صار حجي انو راح يدخلون بغداد خالي. اخو امي خابر ابويه راح اعوف بغداد لازم نطلع منها
كال الأوضاع مو زينه. ولازم نترك البيت
بابا كال وين انروح نكعد. بالبيت ونسكت كاله
ابو رفيق الأمور تختلف. هسه الأخبار. موزينه.
اني راح اروح لديالى. لبيت خالي اسكندر . اذا تردون
اتروحون وياي
بابا كاله اخذ ام رفيق والولد ومهاوي
اني مااكدر اروح
ابقى ابيتي اذا اموت فهنا
كاله امر. عليكم العصر. ونتفاهم
صدك العصر. اجه خالي وكله يحجون بالسياسه
كال الأوضاع مو زين لازم نترك بغداد
امي. كالت لا خويه ابقى شنو روحي أعز من ابو رفيق وولدي
هاي الأحداث. قبل السقوط
نايمين كنّا. وبدات الطيارت تقصف. والنَّاس تركض وعياط والكهرباء طفت. اني كمت اعيط من الخوف
امي تقراء آيات وتدعي
ابويه. كال. بابا رفيق جيب. السياره واطلع. اخذ. امك. وأختك واخوانك. وروحو
ماقبل. رفيق كال بابا رجلي ع رجلك
لح بابا عليه اقتنع انروح صبح الصبح خله أفراش وملابس واكل صعدت امي واني ورائد. بس مناضل ماقبل كال مااروح ابقى بالبيت. عاند مراح احنا سلمنه ع بابا. بابا حظني وباسني من خدي ومن راسي وطلعنه.
حرك السياره مناضل وطلعنه
بتجاه ديالى طبعا. الأخبار. انقطعت مانعرف خالي راح لو لا.
المكان ماما ماشيفته صار ١٥ سنه أو اكثر. رحنه والطريق يخوف ناس تمشي وسيارات محمله ناس يعني هوسه وفوضى. تيهنه الدرب مانعرف وين انروح
وصلنه حقول زراعية جبيره. ومزارع وبساتين. امي كالت. يمه رفيق اسال عليهم
والله. نزل سال. على بيت إسكندر. همه معروفين. بلدووز
دلونه. وصلنه ويه المغرب. تعبانين خوف رعب وامي
قلقه ع بابا ومناضل
استقبلونا كان عدهم. كومه ناس يعني عوائل ناس اعرفهم وناس اول مره أشوفهم
شفت بيت خوالي اثنين. وبيت اقرباء امي وبنات خالي وبنات اول مره اشوفهم
يعني النسوان. وحدهن. بهاي الغرفه الجبيره. امي كعدت اسلم وتسال. اني هم سلمت بس اني خوافه كلش خليت راسي بحضن امي. ونمت امي أتخلي ايدها عليه يعني اتنومني اني متعوده
بقى النسوان اتسولف واني بسابع نومه. بعد الدنيا ظلمه وصوت
الدجاج والغنم والهوايش اصيح يعني
هوسه. شلت راسي اشوف اجواء. ماشيفتها ابد
نسوان كاعده ونسوان أصلي امي كالت كومه مهاوي نتوضى طلعنه اني وامي
ماما ألمي ثلج مااكدر.
ولج اسكتي منا الناس لاتسمعج
ما معلينه روحي سويه حارررر
طبعا البيت كلش جبير وهو عبارررره عن غرف اهنا. وغرفه اهناك مجموعه جبيره. ومكان اشويه مشيه اكو غرفه كلش جبيره معزوله
المهم امي شافت مراه. من الناس كالت عفيه
بلكي مي حاور
اَي خيه صار جابت لامي مي حار انتطتني اتوضيت وامي هم. صلينه وخلصنه
كتله ماما جوعانه. اني من أمس ماماكله. كالت بالجنطه اكو بسكت يعني اني مامهتمه بشي
طلعت بسكت كمت اكل. وكل شويه امي شوف هاي البنات المعدلات طلع النهار
ودخلو علينه بصينيه. جبن. والبن. وزبد ودبس خيرات. رب العالمين اتريكنه وخلصنه.
أنت تقرأ
المداهمه
Romanceهلاو اني مها قصتي تختلف عن باقي لقصص بيها بعض الجراءه اني لمدلله عند بابا وماما ..... قصه حب بين مها شابه العراقيه والامريكي ارئك
