مرّت اسبوعين وحالة مينا سيئة كلش ومحد الها غير ريم بهذا الاسبوع تغيرت هواي اشياء بحياتها منها اهلها صاروا اهل ريم بس متطلع من الغرفة وطبعا حسين لان ممحجبة ميبقة بالبيت الة لوقت متاخر ع مود ينام ومحمد مو هامه غير حبيبته (حتتعرفون عليها بالاحداث الجاية )
2:30 AM
مينا : رييييم .... رورو كومي اريد مي رييم كوومي
ريم : اووووف روحي انتي مبية حيل اني
مينا : وين رايدة بية اخاف وحدي ومو بيتي عيب انزل وحدي
ريم : ميمي حبي البيت بيتج ومحد اكو هسة انزلي وخليني اناام ولي من يمي
مينا : عابتلج حنزل وحدي
نزلت مينا للمطبخ طبعا ضلمة ومتشوف شي
مينا : بلا اني شنزلني مااعرف شي هنا وين الاضاءة منين اشغلهن هففف هاي شنو
شغلت الاضاءة مينا وبالاثناء الي جانت تشرب مي سمعت صوت
مينا : منو هنا .... هيييو انت منو شو ...ثول هاي انتي ريييم اطلعي مااخاف صدكيني
حسين : هاي منو بالمطبخ ريم وكتج طفي واطلعييي
دخل حسين للمطبخ وطفة الاضاءة
مينا : تكدر تشغلهن واني اطلع واطفيهن
حسين : اعتذر بس ياريت من تصعدين تصيحيلي ريم
مينا : ريم نايمة
حسين شغل الاضاءة وطلع بدون ميحجي ولا اي كلمة
مينا : هذا شبي كل عقله يعوفني ويطلع كبر
شربت مينا المي وصعدت تنام بس منامت ضلت تفكر بكل شي صار وياهة وتفكر بـ بقائها وي عائلة ريم صح او غلط الى ان نامت
8:30 AM
ام ريم : كووومن كووومن كافي نوم
مينا : خالة حبابة خلينا نايمين والله ميصير ساعة 8 بعد وقت والله
ريم : يووم روحي هسة حنكوم
ام ريم : كوووومن عدنا شغل حيجون بيت خالتج
ريم كامت متفاجئة : شنوووووو وهاي الغبرة هم تجي
مينا صافنة متعرف شكو : هاي شبيهن
ام ريم : اي حتجي كومي بسرعة وكومي ميمي وياج
طلعت ام ريم وهي تحجي وي روحها
ريم : شلون تريدني انام وهي صدمتني بكلامها اوووف ياربي ..... مينا كومي تحظري لليوم الممل والفاهي
مينا : شكو
ريم : باعي بيت خالتي حيجون ع مود حسين واحنة نكرهم كلش يعني منكرهم نكره بنتهم حييييل حيييل
مينا : ومنو همة
ريم : باعي (هنا وبعدين رح تتعرفون ع باقي الشخصيات) اول شي خالتي اسمها اساور نلقبها سوسو بس بيناتنا ورجلها احمد حمادة لقبه وبنتهم مريم العقدة مريم بعمر محمد بس مايعة ولوكية بس بتصنع مو طبيعتها واختها الثانية نورس صغيرة 9 سنوات بس حبابة كلش ونحسة حيل بس وي امها بس تحب تاكل هواي وبس ع الاكل تحجي ويانة اخوانها ياسر نكدي كلش ويحب وحده حيخطبها بعد ايام بس حلو عمره 24 سنة ومغرور حيل ومؤمل 5 سنوات وعادي مثل غيره بس للاسف يشبه مريم
مينا : عرفتيني عليهم واني مااعرف اهلج زين
ريم : وي الوقت تعرفيهم
مينا : اوك كومي نغسل
ريم : باعي احنة دوم اذا حسوني هنا ويجون نكعد سوة احنة وحمودي ونضحك ع مريم
مينا : كومي كافي تحجين
ريم : اوك يلا امشي
غسلوا البنات ونزلوا وي ام ريم خلصوا الشغل وحظروا كلشي
ام ريم : روحي ريم كعدي اخوانج
مينا : محمد كعد قبل شوي
ريم : امشي مينا نكعدهم ونكول الهم ع الفاجعة الي حتصير اليوم
أنت تقرأ
لكْنها مُلكي
General Fictionقصة واقعية عراقية تتحدث عن حادث جمع اثنين حبوا بصمت وفشلوا بس رغم الظروف تحدوا كلشي ورجعوا
