نزلت من عند الدروج ومنلقش روحي الا وانا طايحة😓
فقت ونشوف ماما فوق راسي قاعدة تبكي💔وبابا وميار مقعمزين يبحتو فيا انا وحاطيلي تغذية انا استغربت 😕شن اندير في المستشفى!!بحتت في ماما
انا:شن في؟وشن جابني هنا
ماما:الحمدلله عسلامتك ياحبيبتي فيا ولا فيك 😭
بابا:الحمدلله عسلامة،وانتي نازلة من دروج طحتي وجبناكي هنا
انا:اهاا (بحتت في يدي كانت مجبسة )
ودق باب✊🏻
خش الدكتور والممرضة وكان وجوهم متبشرش على خير 😶(طبعا هما اجانب)
بابا:ماذا حصل يادكتور؟
الدكتور: ااااه لا شي فقط نريد ان نتطمن على المريضة
"بابا فهم عليه انه في حاجة لانه كاين زعلان "
بابا: اذا مارأيك ان نتكلم بالخارج؟
الدكتور:اجل،هذا افضل
وجت الممرضة اتحطلي ابرة
"طلع الدكتور هو وبابا وقاله..
الدكتور: للاسف التحاليل لا تبشر بخير 😞
بابا: خير ماذا حصل فيها؟😨
الدكتور:بنتك لديها ورم 💔
بابا :ماااذا😨😨😨 "كأن جاته صاعقة"
الدكتور :اجل لديها ورم في دماغها للاسف💔
بابا:لا حول ولا قوة الا بالله 😞 كيف كييف حصل؟
الدكتور: لاادري ولكن ابنتك يمكن معالجة ورمها ولكن في الخارج
بابا:لا اله الا الله محمد رسول الله ،حسنا سأعالجها في مكان اخر ولكن اين؟
الدكتور: يمكنك ان تأخذها الى المانيا
بابا: ان شاءالله شكرا لك يادكتور😢"بابا وقتها منهااار ومش عارف كيف يقوللنا عن الموضوع"
انفتح الباب
ماما: ها شن صار؟
بابا:هيا نروحو للحوش بعدها نحكيلكم
ماما:غير شن في كنك؟
بابا :ان شاء الله خير غير هيا
انا حسيت ان في حاجة بس تعوذت من الشيطان وطلعنا
وطول الطريق وانا انبحت لبابا يلي وجه راح الوان☹️
واول ماخشينا للحوش ..
بابا : نبيكم اتوسعو بالكم وتهدو قبل مانبدا ندوي
ماما:كنك شن في خوفتنا
بابا: اخخخ .. وقعد يبحت فيا 💔
انا لما بحت فيا بابا هكي خفت بكل😨
ماما:هيا قول كنك شن صار
بابا:للاسف طلع عند حياة ورم 😪
انا هنا جتني الصاعقة ⚡️ومعرفتش شن اندير
ماما:ششششنووووو شن قاعد اتقول انت "وقعدت اتعيط وحالتها حالة " "وبابا مقدرش يسكتها لانه هو يبي يحد يسانده في اللحظة هذي"
"ميار كانت مش فاهمة شي بس لما لقت بابا وماما يبكو قعدت تلقائيا تبكي معاهم😭"
انا صبيت ومشيت عند الدروج بنمشي لداري
ماما قعدت اتبحت فيا وتبكي
قلتلهم :محد يلحقني بنقعد بروحي
ماما:تعالي هنا وين ماشية 😭
بابا كان يبكي 💔
انا: بنقعد بروحي فياريت محد يجي ورايا
طلعت من عند الدرج واول ماخشيت لداري قعدت نبكككييي💔💔
معقققووولة عندي ورررم😭 امتى كيف صار عليش هكي ياربي يعني انا مش حنعيش الا فترة قصيييرة!!!يعني مش حنقرا ونشتغل ونتزوج 😭😭علييش هكي عليييش "وقتها خشيت في حاله ميعلم فيا ربي 😓💔"
.
.
.
.
وسافرنا لالمانيا....وهنا بدت القصة♥️
(ياريت انشوف انه في شوية تفاعل عشن نستمر في القصة 😄وان شاءالله تو انزل حلقة بعدين او بكرة )
أنت تقرأ
مريضة مع الحب!
Romanceرواية باللهجة الليبية الشرقية💕 استمتعو فيها😄فيها الضحك😂...الحزن💔......الحب♥️......السعادة😉 العنوان غريب لكن لما تعرف احداث القصة حتكتشف ليش اخترت هذا العنوان بين كل كلمات اخرة 👍🏻وليش هذا بالذات😶 اول رواية وان شاءالله مش اخر رواية✨
