مُـتـهـورة و لاعـب

"٥"

#تالا

انا اول مرة اركب بوكس ف حياتي .. اول مرة اروح قسم اصلا .. اول مرة احضر احداث زي دي .. اول مرة يحصل معايا كده .. بس انا اصلا حظي وحش طول عمري .. منحوسه .. زي ما كانو بيقولو عليا و انا صغيره .. طب و بعدين هعمل ايه ف المصيبه دي .. يارب بقي

العسكري : يلا قدامي
تالا : طب بالراحه طيب

وصلت قدام اوضة التحقيق .. ايه ده .. ايه المناظر دي .. كلهم شكلهم بلطجيه .. هما بيبصولي كده ليه .. محسسني اني ملفوفه ف ملايه  ..

العسكري : اقفي هنا ..
تالا : بقولك يا دفعه .. هو مفيش حد تاني ف القضيه دي يتحقق معاه غيري؟
العسكري : لا في .. في بنت جوه بيتحقق معاها و في ولد كمان بس ده مش لاقيينه

اكيد البنت الي جوه دي زينه .. بس لو هي يبقي فين اهلها و ازاي سايبينها كده لوحدها جوه .. و الولد ده مين ..
و فجأه خرجت نيچار .. ايه ده هي دي البنت الي حوه .. طب و زينه فين .. و يا تري نيچار قالت ايه و هي بتبصلي كده ليه و كأني انا الي قتلت اسلام

حازم : امشي يا عسكري دلوقتي .. اقعدي
تالا : انا .. انا مش فاهمه حاجه
حازم : بصي بقي يا تالا .. انا هصدقك انك مش فاهمه حاجه فعلا و هفهمك .. "حكالها الي حصل "
تالا : اسلام مات .. مات مقتول .. الله يرحمه كان طيب
حازم : و انتي واحده من المتهمين الأربعه ..
تالا : الي هما مين بقي؟
حازم : انتي و نيچار و زينه و زياد .. و ممكن مجهول بس الاحتمال ده بعيد
تالا : زياد ؟!!
حازم : اه اخوكي .. هو الوحيد الي ملقيناهوش ..

************

#عبدالله

روحت النادي النهارده و انا متضايق جدا من الي حصل ده .. و اتعمدي اني اروح بدري مع ان التدريب النهارده الساعه ١٠ بس انا رايح ٨:٣٠ .. معرفش ليه بس مش عاوز اكون موجود ف مكان فيه بوليس و دم و قضيه ده حتي مكلمتش رمضان

رمضان : مالك يا عبده؟
عبدالله : مفيش بس فيه مشاكل ف الكومباوند عندي ...
رمضان : الأيجار ولا فاتوىة الكهربا 😂😂
عبدالله : شكلك فايق و رايق .. لا ده ولا ده .. قضية قتل
رمضان اتفاجئ من الكلمه مع ان عبدالله قالها بكل برود ..
عبدالله : شوفت انت عملت ازاي اول ما سمعت قضية قتل ..  مابالك انا بقي
رمضان : مين الي اتقتل و ازاي و ليه و مين القاتل؟
عبدالله : انا مالي "بيهز كتافه و بيبص الناحيه التانيه
رمضان : ايوا بس انت كده ف خطر .. ولازم ..
عبدالله : لا مش هعمل الي ف دماغك ده .. مش همشي من الكومباوند
رمضان : انت مالك كده حالك متغير بقاله اسبوع؟!
عبدالله : لا ابدا بس موضوع القضيه ده خانقني

#رمضان
انا اول مرة اشوف عبدالله كده ... مخنوق من كل حاجه و متضايق جدا .. ممكن يكون بسبب القضيه و القتل لان عبدالله مش بيحب اللبش بالعكس بيحب الهدوء و الاستقرار بس .. مش ده السبب الرئيسي انه متضايق كده ... انا عرفت 😌😏

رمضان : الا صحيح يا عبده .. اخبار جيرانك ايه؟
عبدالله : جيراني مين؟ تالا؟
رمضان : انا مقولتش تالا .. انا قصدي علي زينه ..
عبدالله : ايوا يعني عاوز ايه؟ 😑
رمضان : بسألك عليهم .. اصل تالا مكلمتنيش من اخر مرة شوفتها ولا زي.... "قطع كلامه عبدالله
عبدالله : ايه ده .. انت معاك رقمها؟؟
رمضان : اه .. و رقم زينه كمان .. تاخده؟! 😏
عبدالله : رقم تالا؟
رمضان : لا زينه 😉😂
عبدالله : غور من وشي يلا .. "مسك الكورة و كان هيحدفها عليه
رمضان : يعني هتاخد رقمها ولا لا؟
عبدالله : غوور يااض "حدف عليه الكورة

واضح فعلا ان عبدالله معجب بيها .. باين جدا انه مشافهاش من اخر مرة من اسبوع .. و متلهف ليها جدا .. يا حظها انها قدرت توقعه .. اما اكلمها كده و اشوف ايه اخبارها ....... ايه ده رقمها غير متاح؟

***********

خلص البارت 💭

معلش هو قصير حبتين 😪

انا بكتب في قصتين تانيين غير القصه دي 🌻

ان شاء الله هيعجبوكم ❤

هيبقو بأسلوب مختلف عن القصه دي 💛☁

فوت + كومنت 🎶

قولولي علي الجزء الي عجبكم ف البارت 😏💙

اتمني لكم قراءه ممتعه 🌈💜