محمد....من حجيت وي امي ترددت شويه لان ناس منعرفهم بس بعدين كالت بيد الله الي بي الخير ربك يسهل....واجه يوم الخميس جوي خواتي وامي لبغداد وي باسم حتى يخطبون نسمه واحمد وياسر كالو ننزل لبغداد بس نكمل محاضارات نخابرك طلعنه الجنط خابرتني امي احنه وصلنه هاك باسم دلي انت وين حتى نجيك دليتهم وتلكيتهم ونزلو وي جيتهم اجوي ياسر واحمد
احمد...شلونج يمه بستها من راسها
الام...هله حميد وين مختفي
احمد...والله بهاي الدراسه ...
محمد....يمه هذا صاحبي ياسر هم من ديرتنه ياسر هاي الحجيه وهذا باسم اعرفكم بيهم ...خواتي وكفن على صفحه واني شايل كرار ابن ايات
احمد...يمه جايبه وياج خبز عروك شيخ محشي
محمد....انت مو جاي تولي شلك بالاكل
احمد،....كلت للدرب خاف نجوع خاف ارجع مالي شي يعني لازم احسب حساب
الام....ولك حميد اني انساك مسويتلك علاكه للدرب فواكه وكليجه وخبز عروك ليوره اخذها
احمد....يمه كلبج كلب والده
الام....لايمه الوالده محد يعوض مچانها روحو يمه بدرب السلامه يحفظكم الباري
محمد...دروح دعوت امي هاي هسه تحسها مو سياره طياره 😄 صعدت امي والبنات ونزلت الجنط للولد
احمد.....من ماتت امي ما اكل الاكله الطيبه والنضيفه ال من امي الحجيه طول عمرها حنينه.... طلعنه بنفرات اني وياسر الطريق كله اكل واوزع للناس الي ويايه بالكيه وادعيلها
ياسر...خويه خليهن الك تفيدك هاي اليومين
احمد....اكل خويه اكل محد ياخذ غير رزقه خلي ياكلون بالف عافيه .....وصلت للبيت تعبان نمت ساعتين وفتحت الجنطه ابدل اروح اشوف المعمل شكو شماكو لكيت فلوس بجنطه بين الهدوم ابتسم هاي سوالف محمد ميجوز منها(رب اخ لم تلده امك)
محمد...العصر خابرت نسمه وكتلها جايين اهلي
نسمه....لبست نفنوف بسيط ميديم وربع ردان وشعري مفتوح مكياج بسيط اجوي كعدو وصاحتني امي دخلت سلام عليكم
الام....وعليكم السلام صلوات على النبي يحفظج الباري ويسعدج ......خيه احنه دزينه خبر وهسه جايين ناكد والولد يريد يخطبها للمحروسه وشاريها والي تامرون بيه تدلل العروس
ام نسمه....والله يا حجيه جيتكم على العين والراس والنه الشرف بس ابوها واخوها لازم اطيهم خبر
الحجيه....اي بهاي حكج واحنه ناس معروفين عشاير وهذا عنوان بيتنه وهذا اسم عشيرتنه وهذوله اهلنه اذا تردون اسألون علينه وهو هسه يكول منزوج نكمل لان هو دراسته صعبه والحروسه صيدله هم دراستها صعبه خليهم براحتهم وهو عده شقه هنا بغداد وين ميردون يكعدون بعد هاي حياتهم هم حرين بيها يردون ويانه عين غطه وعين فراش مرت الغالي تريد هنا براحتهم
ام نسمه....رحم الله والديج متقصرون على كولتج هاي حياتهم هم احرار.....نرجعلكم خبر ان شاءالله بيها الخير
محمد....رجعو اهلي وكالو الي صار وخابرت نسمه فرحانه
نسمه....امك شكد تنحب مبين عليها حبابه وخواتك هم
محمد.....الحمد الله امي من اهل الله كلبها طيب كلش
نسمه.....بعد اليوم نشوف ابويه واخويه ونرجعلكم خبر
محمد.....مبقه شي وتجين يمي فدوه اروحلج اول شي اسوي من اصيرين حلالي اعيد هذاك اليوم البوسه والحظنه اشتعلى اهلج شسويتي بيه .....
نسمه.....ماكو اسوي عليك حصار
محمد....وماكو هيج عساس اني فقير واعوفج براحتج....اا لا اشوفيني سكوتي تره العب لعب اني
نسمه.....هم بايس بنيه قبل
محمد......لا انتي اول وحده
نسمه......احلف متبوس غيري
محمد.....وحق الي خلق الحق ما بوس غيرج ولا احب غيرج ولا تجي بعيني غيرج هو الي يضوك طعم شفافج وترافتج خدج يدور غيرج
......مرت3ايام واهل نسمه ماكو منهم رد رحت للدوام خابرت عليها متجاوبني سألت ميثم عليها بعد هو صار صديقي وعلاقتي بي قوت عرف بيه احبها واريدها وقصدي وياها شريف لان شافني شلون اخاف عليها بجامعه وهو يقدر هذا الشي لان يحب مريم
ميثم....والله ما ادري رحت عليها الصبح بنص الطريق خابرتني عمتي كالت مداوم اليوم....هم مرجعولك خبر لحد هسه
محمد....لا والله ماكو ....تكدر تشوفو شنو الاخبار
ميثم....محمد لو ما ادري بيك شريف ورايدها وحبك صادق ونضيف ما اوكف وياكم راح اخابر واشوف شيصر ......خابرت خالتي وحجيت وياها
محمد...ها بشر
ميثم....والله ما ادري شكولك ....بس حجيت وي خالتي تكول نسمه مريضه وبخصوص الموضوع مال الخطوبه خلي يصرف نضر ماكو قسمه
محمد....هنا نصعقت متت وصرت اعصاب .....ميثم اني شنو بيه ينرفض
ميثم....والله الف وحده تتمناك واني مصدوم اكثر منك لو عدي اخت اني اطيها الك بس ما ادري شبيهم طول بالك اني اليوم امر وافتهم شنو السالفه....
محمد....نسمه خوما احد متعرض الها ماذيها
ميثم....ميدرون بيها تحبك بس امها وامها متكول لا ابوها ولا اخوها.....لا يضل بالك اني من الدوام امر اشوفهم
محمد....بقيت اليوم كله كاعد على اعصابي ونسمه متجاوبني للمغرب خابرت ميثم
محمد....شو مرجعتلي خبر
ميثم...لاتخاف نسمه مابيها شي وباجر اداوم بس اهلها رافضين وهي باجر تكلك السبب خلي هذا الشي بينكم ماريد انحرج والصدك الي كالو بيت خالتي ضوجني منهم وعفتهم وطلعت زعلان فخلي هيه تفهمك باجر ولاتخابرها اليوم شاربه ادويه ونايمه
محمد....طلع الصبح واني منايم طلعت من الغبشه للدوام حتى الولد عفتهم كعدت بسياره انتضرها وميثم اتفق ويايه يجي من وكت...اجه ميثم ونزلت نسمه الوجه ذبلان وتعبانه مبين عليها اول مشافتني كامت تبجي .....بطلي بجي مراح تنحل هيج تعاي نكعد هنا خلي نفتهم شنو السالفه.....سكتتها وشربت عصير وكعدنه.....بدون بجي احجيلي
نسمه....والله ما اعرف بس امي تكلي انسي اول مره جانت موافقه وطايره بيك وباهلك تكول خوش ناس وخوش قسمه بس من كالت لا ابويه وسالو عليكم رفضو امي وابوي حتى اخويه ممفتهم السبب .....انت اكو شي ضامه عليه؟
محمد...مستحيل كلشي مضام .....خاف عدج ابن عم ناهي عليج
نسمه....مستحيل لان علاقتنه بيهم مو شي واذا اكو هيج فكره جان اني دريت بس ماكو
محمد.....اني تعبت من التفكير كومي وكافي بجي رحمه لا اهلج.....خلص اليوم قهر بقهر ورجعت دزيت جماعه وره فتره على اهلها بس هم رفضو وصرت اعصاب ورحت الهم للبيت كلت الي يصير يصير طكت روحي صار كم شهر شلعو كلبي ....طلعتلي امها.....بلازحمه الحجي موجود مهند
ام نسمه...خاله متكلي شرايد روح بلا فضايح
محمد....خاله انتي تعرفين الي رايده واني لو عدي درب الفضايح ما اجي اخطبها .....اريد مهند خلي يطلع احجي وياه
ام نسمه....طالع مهند روح خاله فدوه احنه ناس مال النه بالمشاكل
محمد...لا اله الا الله وين المشاكل رايد بتكم اصير مرتي واسويلها الي عجبها والي تردونه....على العموم من يجي مهند احجي وياه....
ام نسمه....لا تجي ولاتعب نفسك احنه ماننطي للشروك
محمد....شنو ليش شبي الشروكي خاله لا عبالج اذا كتولي شروكي يعني هاي غلط عليه لا هذا اصلي والي ينكر اصله ابن حرام عافتني وسدت الباب
نسمه.....ماما ليش هيج حجيتي وياه ميقبلها على نفسه تهينينه محمد كرامتها اهم من كلشي
ام نسمه......الله يستر من هذا محمد الشروكي
نسمه....متكليلي شبيهم الشروك شنو قابل مو بشرلعد ابويه مو شروكي
ام نسمه.....لعد ليش كتلج الله يستر لان نفس الطين ابوج من مقبلو كلبه للدنيه وراحت تك عينه تعارك وي خالج ومجاز ال اخذني اله وهذا محمد مبين صلف وميخاف .....
نسمه....امي اكلت كلبي لاتحجين ويانه ولاتكعدين يمه ومالج علاقه بيه لا اكول لابوج يبطلج متت من القهر والحيره الوب وواحس نار بكلبي
