مُـتـهـورة و لاعـب

"٦"

#تالا

تالا : طب و انا هيتعمل معايا ايه دلوقتي؟؟
حازم : ابدًا ، هنستجوبك شوية
تالا : طب ممكن اكلم اهلي ع الاقل يعرفو انا فين طيب
حازم : متخافيش أهلك بره

( حازم ده الظابط الي بيحقق ف قضية القتل)

حازم : آخر مرة شوفتي فيها اسلام كانت امتي؟
تالا : من اسبوع تقريبا
حازم : كان شكله عامل ازاي؟؟
تالا : نعم؟!
حازم : يعني اقصد كان تعبان او مضروب مثلا
تالا : لا معرفش ، انا شوفته من بعيد كده ف ملامحه مكانتش باينه اوي يعني
حازم : لما شوفتيه كان بيعمل ايه؟
تالا : كان .......
انا كده لوقولتله انه كان خارج من عند نيچار ممكن يثبتو عليها التهمه و تلبسها هي او زياد حتي ، و ان مقولتلوش هيقولو اني بتستر عليهم ، طب و بعدين هقولو ايه ده ..

حازم : احم .. انا سألت و مستني اجابه 😐
تالا : اه اسلام كان ماشي بعيد كده و بعدين انا شوفته و بعدين بصيت لزينه و اتكلمنا ف مركزتش معاه اوي يعني
حازم : انتي متأكده من كلامك ده
( شغل ظباط و مخبرين بقي 😂💔)

تالا : اه طبعًا و انا هكدب ليه يعني ..
حازم : خلي بالك لو كلامك ده طلع كذب ، محدش هيروح ف داهية غيرك ، لا اخوكي هينفعك ولا البت التانيه دي ..
تالا : لا مش بكذب *ده زي م يكون قرأ افكاري و شكله قافش اني بكدب عليه .. بس خلاص انا اتكلمت و مش هينفع اغير كلامي و ربنا يستر بقي*

حازم : تقدري تتفضلي بره علي م نكمل استجواب بقيت الشاهدين
تالا : طيب

***********

نروح لعبدالله و رمضان

رمضان : ايه يا عبده فك بقي كده
عبدالله : اعمل ايه يعني أقوم ارقص؟
رمضان : هو انت يا ترقص يا تقفش كده ، و بعدين انا معرفتش ايه سر فقشك ده ..
عبدالله : يابني هو انت بتفهم منين ، م قولتلك عندنا جريمة قتل و حكومة و عساكر .. اصلا بفكر اعزل
رمضان : هو حد طلبك للاستجواب و كده؟!
عبدالله : لا طبعًا انا مالي اصلا ، الواد الي مات ده انا عمري م اتكلمت معاه
رمضان : طب متعرفش اخدوا مين؟؟ ..
عبدالله : تقريبا اخدوا تالا و زينه و نيچار دي
رمضان : اوبااااا هو ده الي انا خايف منه .. اخدوا تالا 😨 عشان كده تليفونها مقفول
عبدالله : هو انت معاك رقمها؟؟
رمضان : اه ياعم احنا اصحاب و كده .. طب و هوصلها ازاي انا دلوقتي؟
عبدالله : انا ليا واحد ظابط حبيبي ف القسم الي بيحققوا فيه و اقدر اوصلك بيها لو عاوز توصلها
رمضان : ياااه و فينك من زمان يا اخي كلمه يلا

عبدالله كلم الظابط و قالو انها فعلا موجوده ف القسم بس قالهم انه مش هيقدر يوصلها دلوقتي و هيقولهم ع الجديد لو حصل حاجه .. المكالمه دي ردت الروح لعبدالله بعد م كان القلق هيموته من الخوف علي تالا ، بس برضه لسه قلقان لانه نعرفش يوصلها ..

رمضان : اعتقد كده نارك بردت شويه؟ "قالها و هو بيغمزله و بيضحك
عبدالله : هو مش انت الي كنت عاوز تطمن عليها؟
رمضان : الصراحه يا بودي ، انا كنت برمي الطُعم و انت كلته 😂👌
عبدالله : قصدك ايه؟؟
رمضان : اقصد اني كنت بجُر معاك كلام عشان تتكلم عن تالا و اتأكد انك خايف عليها و هتموت من القلق
عبدالله : اه يا ابن ال...
رمضان : هوب هوب هوب 😂😂
عبدالله : طب و استفدت ايه انت بقي؟
رمضان : انا كده اتطمن ع مستقبلك ، هتاخد واحده رد سجون 😂😂
عبدالله : ما تحترم نفسك يا رمضان 😡🔥
رمضان : خلاص يا عم اهدي عليا مش كده ، رميتلك الطُعم تاني و انت كلته تاني 😂✌ طب والله البت دي فيها شيء لله انها هترتبط بواحد زيك 👌❤
عبدالله : و انت مين قالك اننا هنرتبط؟
رمضان : لا هترتبك و اسألني انا ، بس اتقل عشان تاخد حاجه نضيفه 🙌😉

**********

عدي كذة يوم و القضية اتطورت و بدأوا يدوروا علي زياد لان هو الحلقه المفقودة ف القضيه دي ، افرجوا عن زينه و تالا و نيجار بضمان محل الأقامة بس لسه هما ف خطر طول م زياد مستخبي ..

تالا : عاجبك يا ست هانم الي زياد عملو فينا ده؟!
والدتها : اتكلمي عنه كويس ، و بعدين هو بريء و معملش حاجه
تالا : و طالما هو بريء بيستخبي ليه ها؟ .. في بريء بيستخبي !!
والدتها : هو مش عاوز يتشحطط ف الاقسام " بدأت تعيط
تالا : برضو بتدافعيلو بالرغم من كل ده .. انا طالعة أوضتي احسن ..

تالا : ألو .. ايوا يا رمضان
رمضان : كفاارة يا كبير 😂
تالا : وحيات امك يا رمضان انا مش ناقصه
رمضان : السجن للجدعان و انتي ماشاء الله 😂🙌
تالا : و رحمة ابويا هقفل السكه .. 😐💔
رمضان : خلااص .. طب طمنيني عملتو ايه؟
تالا : ولا حاجه * حكيتلو الي حصل *
رمضان : هاراسوح ده حوار كبير اوي
تالا : و انا اتغرست و مش عارفه هعمل ايه ف اخويا الي اتبليت بيه ده
رمضان : و انتي مالك بيه اصلا؟!
تالا : ماهو للأسف انا واحده من المتهمين ، طب بص يا رمضان اقفل دلوقتي و بكرا نتكلم لاني مش فايقه خالص
رمضان : خلاص قشطه .. هكلمك بكرا ، سلام 💖

************

هاي 🎈

مكتبتش بقالي كتير 😐💔

بارت جديد يارب يكون عجبكم 😊❤

فوت و كومنتاتكم بقي الحلوه 😭💙

و نزلت قصة جديده اسمها
My little secret
ادخلو شوفوها و قولولي رأيكم ✌😄

هحاول اكمل دي بإذن الله و بدعمكم بقي 💖

باي ❤✨