة.بس دول عيال يا انور يعني مستحيل يحصل حاجة
انور.لا مش عيال،عايزة الدنيا والا الدين؟
سارة.الدين😕
انور.يبقى م الصبح احمد يروح يفضل عند ماما
سارة.حاضر
________
مصطفى.كده يا مي ماشي ،طيب انتى لسه ف عدتى ومن بكرة هتبقى ف بيت الطاعة
مي.ايه😨
مصطفى.اه،اتاريه عمر كان عارفك وعارف صنفك😒وعلى فكرة مش هتعرف تعملى حاجة ده القانون يا مدام
مي.لا ،همضيلك دلوقتى ،انا مش عايزاه
مصطفى.بس انا عايز مراتى حبيبتى ،واذا كانت هى مش عايزة يبقى القانون يتصرف😏
مي.لا يا مصطفى ،انا همضيلك دلوقتى ومش عايزاه😭
.
تابعوا الجزء التالت ان شاء الله على انستجرام 👇👇👇ده اسم البيدج
Amalkhaled18
