لكْنها مُلكي

part 3

ام ريم : تعالي بنتي ... تعالي يمة مينا يمي
بعد ما مينا راحت ع ام ريم البقية صافنين يريدون تفسير لـ لبسها للحجاب ولبعض لوجودها بـ بيت ابو ريم
ام ريم : عيني ام ياسر هاي البنت قبل شوي جنت اريد اعرفج عليها بس بنتج من الاصول حبت تسبق الاحداث وتدخلها ومثل مشفتي دخلت بدون ارادتها المهم ..... هاي بنتنا الثانية من بعد ريم هاي حتصير او صارت من قبل اسبوعين جزء من عائلتنا هاي مينا طبعا هي سافرة بس لان ميصير عدنا هذا الشي لبست الحجاب مجبرناهة واني مستغربة مثلكم لان مفتحنا وياها هاي السيرة بس اعتقد احد من اخوانها نصحوها وهاي كل القصة البقية مو مهمة ومو حاجة نحجي بيها
ام ياسر : بس منين اجتي منو اهلها
ابو ريم : مثل ما سمعتي احنة اهلها والي بالج هاي من خصوصياتها مااعتقد تحب احد يتدخل بيها
مينا : تشرفت بيج خالة ام ياسر وطبعا مريوومة همين كووولش حبيتها (هنا قلدت مريم بحجيها)
محمد وحسين : ههههه
ام ياسر : الي الشرف بنتي اي احجيلي عنج
مينا : خالة اتمنة انتي تاخذين راحتج وي اختج وتفاصيلي بعدين انتي ومريم تحجون بيها ميصير الشباب كاعدين
ريم : حبي ميمي شتكولين نطلع احنة ومريم ع مود ياخذون راحتهم بالحجي
ابو ريم : اي انتوا اطلعوا شوفوا اذا المطبخ ناقصة شي
ام ياسر ضربت ياسر برجلها بمعنى اطلع وياهم (تريده يحجي وي مينا تعرفون تفكير النسوان)
ياسر : حسوني شتكول نطلع وياهم ومحمد ويانة بالحديقة شوي نغير جو
حسين يحجي وي محمد : هذا شبي
محمد : مشفت خالتك شلون ضربته يريد يزحف المينا...... اي ياسر تعال نطلع ليش لا
حسين : شتكول اضربك بوكس هسة
محمد : اسكت وامشي ادري بيك تغار
حسين : ع خالتك اغار
طلعوا كلهم للحديقة بعد سكوت دام 5 دقايق
مريم : شتكولون كل شخص يحجي عن نفسه
ريم : ترا نعرفج زين وماكو شخص ميعرف الثاني هنا
ياسر : لا لعد ومينا
حسين : وانت شعليك بيها
مينا : لا عادي حسين مكال شي
هنا حسين ضاج اكثر وحس بالغيرة وطلع الباكيت يدخن
محمد : حسون ضايج من شي!
مريم : حسوني لتدخن مو زين ع صحتك
ريم : ممحتاج النصايحج هو يسوي الي يعجبه وهو من يضوج يدخن
مينا : اعتذر اذا بسببي
حسين : لا عادي عجبني ادخن
ياسر : شتكولون نلعب الصراحة
الكل : اوك
حسين : اكرهاا حروح اني
مريم : لا حسووني بليز ابقة
مينا : ليش حلوة خليك ويانة
حسين وجه كلامه المينا : اوك حلعبها
حسين بعد ما انتبه ع ياسر شلون كل انتباهه ع مينا بس شافها مو مهتمة
حسين : مينا كومي جيبي شيشة للعبة
محمد غمز الريم : يلا مينااا
راحت مينا وبعد ماانتبه حسين ماالها اثر بالحديقة
حسين : ياسر مكدرت احجي وياك كدامها فشلة
ياسر : شكو شتحجي
حسين : باع ماارزلك ولا اهددك بس البنية اختنة مثل ريم ومثل مريم لتـ......
مريم قاطعته : لااا عيني اني ماكو مثلي
ياسر : انجبي خلي يكمل... اي حسين المطلوب
حسين : باوع عيب هيج تباوع عليها هيج حتة اذا انتبهت تنزعج منك ياسر انت اخوي وهي اختي اني ع مودكم اثنينكم
ياسر يباوع وراهم بمعنى غيروا الموضوع : اي حسوني اذا معندي شي تدلل
مينا : يلا نبلش لعب
كعدوا كلهم وجان ترتيبهم (مينا ريم حسين مريم ياسر محمد)
حسين ضاج لان مريم كاعدة ع يساره
حسين : حمادة تعال هنا يمي ع مود يصير فريق للبنات وفريق للشباب
مريم : لااا محلو هيج
مينا : بالعكس هيج احلى يصير تحدي باللعب
ريم : اي صح
محمد ومريم بدلوا مكانهم بس محمد فضل هو يكعد بوسط ريم وحسين لان هذا ترتيبهم من زمان
ياسر : يلا نبلش
بلشت اللعبة واول شي صار ياسر يسأل مريم
ياسر : متكوليلي شسألج
مريم : اي شي
ياسر : شتحبين تغيرين بشكلج
مينا : خشمها
ريم محمد وحسين : ههههههه
مريم : اعتقد سألني..... كوولشي بية حلو ميحتاج
حسين غمز المينا بمعنى قلديها
مينا منتبهت معبالها هذا قصده وضاجت شوي
حسين يهمس الريم ورا محمد : كوليلها لتضوج مااقصد غير تقلدها
ياسر : شبيكم تتبسبسون احنة وياكم
ريم : لا ماكو شي ..... مينا حبي حسوني ميقصد غير قلدي مريم
مينا : هاي شنو تفكيري خرب حظي كل عقلي هسة شنو يكول علية (هذا تفكيرها هيج جان) اييي وين صار السؤال
محمد : ياسر سأل اخته وكالت كلشي بية حلو
مينا (تقلد) : اييي صحيح كوولشي بيها حلو
مريم حركت الشيشة وصار السؤال محمد يسأل مينا
محمد : مينا من شنو تخافين
مينا : هواي شغلات
مريم : عدديهم
مينا : الضلمة افلام الرعب والاكشن والحشرات كل انواعها والبزازين بس احب اباوعلهم من بعيد وجنت قبل من مامة لان عصبية وحاليا من حسين
الكل استغرب من اخر مخاوفها
حسين : مني ..... ليش شمسوي
مينا : ممسوي شي بس دقيق ومبين عليك عصبي اذا شفت غلط وغير هذا متدين
مريم : فدووة حلوة شخصيته
ياسر بغضب : مرررريم
محمد : يلا نكمل لعبتنا
محمد حرك الشيشة وجان لازم مينا تسأل حسين
مينا : بما ان مااعرفكم زين عندي طلب مو سؤال وهذا لو طلع لغير حسين هم طلبت منه المهم .... حسين عرفني عنك بالتفصيل (هنا حتعرفون شخصية حسين )
حسين : حسين اسمي 25 سنة كبير ادري موظف بشركة درست بالخارج جامعة وهاي قبل اسبوعين اجيت مثل متشوفين متقلب المزاج مااحب اطلع هواي غير الشغلي وارجع بس اذا ريم طلبت الها عيوني احب الاغاني الهادئة مدريدي متدين بس مو كلش اكره العلاقات منفرد مو كلش اجتماعي اصدقائي قليلين كلش احب الدولمة والسمج مااخاف من شي ومااحب اكول لا وشتحبين تعرفين عادي

مينا : وبس! 
حسين : 😒 وحرك الشيشة وجان اتجاها ريم تسأل ياسر
ريم : اجة يووومك ياسر هاهاهاها
محمد : ديلا عيني متخوفين جلبي
ريم : ياسر ... احجيلنا موقف صار وياك
ياسر : هاي سالفة كلش قديمة من المتوسطة
جنت معجب بوحدة تعرفون بذاك الوقت جانت المدارس مختلطة المهم هي جانت صديقة اخت صديقي يوم من الايام جانت ممداومة ضجت اني فكاعد بالصف وصديقي يمي جان درس شاغر طلعت جكارة وكعدت ادخن ليش مو اني مسلطن جان تجي المدرسة اني جنت ممنتبه كالتلي شبي العاشك الولهان ضايج كلتلها ولي ماالي خلكج صديقي كال ياااااسر لك لاااا رفعت راسي لكيت عيونها تجدح معرفت شكول كمت وطفرت ليش مو جان عدنا استاذ قزم ديمشي كال شبيك كلتلك ولك حتلزمني حطفر وشيلة عبود رحت ركض ليش مو السالفة وصلت الابوي لزمني وحبسني ولهذا يومكم كل ما اشوف البنية ادعي عليها والمدرسة مااحجي الكم شسوت بية
مريم : لعد ليش محاجيلي
محمد : هو انتوا بس تتعاركون عيشتكم
مرّت 10 دقايق ع اللعبة ناس تسأل ناس اخر شي
ياسر حرك الشيشة صار لازم هو يسأل مينا حسين ضاج عرف حيجفص بالحجي
ياسر : مينا مااشوف عندج نقال شنو اسمج ع البرامج
مينا : ماعندي راح بالحادث و...
قاطعها حسين : ماعدها بس ناوي هالايام اخذها هي وريم اشتريلهن وبالنسبة للبرامج مينزلون وحتة اذا شفت برامج ممنوع شباب
مريم : وليش عيني
قاطعهم صوت نورس (الي معرفها يرجع للبارت الثاني بالبداية)
نورس : خالة تكول تعالوا تغدوا الاكل جاهز
ريم : مينا شكلتلج
مينا : ههههههه
راحوا ع الاكل بدون كلام قطع السكوت صوت ام ياسر
ام ياسر : مينا اهلج وين
مينا : هاي كدامج كاعدين شنو هالسؤال الغريب
مريم : اهلج مو بيت صديقتج
مينا : اني صاعدة شبعت تحتاجون شي قبل لا اصعد
ام ريم : مااكلتي
مينا : لا خالة شبعت اصلا جنت مو حيل جوعانة
ابو ريم : اخذي راحتج بنتي
صعدت مينا ومحمد خلص وصعد بعدها
ابو ريم : عيني ام ياسر جان المفروض متوجهين هيج سؤال للبنية تعرفين ميصير ومريم مااتدخل بيج المفروض امج او اخوج يسكتونج
ام ياسر : ديلا قابل شكلت اني
ام ريم : لا اساور هذا مو سؤال وهي من قبل كالت همة اهلي ليش تضغطون عليها

عند مينا
محمد : مينا اكدر افوت
مينا لبست حجابها : اي محمد تعال
محمد : دتبجين ..... مينا معليج بحجيهم صح كلامها يوجع بس معليج احنة كلنالج قبل هاي العائلة شنو مينا انتي مثل اختي وغالية ع كلبي باعي لتضوجين احنة اهلج ولتبينين الاحد غير هذا الشي صح كلامهم مزعج بس لتضعفين كدام حجيهم اوك
مينا : اوك
محمد : يلا امسحي دموعج اني حنزل لان بعد شوي يروحون انتي ابقي هنا او نامي اذا تريدين ونسيت اكولج حلو الحجاب عليج ابقي هيج وحتة حسين من خوفه عليج كالج تتحجبين
مينا بأبتسامة خفيفة : شكرا ... لا عادي هو هم كالي هيج
محمد : ميمي احنة اهلج اي شي تحتاجين تدللين ولتخجلين الاي واحد تكولين عادي
طلع محمد وعافها تبجي ضلت هيج 15 دقيقة ونامت

خلص البارت 1274 كلمة ..... ممل بس لو تنتبهون بي غيرة وشوي حب مو واضح
رأيكم بكومنت وفوت لا تنسون