الام : ترا مبقة وقت شوكت نوصل اتاخرنا هواي
الاب : انتظري حبيبتي متشوفين الازدحام
مينا : يعني لشوكت هالازدحامات والله ملينا
بعدها تحركت السيارة ومن الخلف سيارة كبيرة فاتت بسرعة عالية وتصادمت السيارتين
مجهول : لا اله الا الله بعدهم شباب
مجهول 2 : يـ ناس البنت دتتنفس اطلبوا الاسعاف بسرعة
مجهول 1 : رحمتك ياربي هاي وين حتعيش وهي فقدت اهلها كلهم
بعد مرور 3 ساعات
مينا : ااااه اني وين شجابني هنا بابة ... مامة وينكم
بعد مدة قصيرة اجتي الدكتورة
الدكتورة : حبيبتي كعدتي الحمدلله ع سلامتج واتصلنا ع اقاربج يشوفونج
مينا (وهي تبجي) : اني ليش هنا منو اقاربي ماعندي غير عائلتي ليش ماكو احد منهم شصاير
الدكتورة : صار حادث وياكم وبس تتحسنين يحجون الج شصار واتصلنا ع اخر شخص اتصلتي ويا اليوم حيجي ياخذج
مينا تبجي ومتعرف شترد
شافتها الدكتورة واطمنت عليها وطلعت
من جانب اخر وبمكان ثاني وبوقت الي صار بي الحادث :➘
ريم : مامة ..... مامة ليش اتاخروا ترا حتة صبر مبقة ام ريم : خابرتهم كالوا حادث صاير بالطريق واتاخروا هسة همة جايين
رن جهاز ريم
ام ريم : بنتي هاي مينا دتتصل تعالي
ريم : هاي شبيها مو كالت ديروحون شنو تكنسلت كالعادة
# المكالمة
ريم : ها غبرة مو قبل شوي حجينة وكلتي حنروح
مجهول : اااا السلام عليكم اختي انتي قريبة صاحبة النقال
ريم (بخوفة) : اي اني صديقتها انت منو مينا وين الجهاز ليش عندك وين لكيته
مجهول : العفو اختي بس صاحبة النقال تعرضت الحادث هي واهلها وفقدنة العائلة بس البنت عايشة ياريت تجين للمستشفى تشوفينها احنة منكدر نبقة وياهة
ريم : شنووووو عزة يووووم تعالي سمعي شكرا اخوي انت روح اني جاية
ريم تبجي : مامة مينا بالمستشفى اريدها اريد اروحلها
الام : سترك ربي ليش شصاير
ريم : مااعرف امشي دنروح
الام : روحي بدلي ويجي اخوج ياخذج بسرعة
ريم : ماشي
صعدت ريم وبقت الام قلقة وتدعي مينا مبيها شي بهذا الوقت وصلوا ابو ريم واخوانها (محمد حسين )
ابو ريم : شكو شبيج وجهج اصفر هاي وصلنا ومبينة شي
ام ريم : تعرف مينا صديقة ريم متعرضة الحادث هي واهلها وهسة دتروح الها للمستشفى ومحمد انت تاخذها
الاب : الله يساعدها والله متستاهل
حسين ع انفراد اخذ محمد
حسين : محمد منو هاي وليش هيج خايفين عليها
محمد : والله ياضلعي هاي مااعرفها ولا شايفها بس الي اعرفه هي صديقة ريم وحيل خوش بنية ودائما ريم تروح الها وهي تجي هنا وبيني وبينك امها صديقة امك بس مو مرة صاكة تخبل
حسين : لك حيوان عيب عليك لو تريد اروح للحب اكولها عليك
محمد : لالا بشرفك ..... تعال بيني وبينك مااريد اروح تدري بية اتخبل من المستشفيات وهاي امك تريدني اروح
حسين : انت شحبيت غير هاي الجكمة صاحبتك معليك هسة اني اخذ ريم واروح
أنت تقرأ
لكْنها مُلكي
General Fictionقصة واقعية عراقية تتحدث عن حادث جمع اثنين حبوا بصمت وفشلوا بس رغم الظروف تحدوا كلشي ورجعوا
