اليوم صرت قاضيه تدرون كيف
قمت الصباح ما قدرت انام بسبب اخواتي واخواني الي يلعبون فوق السطح وانا احاول انام المهم قمت وانا معصبه ورحت جبت الحذيان وطلعت فوق السطح وكنت بيد ماسكه الحذاء واليد الثانيه على خصري
اختي 3 : بسم الله الرحمن الرحيم
انا : خير ان شاء الله وش تسوون
اختي 4: لا بس نلعب
انا : اعد لعشره والله العظيم لو ما اشوفكم في سرايركم الحين اقطع ذا الحذاء عليكم 123456789
وسبحان الله ما شفت لهم اثر ابدا نزلت وتمددت على السرير وما قدرت انام فجلس اكتب بارت بروايتي المهم خلصته الساعه 12 وانا كنت بادئه 6 المهم قمت رحت غرفه امي وابوي القيت عليهم نظره لقيتهم نايمين رحت غرفه اختي 3 واختي 4 نايمين رحت غرفه اختي الكبيره نايمه بعد رحت جلست على السرير حجي وما حسيت بروحي الا الساعه 4 العصر قمت مزاجي عنب وفراوله قمت خذيت شور رحت عند خواتي الصغار الي هم 3 و 4 وكانو يتفاظخون كالعاده ف اختي رقم 3 سبت اختي رقم 4 انا هنا قمت وفكيت بينهم
انا : عشان سبيتي في رمضان تدفعين 50 ريال للبيت كله ولا اعتراض
رحت غرفه ابوي وامي كان ابوي يقرأ قرأن بعدين جاته رساله فترك المصحف واخذ الجوال انا خذيت الجوال من ابوي
انا : تدفع للقاضي 700 ريال لانك كنت تقرأ وشيطانك الهاك عن العباده
اخذت الجوال وطلعت رحت للمطبخ لقيت امي تطبخ
انا : يما تدفعين للقاضي 56 ريال لانك حطيتي مرتين ملح على السلطه والقاضي ما يحب الملح الكثير
رحت غرفه اختي الكبيره لقيتها تقرأ روايه اخذت منها الجوال
انا : تدفعين للقاضي 3456 ريال لان هذا شهر رمضان وانتي تقرأئين روايات
اختي الكبيره : كنت اقرأ قرأن والله
عاينت جوالها لقيتها فاتحه القرأن فعلا
انا : خلاص عفيت عنك يا متهمه بس اذا شكيت فيكي ما راح يرجع لك الا بعد التراوييح وابوي وامي موافقين
رحت غرفه اخوي لقيته جالس يعاين التلفزيون فخليته في حاله وطلعت لان اخوي عمره يا 4 سنوات يا 3 سنوات واذا طفيت التلفزيون امي ممكن تتبرأ مني للميتم
المهم رحت غرفه خواتي كانو يسبون بعض خذيت جوالاتهم
انا : اولا حنا في رمضان يعني ممنوع السب ثم الاجهزه ذي بصادرها عندي لين انتهاء التراوييح وبرجعها لكم زائد دفع الضريبه 40 ريال لكل وحده
وجلست ادور البيت كله واعطي تنبيهات بنهايه اليوم رجعت لاخواتي جوالاتهم وابوي وامي كمان والحين حصلت 2378 ريال اظن اني ما احتاج فلوس في العيد
والله الموضوع ممتع
بايوووو
