اجوي اقرباء بابا خوالي وعمامي والنَّاس. انكلبت
امي كل شويه تفقد الوعي. ومياده واني حايرين بأمي
خلص العزاء
خالي وزجته بقو يمنه وعمامي يوميه يجونه امي صار بيه سكر وصارت عود. والليل ونهار اتنوح. اني ماامتحنت بالمدرسه
البيت الي جان اسعد بيت صار اتعس بيت كل واحد زاوي روحه بغرفته ويبجي ال امي. اني مااكدر اتركها.
و٢٤ ساعه تبجي ع بابا
كال رفيق راح اخذ امي. للحج بلكي ترتاح اشويه صدك طلع الحوزات. وراح هو ياها اجت يمنه مياده هي وزوجها.
زوج مياده خريج اللغات كان يشتغل ويه الامريكان مترجم
اني أجلت ورجعت لامتحان. إجاني عادل خطار استقبله رائد. بات يمنه. اني صح كلبي بعده يحبه بس مااكدر ابلع هو مزوج
واني بعدني مقهوره ع ابويه
راد بكل صوره ينفرد حتى يحجي وياي.
اني بس اقدم الشي واصعد
اشوفه ضاج وطلعت روحه
راح حتى ماسلم. اني لبست حجاب ولبست اسود اني ماطلع داىما لو امي لو ابويه الله يرحمه وياي
اجيت ع مياده
مياده محتاجه شغلات تعالي روحي لسوك
مااكدر يعني ضروري
اي. محتاجه. شغلات. هذوله الأولاد يدوخون الواحد روحي وحدج آخذي هاي سيارت السوك اشتري الي. ترديه ورجعي. مااعرف اطلع وحدي
اتعلمي راح تصيرين عشرين سنه
طلعت وحدي. ويطبك وياي واحد اشكر يخبل. البس بنطرون عسكري وتيشريت مدني. يحجي بالعربي بس السانه ثكيل
هاي البقيه في حياتج اني اشتقت الليك اني أسف ع وافاه بابا درت وجي عليه ياااا حجي عربي
عيني مستر نو توك وذ مي
ماي. فاملي يكطعوني اتكطع
ورحت امشي بسرعه. صعدت بالكوستر وهو راح بتجاه الهممرررر
صدك شغله عجيبه. هسه هذه شمعرفه. طبعا اني ماخذه الشغله هيج بستهزاء
شفت الهمر وره سيارتنه الكوستر. ناس اتكول. الامريكان خلّصونا. وناس اتكول الامريكان. احتلووونا. اني بس اسمع
نزلت واني مرعوبه . اسوكت ع السريع اشتريت احتياجاتي. ورجعت والسيارة الهمر وكفتلي. نزل شاب. اصعدي اصعدي. دفعني كبل داخل الهمر
واني عوفوني عفيه الله يخليكم
كال الولد اشبيج اسكتي خلي احجي
سكتت. كال مها هذه اريك يحبج. خطيه صار خمس اشهر مكابل شباكك وكاعد كل القاعدة تعرف بيه
رجع حجي ارك اَي والله.
بالعربي. الله شاهد.
كتله وهذه شمعرفه عربي
كال من ورج كام حتى بقراءه عربي.
كتله انت عراقي. كال اَي
كتله تقبل ع اختك. هيج اسون بيها
كال والله كتله بس كسر خاطري.
هذه يسوي اَي شي ع مودج شهر لأخ عنده اجازه. يريد يطمن عليج. تعرفين
شكد دافع ع اخوج مناضل.
شنو
اَي يعرف كل شي ولخاطرج ساكت
ارئك كال. اسمج يعني غزال.
اني كتله نزلوني. أترجاك. نزلني
ارئك مهاارجوك اسمعيني. اسمحي للقلبك اني يفكر بي. ارجوكي أعطي قلبك فرصه لن تندمي
صحت نزلوني. فتح الباب ونزلت ركض. طبعا الناس اتباوع عليه اني كمت ابجي
صعدت بالكوستر. اجوي ولد اختي سوللج شي
اشرت لا
رجعت ركض وابجي.
مياده هاااا شكو اشبيج.
مابيه
ماحجيت شي.
أنت تقرأ
المداهمه
Romanceهلاو اني مها قصتي تختلف عن باقي لقصص بيها بعض الجراءه اني لمدلله عند بابا وماما ..... قصه حب بين مها شابه العراقيه والامريكي ارئك
