قدر الفقيرة [ متوقفه لفتره ] .

[ NOTE ]

                  السلام عليكم..

طبعاً انا مبسوطه جدا لل 200 شخص الي بيقرأوا كتابي.. ده في حد ذاته نجاح ..

حبيت اكتب اول نوت عشان اوضح كام فكره كده ..

في الاول حبيت اوضح كميه المعاناه الي بتواجههم و ان ازاي ان  4 جنيه قدرت تفرحهم ، و انهم راضيين بحكمه ربنا ..

ثانياً حبيت اوضح نقاش حاد ما بين الام و الاب و اللي اتضح من النقاش ان عمر هو السئ و ان ليلي الطيبه البريئه!! و اتضح في الاخر انه العكس.. و من هنا حبيت اوضح موضوع المظاهر !

- المظاهر خداعه و ان مهما كان منظر الشخص الي قدامك بريئ و طيب و علي نياته الا انه ممكن يكون خبيث و غير محب للغير او الخير ! .. و ممكن بردو يكون شخص واضح اوي عليه انه قاسي و غير مبالي لأمور الناس و هو من جواه عكس كده .. ممكن يكون طفل من جوه عكس الظاهر ! انت متعرفش ايه الظروف اللي بيمر بيها ، و ملكش حق نهائياً انك تحكم عليه..

كذلك بردو مع اسرتك.. ممكن تكون مع صحابك و عمامك و باقي قرايبك كويس جداً بس مع مامتك و باباك و اخواتك عكس كده و ساعتها بتبقي محطوط تحت مسمي " انت قلبك قاسي كده ليه؟!  " .. ، و انت ولا قاسي ولا حاجه انت بس مش عارف تعبر عن مشاعرك نحوهم ! .. انت كويس

ثالثاً لما عمر وضحلهم مشكلته هما تقبلوها بصدر رحب .. مش عشان هوا ابوهم بس ! لا ده عشان هما متربيين رغم كل الظروف الي حواليهم و من هنا بوضح موضوع الاخلاق و الارادة  !

ادم و ايما و علي و دنيا هما اخوات و من نفس الام و الاب ولكن اشمعنا علي و دنيا ماتوا بطريقه سيئه و اختاروا طريق الضلال .. و ايما و ادم عايشين اهم و هيسافروا؟!

السبب هوا ان ايما و ادم صنعوا اخلاقهم بنفسهم و كان عندهم الارادة في تلقي الاخلاق عشان يكون ليهم شأن في المجتمع عكس اخواتهم !

بمعني انك لو عندك اراده كافيه هتقدر تعمل اي حاجه .. حرفياً اي حاجه ، لان مفيش شئ اسمه مستحيل .. امسحوا من قاموسكم اللغوي كلمه مستحيل ! لانها غير موجوده ديه مجرد كلمه الضعفاء اخترعوها عشان كسلوا يحاولوا مره و اتنين و عشره ! .. يعني المستحيل = الضعف ، وانت مش ضعيف .. انت اقوي من اي شئ

بالنسبه لسليم.. خلي بالكوا ارجوكم من اختياركم لصحابكم.. فرقوا بين اصدقاء السوء و الكويسين .. ، مش شرط يحصلكوا زي عمر! .. بس ممكن تتأذوا و مش شرط يكون عندك سبعتلاف صديق .. احسن يكون عندك قليل صادق احسن من عدد كبير منافق ، و اظن انكم لاحظتوا الفرق بين سليم و ياسر ! ..

كده انا وضحت كل اللي عاوزه اقولوا.. يا رب اكون قدرت افيد اي حد منكم..  اي استفسارات انا موجوده معاكم هنا في الكومنتس او انبوكس.. 

في رعايه اللّٰه..

ALL THE LOVE <3