حقي براي

1

واي ي هناء دا شنو الود الحاباهو الايام دي ..
مالو ماعاجبك ..والله ود عسل ..
في ذمتك العسل وينو هو العسل غيرو ولا شنو ..
ورينا انتي ياست دعاء عسلك البتجيبي ..
انا اخ اسكتي ساي حاجيبو ود طوييل اسمراني عيونو عسليه شعرو مسبسب واهم شي عندو سكسوكه وبكون بلبس جلابيه 😍
اي حلم الجعان عيش ومادايراهو يجيك في حصان ابيض ولابس ابيض زي الافلام الهنديه ..
ههههه الله قال اتمنى وانا بدي الجنه مالو مابعيد من ربنا انتي بس خليك في عواليقك البتجيبهم ديل ماعارفه بتنكتيهم من وين ..
اي رضياانه ماشغلتك بي انتي ..
سمح المهم كدي سيبينا من الكلام دا اها بكره نمشي الحفله ..
ياتا ..
يابت حفله ناس نسيبه ..
اها نسيتا والله .. مختلطه هي ولا لا ..
ماعارفه لاكين اظن مختلطه .. لاكين بتاكد ليك ..
خلاص تمام اتاكدي واديني خبر .. مش العبايه دي هينه ..
خلاص تمام ..
يلا تعالو اعرفكم ع دعاء و هناء ..
دعاء بنوته حلاتا سموريه وطويله .. عندها اخو واحد اسمو ايمن اصغر منها ..
وهناء لاطويله لا قصيره ولونا فاتح حلبيه ع قولم .. وحيده امها ماعندها اخوان ولا اخوات.. معتبره دعاء اختا ..
صحبات صحبه شديده ساكنين في السعوديه في نفس العماره ما بفترقو من بعض نهائي يومم كلو مع بعض ..
توت توت☎
الو ..
دودي ..
عيونا احكي ..
تكبر عيونا اسمعي الحفله قالو مختلطه ..
خلاص ي زوله احسن برضو .. عبايه وانتهينا ..
خلاص تمام بجيك من العصر البس عندك ..
لي قالو من العصر هي ي هناء انا عايزه انوم عشان بعدين افوق شويه للحفله دي نشوف الحاصل ..
تحبي الشمارات خلاص المغرب والله اجيك المغرب خلاص هث انا حددتا ..
ههههه الله يعيني عليك غايتو خلاص تعالي امرنا لله .. انا متين افتكا منك متين ي الله ..
لمن يجي الاسمر ابو سكسوكه هههه ..
يسكك الحرامي انتي هههه خلاص لي بكره يلا سلام ..
تاني يوم جات هناء لي دعاء في البيت سلمت ع ام دعاء (سعاد) ..
ماما سوسو ازيووو ..
اهلين هناء اخبارك وامك كيف ..
كويسه الحمد الله بتسلم عليك .
الله يسلما ي رب ..
اها السجمانه دي نايمه موش ..
ههههه اكيد ولا حتصحى هسي .. صاحين انا وايمن بس (ايمن اخو دعاء الصغير).
دقيقه هسي بصحيها ليك ..
وتوووش دخلت الغرفه وفتحت الباب وهاك ي كواريك وتشيل وتغني ..
دعاء عاينت ليها كده ..
اقفلي الباب والنور وتعالي نومي ..
دودي قومي ياخ خلاص العصر قرب ..
وانتي كمان جاياني قبل العصر اخ ياربي انا عملتا شنو في دنيتي دي تديني صحبه سجم زي هناء دي ..
هههههه انا سجم ماحارد ليك قومي ياخ ..
خلاص بقوم بس خليني شويه ..
نو نو قومي يعني تقومي يلا ..
اووف وقامت ع حيلا واتربعت في السرير ..
هههه منكوشه حلاتك قومي يلا اتسوكي امشي اعمل نسكافي واجي ..
كمان نفسك مفتوحه ..
ههههه اي قومي يلا ..
وطلعت من الغرفه مشت المطبخ لقت خالتو سعاد في المطبخ قعدت تتونس معاها وعملت النسكافي وجابت البسكويت وجات . .
دعاء غسلت وشها ولمت شعرا وصلت وقعدت معاها ..
بقو يتونسو ..
اها حتعملي شعرك كيف .. لاالميكب ما تكتري اي .. والبسي عبايتك دي رهيبه ..
ووووو قعدو يخططو للحفله ..
بعد العشاء صلو وقامو يتمكجو ويستشورو في شعرم ..
لبسو وقشرو ..
جات ام هناء (خالتو اميمه)وجهزو كلهم ومشو الحفله ..
قعدو في الكراسي الفي النص عشان يكشفو مايفوتم حاجه ..
لاقو البنات سلمو عليهم .. وهاك ي قطيعه وعان دي لبستا كيف . وههههه شوف دي غايتو ما استخارت في مكياجا ..
جابو العشاء واتعشو ..
شويه قالو الرجال حيخشو يوسعو ليهم شويه ..
بقو البنات يتزبطن ويصلحن في نفسم ..

اها مالو قال ليك شنو ؟
انتي بس اقعدي للشمارات .
ههههه عليك الله قال ليك شنو وطلع منو ؟
اتخيلي انتي معاي طلع منو ..
اها منو ياخ ماتحرقي لي دمي ..
اتخلي بس ..
دودي بطلي سغاله .
طيب خلاص . طلع الود الحلبي الامس..
هههه احلفي .
والله قال لي انا الخبتا فيك امس واسمي فارس ومحاسب وعمري 29 وعايز يتعرف علي حتى لو اصدقاء .. وانا ابيت وقفلتا ..
واي ي دودي انتي غبيه ..
غبيه في شنو ..
يابت حلبي ومهندس وعندو سكسوكه زي ماعايزه ..
يسكك حرامي قلنا .. جني وجن الحلب .
ياخ بنشمسو ليك .. هههههه
ننو شوفي ليك موضوع تاني غير دا ..
لا بس الليله دا ..
شويه تلفونا دق .
اووف دا محمد ..
بس الحمد الله بركه الجات منو امشي ردي يلا امشي اشوف ديل دايرين حاجه ..
وطلعت خلت ننو تتكلم .
مشت لي ناس امها تشوف دايرين حاجه ولا لا .. وجات راجعه للغرفه ..
ولسه ننو بتتكلم شكلو كانو بهزؤ فيها .
خلصت وجات .
الود دا والله بمرضني ..
ههههه مالو ..
ياخ فقر عبيط سغيل ..
لا حول الله دا كلو ..
اي ياخ ماتعملي دا وماتفعلي دا والبسي دا ووووو ..
ايييك ي ننو والله النوع الزي دا هسي كده بعدين كيف ي زوله اتخارجي منو ساي ..
يعني هسي انا في زول دق الباب وانا قلتا لا ..
هههههه يعني كان جاء زول بتبيعي محمد؟
ابيع حنانو زاتو ..
طيب صفي النيه ههههه
المهم اخدو قعدتم واتونسو لحده ما الحريم شويه شويه اتفكفكن.. بقن بس حريم العماره وهم متعودات عليهم ..
طلعو وقعدو معاهم شويه وكل واحد مشى بيتو ..
تعب شديد .. جاء ابو دعاء وختو العشاء واتعشو واتونسو حبه وكل واحد دخل غرفتو ..
دعاء من اتكلمت مع فارس ختت التلفون في الشاحن وعملتو صامت عشان ماترد عليه تاني كان دق وطلعت .
جات لقت كميه من الاتصالات منو .
ما اشتغلت بيه .. دخلت الواتس ..
امممممم من كترت الرسائل حقتو لمن التلفون علق ..
شالت وفتحت الرسائل وطلع ي عيني شاعر .
كلام حب وغزل وقصائد ب اسمها .. لمن قالت عليه ننو روميو ما كذبت هههه..
اديني بس فرصه اتعرفي علي وكان مانفعتا معاك وعد ما ادق ولا ازعجك وامسح الرقم وزي كانو ما اتكلمتا معاك بس اديني وادي نفسك فرصه .. وانا زول جادي والله .. كان دايره بكره بجي اتقدم ليك بس انا قلتا نتعرف ع بعض قبل ما نعمل حاجه رسميه ..
وكلام كتييييير .. انا من يوم شفتك ومسكتني الرجافه والحنك دا هههه ..
قعد تضحك في كلامو شكلو بتاع هزل وضحك ..
المهم قرت الرسائل كلها وماردت ورقدت نامت .. تاني يوم عندهم جامعه هي وننو .. واخر سنه ليهم بدرسو اداره اعمال الاتنين..
طبعا بقرو في الجامعه في السعوديه .(جده)
الصباح امها جات صحتا .. صحصحت مسكت التلفون تدقدق ع ننو عشان تصحيها ويطلعو مع بعض ..
صباااحو ..
يسعد صباحك دودي..
يلا قومي واجهزي اخلص وانزل ليك عشان بابا يودينا الجامعه ..
طيب اوك ..
وقفلت منها .. مشت استحمت واتوضت وصلت ولبست ..
ابوها جاء ( عبد الحليم)
دعاء .
نعم يا بابا ..
ارح جهزتي خلاص ..
اي طالعه ..
وكلمتي هناء تجهز انا وراي شغل ..
اي كلمتا ..
جات مارقه خلاص ارح مستنيانا تحت هي ..
يلا ارح ..
ودعت امها وساقت ايمن معاها عشان ينزلو في مدرستو ..
نزلو كلهم ولاقو ننو وطلعو ..
وصلو الجامعه ..
اها ي بت من قبيل دايره اسالك وعمو قاعد ..
في شنو ..
الحلبي مادق تاني ..
اييييييك دا موضوع طويييل كدي ارح نخش وبوريك ..
كويس ..

يتبع ..