سلام نزلنه جوه كعدت على القنفه بصف مصطفى
مصطفى ....سلام الصدمه تقره عده الف😂هيج فاك حلكه😦
سلام...فاتت من يمنه فنن تحجي وي امي شلون نزاكه وناعمه حلوه كولش...
مصطفى...دكافي سد حلكك فضحتنه لا احد ينتبهلك
سلام..اكلك هاي شدعوه هيج حلوه😭
مصطفى...ابو الحلوه هاي للصبح يمك وانت الاثول نايم وعايفها
سلام..اسكت لا اذكرني ...والنوب حجيت حجي وياها بعد ميت سنه متحبني😭😭😭😭😭
مصطفى....الي مايعرف تدابيره حنطته تاكل شعيره😌 تستاهل اكو مطي بيوم عرسه ميباوع على العروس اكيد هاي سوالف مها
سلام...ذكرتني خلي اركعها بلوك بنت الزفره تتعيقل براسي شوف هاي الغضب مو بنيه ...اكلك هي شكد عمرها
مصطفى...لا تشاقه متعرف عمر مرتك🙌🏻
سلام...هو وجها هسه شفته النوب الهويه مالتها
مصطفى...عمرها 16
سلام...لابشرفك صغيره😧
مصطفى..اي نجحت من الثالث راحت رابع عدادي...هم حلوه وهم صغيره بعد شتريد بس كون ينصلح حالك ابوك موغشيم
سلام...ابويه😦وينه ابويه اريد ابوس قندرته مو بس راسه
وحالي اذا منصلح اصلحه بصونده🤤
فنن...سلام ومصطفى بس يباوعون عليه ويحجون وسلام يباوع عليه من فوك ليجوه حتى عبالي لبسي بي شي بس لا.......اجوي اهلي ماما وميثم بقه بالباب مقبل يفوت بس مصطفى وسلام طلعو فوتو واني ركضت حضنته كلي وج البيت يلعب النفس ويخنك بلياج
فنن..دمعت عيوني حتى اني مشتاقتلكم زياد شلونه
ميثم...زياد عبالك مرته ميته😂كالبه مناحه وره مرحتو اجه وبس يفتر بالبيت سطرنه كل شويه وصاح فنونه ويفشل عباله انتي بالبيت ....
مصطفى...لعد منا وجاي اصيحلج فنونه😉
فنن..اخذتني امي على صفحه تسالني شصار كتلها كلشي تمام ...سلام عينه عليه
سلام..اخذتها امها على صفحه بقيت اباوع عليها ...طلعو صاحت امي تعالو تريكو يالله احنه تريكنه بس انت ومرتك ومصطفى
كعدنه ناكل اني ومصطفى..اباوع عليها لابس كلبيه مخصره جسمها ناعم ومرتب ولابسه ربطه ...ليش لابسه ربطه احنه عدنه الحمه مثل الاخ ....كعدنه ناكل اكلت شويه وكامت
مصطفى..وين فنونه كملي...
فنن..بلعافيه شبعت
سلام...كتلها كعدي اكلي متعشيتي البارحه
فنن..شبعت ماريد بس شايله خشمي عليه ضايجه منه كارهته كولش اسلوب ماعده
سلام...فشلت كدام اخويه مهانت عليه نفسي لبستها وبقيت شايل خشمي عليها .....كملت وصعدت انام لكيت التلفون محترك عليه مها خابرتها...الوو ها حبي جنت اتريك جوه
مها...وي منو تتريك
سلام...اذا هيج تغارين ليش خليتيني ازوج
مها...اكولك صدك سمعت من سجاد كايل للولد ابوك كاتب الها بيت باسمها
سلام..لا المؤخر بيت ليش؟؟؟
مها....لا هيج دا اكول....اكولك حلوه مرتك
سلام...اي
مها..شنو اوصفها
سلام...ما اوصفها يجي يوم واشوفينها
مها..شكد عمرها
سلام16......مها....شو زعطوطه كلشي متفتهم هاي تشلع كلبك
سلام...شمدريني دروحي خلي انام
مها..جذاب تروح تكعد وياها
سلام...لج باب خلي تولي شحجي وياها لو اريد مو اعوفها بيوم عرسها واحجي وياج الليل كله تسوه عمرها اريد انام نعسان
مها...ليش نعسان جنتو سهرانين
سلام...انتي مخبله مو الليل كله نسولف اني وياج مو غفيت على ايدج بلا خباله نعسان حيل
مها...اوكي روح بس من ادكلك تعوف كلشي وتجاوبني
سلام..اوكي....
فنن..خاله كالت اصعدي خاف سلام يريد شي
صعدت قبل لا ادخل سمعت سلام يحجي بتلفون وي وحده يكله تسوه عمرها عفتها بيوم عرسها وبقيت اسولف وياج اني هنا حسيت سجين بكلبي متت صح كارهته بس اني عروس وهذا زوجي نجرحت كرامتي وانوثتي حيل تاذيت رجعت خطوه وره ردت انزل نداريت شفت مصطفى كلي بيج شي فنن اني دمعتي بعيني كتله لا ...مكدرت انزل دخلت للغرفه جان بعده التلفون بيده ارتبك شويه بس مسد التلفون اني ولا باوعت عليه ولا جنه موجود مدري منين اجتني هاي القوه مدرتله بال اخذت تلفوني وطلعت نزلت جوه شويه ونزل سلام كعد يمنه يسولف ويباوع عليه ..اني مدرتله بال ابد بقيت اسولف وي خاله ونضحك حبابه كولش
سلام...امي من نكعد وياها احنه متتونس هيج طول عمرها تكول اتمنه تصير عدي بنيه ورغم اخوتي ازوجو بس اول مزوجو بيت وحدهم وفنن صغيره حسيتها عبالك كاعد اسولف وي بتها
الام...راح اسويلكم شيخ محشي للغده صعدو ارتاحو
فنن..خاله اجي اسوي وياج
الام...روحي حبيبتي وي زوجج اخذي وصعدو ارتاحو....كتلها كومي واخذي لان انتبهت سلام بس يباوع عليها حسيت يريدها تصعد وياه
فنن..لا خاله سلام نعسان يريد ينام حبقه وياج اسوي اضوج ابقه كاعده
سلام...لا منعسان...عفتهم وصعدت فوك انتضرتها تجي ماكو بقيت احوص يم الدرج طلع مصطفى..من غرفته
مصطفى...سلامات شبيك تحوص هنا كل شويه الكي واحد واكف هنا ويحوص شبيكم اليوم
سلام...دروح من كدامي مالي خلكك
مصطفى...اكلك فنن وين😕
سلام...عصت جوه😒
مصطفى...مصيحها شبيك خبل انت
سلام..لا ما اريد اصيحها تتعيقل عليه امي تكلها كومي وياه متقبل تصعد تكلها نعسان اضوج اصعد
مصطفى...حقها سوايتك مال البارحه محد مسويها
سلام...اسكت لا اذكرني احقد على نفسي من اذكر شكد غبي🤦🏻♂️....
مصطفى راح انزل واصيحك على الاقل سولف وياها بلكي تفك حتى لليل تشوف دربك😉
سلام...بشرفي انت تفتهم....😗نزل مصطفى وصاحني تعال شعدك كاعد فوك نزلت
كعدنه بالمطبخ يم امي وفنن اباوع عليها من تشتغل لابسه الربطه كتلها ليش لابسه الربطه سكتت
فنن..من كلي ليش لابسه الربط استحيت اكله من مصطفى لا احرجه سكتت بعدين كتله متعلمه عليها
سلام...باعي هذوله اخوتج مصطفى وهذاك الهتلي احمد ماعدنه هيج تبقين لابستها فكي شويه
الام...يمه تعبين هذوله اخوتج ماعدنه احد بالبيت ومنا وجاي دنيا حاره قابل تبقين لابستها نهار كله
فنن..لا موهيج بس متعوده عليها
مصطفى...اني بعد ما انزل جوه حتى تاخذين راحتج وغمزت لسلام
فنن..لا والله مو منك ...استحيت من كال هيج كتله لا انزعها
الام ديله ذبيها وتعاي طلعي طرشي
سلام.. اباوع علياها نزعت الربطه نزل شعرها لفاليف على وجها ومن يم خدودها اصفر وبي لمعه تجنن مشايف هيج شعر محسيت بنفسي من وكفت بس حسيت مصطفى يجر بايدي
مصطفى...اكعد فشلتنه لاتنتبهلك امي اكعد
سلام....اكلك مو كافي تره هواي الي شفته اليوم هواي 😰
مصطفى...😂😂احب اذكرك البارحه يمك وانت عفتها ونمت
سلام...خربحظي مصر ال اذكرني كل شويه🤦🏻♂️
فنن...ذبيت الربطه نزل شعري وسلام فك حلكه هو مشايفني ابد بدون حجاب عفته مدرتله بالي كارهته حيييل كلبي محترك منه ومن الي سمعته
تغدينه وسلام يحوص خلصنه وشربنه جاي كالت خاله اروح اتمدد ومصطفى هم كال حصعد اقره اني هم كمت وسلام كام ورايه
صعدت...طبيت ورحت للصاله اتمدد جان يجي سلام
سلام...شنو راح تبقين هنا
فنن...ليش عدك مانع لو تريد تطردني منانه هم
سلام...لا بس كلت القنفه مو مريحه تعاي على الجربايه
فنن...لا شكراً نام انت على الجربايه بلعافيه عليك اني مرتاحه هنا
سلام...شبيج دكومي هناك
فنن...عفيه روح نعسانه اريد ارتاح شويه ...جان يدك تلفونه باوع عليه ارتبك
سلام ...احجي وي فنن اريد اقنعها تجي يمي جان ادك مها اول مره اضوج من ادك عليه مها جاوبتها الو شكو شبيج مو كتلج اريد انام
مها..بس صوتك مو مال واحد نايم
سلام...جنت اتغده وهسه صعدت انام بعد اكو شي
مها...حبيبي مشتاقتلك صار يومين مشايفتك خلي نطلع اليوم
سلام....الله كريم اشوف العصر اذا كدرت اخابرج ونطلع
مها...مو تقلب عليه راح احضر نفسي
سلام...اوكي يالله باي ...رحت لكيت فنن قافله الباب😡اني الج بسيطه اله اخليج انتي تجين تتوسلين
فنن...من دك تلفونه كمت سمعته يحجي وياها قفلت الباب وتمددت دك الباب مجاوبته للعصر كمت اخذت هدومي للصاله بدلت ورجعت امكيج فز عليه
سلام...مكدرت انام صرت اعصاب شلون قفلت الباب ...
سمعت صوت الباب نفتح خليت ايدي على عيوني عود نايم شفتها على كيف اخذت هدومها وراحت للصاله بدلت ورجعت تمكيج سويت نفسي عود نزعجت ...شلون منام
فنن...واني شمسويه ....كملت عفته ونزلت
سلام..طلعت ورحت دكيت الباب على مصطفى..
مصطفى...ها سلامات وجهك مضروب جنكو
سلام...ما بيه ضايج
مصطفى...لازم مطتك مجال...بعدنه نحجي دك تلفون سلام
سلام...الو ها حبي اي اجي فد ساعه وجايج
مصطفى..هاي اكيد مها سلام انت ازوجت ومرتك خوش بنيه مبين عليها فقيره وحلو معايزها شي
سلام...انتو من البدايه تدرون احب مها وهاي ميبستها عليه واذا حلو اشيل خشمها عليها...اني حروح اطلع ...بدلت وطلعت وي مها
مصطفى....هاي مها مترتاح ال تخرب بينهم ....خليت سلام يطلع نزلت وصحت فنن ...فنونه عيوني جاي
فنن...صارسويتله جاي وكلي كعدي يمي احجي وياج مدام امي ماكو ....اي تفضل
مصطفى...اني مثل اخوج واحنه نتعبر اصدقاء واي شي تحتاجينه كوليلي حتى لوضوجج سلام احجيلي اني اصرف
فنن....دمعت عيني
مصطفى....اني اعرف كلشي سلام ميضم عليه
فنن...انت تعرف شسوه بيها البارحه
مصطفى...اي اعرف وشتكولين حقج
فنن...تعرف بي عده علاقه وطردني من الغرفه بيوم العرس حتى يحجي وياها تدري
مصطفى😳منو كلج
فنن....سمعته بذني وتدري شنو سمعت هم ...سمعته يكلها خلي تولي تسوه عمرها طردتها بيو عرسها وبقيت وياج للصبح ....
متحملت حيل اختنكت لازم احجي وي احد من حجه ويايه مصطفى انفجرت وحجيت كلشي بدون وعي ودموعي تنزل
مصطفى...فشلت من سوايت سلام متوقعتها تدري بعلاقته الله يصخم وجه النوب سامعته يحجي عليها وي هاي العوبه ...
باعي فنونه انتي حبيبتي واختي الصغيره اريد منج تصبرين وتتحملين فتره ويتغير صيري سباعيه واحمي بيتج وخلي زوجج يحبج وشغله ثانيه ولو بيه خجل ويمكن عيب احجيها بس نصيحه من اخوج اذا تردينه يجي يتوسل لاتخلينه يتقربلج فتره خلي ينشلع كلبه راح يصير عصبي ويصيح عوفي خلي يستوي على نار هاديه واني وياج شنو تحتاجين اني مو جود...بستها من راسها وكمت فشلان من سوايت اخويه ومن الحجي السامعته كلت الي اخلي يتمناها
سلام....طلعت وي مها...بقت تبوس وتحضن بيه حيل واني منا مشتعله صفحتي هاي كبالي وكلشي ماكو بقيت ابوس واحضن تخيلتها فنن
مها...تعمدت ابوس بيه واسوي طكع بركبته حتى اصيرله مشكله
سلام...رجعت للبيت لكيتهم يتعشون وفنن ومصطفى سوالف وشقه وضحك ....اشرت لمصطفى شكو
مصطفى...شبيك شكو اختي واضحك وياها والله اني هسه عرفة البيت الي ما بي بنيه اظلم هسه عبالك صارت روح بلبيت كلشي يضحك ...
سلام...الله يسعد ايامك يابه
مصطفى...لا يا طايح الحظ هاي شنو ركبتك
سلام...شكو شبيها
مصطفى...روح للمرايه وانت تعرف شبيها ...تبقه طول عمرك غبي
فنن...اباوع سلام ومصطفى على صفحه يحجون بس مصطفى راساً صار عصبي رزل سلام وعافه وصعد وسلام صعد وراه
سلام...اباوع بالمرايه خربيومج مها شمسويه متاكد خباثه منها اعرف سوالفها متخاف من احد ولا تحسب حساب لا احد خابرتها الووو لج هاي ليش هيج مسويه بركبتي
مها...شمسويه حبيبي محسيت على نفسي مشتاقتلك فقدت
فنن...الوضع معجبني صعدت وسمعت كلشي حجاه سلام بتلفون اجتي بالي حجايت مصطفى فتحت الباب وحسسته اني سمعت كلشي سد التلفون وبقه ساكت اني هم عفته بدلت هدومي
سلام...متاكد فنن سمعتني احجي بتلفون ردت ابرر الها الموقف ما ادري ليش كتله ادري سمعتي بس فاهمه غلط
فنن...رفعت عيني عليه ركبته زركه متت قهر عروس ويخوني لعد من نخلف شيسوي ...كوه لزمت نفسي كتله اسمع يا ابن الناس ادري بيك انجبرت عليه كتلي بيوم العرس بس الي متعرفه اني هم انجبرت عليك ولازم تسمعني زين الي بيني وبينك بس عقد الزواج وسكن واحد شتريد اسوي سوي احنه مثل الاخوه مالك علاقه بيه ولا الي علاقه بيك ابقه بعلاقاتك ونزواتك حتى لو تزوج ميهمني صادق و روح وسوي الي يعجبك لاتفكر ولاتبرر انت ممجبور تبررلي احسبني اختك ....عفته ونزلت واحس نفسي جني ضربته راشدي
سلام...متوقعت هيج راح تحجي ولا توقعتها بهاي القوه بس ضجت طلعت روحي من كلتلي مثل الاخوه يعني علنت الحرب عليه وبعد ممنوع اقربها....مشت الايام واحنه كل واحد ينام بغرفه والليل احجي وي مها وبنهار اطلع لشغلي بس من ارجع ابقه افتر بالبيت ال اشوف فنن احوص عليها تعودت عليها مع العلم صار 3اشهر مزوجين واحنه مافد يوم كعدنه وسولفنه سوه ابد كل مره تجاهلني...
فنن..جنت كل مره اسمعه يحجي وي وحده بتلفون واموت من القهر واكعد ابجي من اختنك كولش اروح اكعد يم مصطفى واحجيله كلشي احس نفسي ارتاح من اسولفله.....
مصطفى..انقهر على فنونه احسها اختي الصغيره كمت اضوج من سلام وتصرفاته و حتى خطيبتي ريم تحبها
ومره ريم كلتلي خلي ناخذ فنن ويانه نطلعها خطيه
مصطفى...اي والله من يوم الازوج مطالعه بس من تروح لا اهلها ....اشوفها واكولج
مصطفى...فنونه وينج ظلعه
فنن...ها حجي هياتين بس لاتكلي جاي ...
مصطفى...اكولج شو اني كل ما اطب واطلع الكيج تاكلين نستله وين توديهن شو ضعيفه ممبين عليج
فنن...اي جسمي يحرك السكريات بسرعه هبوط عدي
مصطفى...شنو يعني
فنن..يعني لازم اكل اقل شي فد 2نساتل على الاقل باليوم مصطفى...واذا ما اكلتهين شيصير
فنن..اتخربط😑واذا فقدت ومحد صحاني ادخل بغيبوه مال سكر او يجلبلي مرض السكر
مصطفى...صدك تحجين
فنن اي والله الدكاتره كلها كالت نفس الحجي بختصار علاجي اكل حلويات
مصطفى...والله ضوجتيني
فنن...وليش اضوج اني مكيفه حتى اكول كل شويه نستله😋
مصطفى...اذا اريد اعذبج اضم النساتل عنج😜
فنن...خويه اذا سويتها انت تبتلي بيها😂
مصطفى..اي والله ...هذا رجلج الاغبر وين
فنن..شمدريني يطب يبدل ويطلع اذا يحتاج شي يسالني عليه اطي واطلع
مصطفى..اكولج هو محاول يتقربلج
فنن..منتبه النفسك صاير ابد متستحي😐
مصطفى...انتي وحده ادبسزز تحجين ويايه هيج متستحين متكولين هذا ولد ممزوج لا اخرب اخلاقه
فنن😳عزه هاي اني
مصطفى...اي اكو غيرج....اكولج تجين نطلع اني وياج وريم
فنن...وين😯
مصطفى ....امشي نطلع والله كريم شوف وين نروح نتعشه لو شوف وين نروح
فنن...اي اطلع ضايجه حيييل بس خاف سلام يحجي
مصطفى...خلي يفك حلكه بحجايه والله العب بي طوبه
فنن...اتفقنه نطلع وره صلاة المغرب ....كل هاي الفتره خاله متدرين احنه كل واحد بصفحه بس منتبه احنه منكعد سوه ولا نسولف واكثر من مره تسألني اكوله لا ماكو شي بس هيه تدري بسوالف ابنها مصطفى حاجيلها كلشي من حجالها سكتت بعد مسألت ....صعدت اصلي المغرب حتى ابدل واطلع دا اصلي وطب سلام على السريع ما ادري شاخذ وطلع
سلام...جنت محتاج فلوس دا اطلع وي الشله مال الكليه اتفقنه نطلع وسجاد ومها ويانه وبعد اكو بنات ثنين ولد 3 اصدقاء كالو نتعشه سوه ...طبيت لكيت فنن اصلي بس عبالك كمر ماكو هيج خلقه بكبع الصلاه وجمالها ...سويت نفسي مدرت بال طلعت بسرعه
فنن...من طب سلام ردت اكله بس طلع بسرعه ....كملت صلاة وبدلت ومكيجت للسي مستور بنطرو وعليها قميص كولش طويل ومرتب من ازوجت كمت البس موديلات حلوه مال عمري خلصت من تحكم ابويه بس لبسي مستور
ومن دا اطلع كلت لازم اخابر سلام اكوله ميصير اطلع بدون علمه دكيت عليه دك دك رفضه رجعت من جاي نطلع هم دكيت عليه جاوبني مخبوص كتله راح اطلع وي مصطفى وريم كلي واني شعليه مترحين
سلام...جنت كاعد وي مها ودكت فنن استغربت ابد مدك عليه ما فد يوم طلبت مني شي ردت اجاوبها اخذته مني مها ورفضته ضجت وحجيت عليها وزعلت كعدت اراضيها رجعت دكت فنن كالت راح اطلع وي مصطفى وريم كتلها روحي ردت بس اسد الخط واخلص منها
