اليوم الذي غير حياتي

#part_4
ياسمين:مش بقلك مخططة لكل حاجة
الحاجة فضيلة:انا مش مخططة لحاجة طب انزلي كدا و روحي اسالي كامرة بيوت بكم انا اولا انكم بنات مع بعض و صعبتو عليا و باين عليكم بنات اصل و متربين  انا مستحيل كنت اجرتلكم الشقة بالمبلغ دا
نينا:ما يصعبش عليكي غالي يا حاجة طب كملي جميلك و سبيلنا البيت و احنا اول ما تتحسن أوضاعنا نزيدك في الأجرة
الحاجة فضيلة:ما اقدرش انا اديت كلمة للناس
رونق:طب تعالي هنا انت بتقولي ان احنا بنات و مش حنقدر ندفع ايجار الشقة هو انت ناوية تسكني معانا رجالة
الحاجة فضيلة:أعوذ بالله ايه الكلام اللي انت بتقوليه دا اكيد حيبقو بنات
ياسمين:و البنات دول حيدفعولك ثمن الايجار العالي منين و إلا هما على رأسهم ريشة
الحاجة فضيلة:ملكيش دعوة
رونق:ليكونو من البنات إياهم و على قلبهم فلوس قد كدا
الحاجة فضيلة:اخرسي انت اجننتي انا مستحيل ادخل ناس زي دي بيت من بيوت عمارتي
صفية:خلاص يا حاجة سبيلهم البيت و هما ان شاء الله حيتصرفو مش كدا يا بنات
نينا:اه اه كدا
الحاجة فضيلة:هو انت اي حاجة تحصل في العمارة لازم تشهدي عليها بقولكم ايه انا اديت كلمة للناس و مش عايزة أطلع عيلة معاهم
ياسمين:و أخذت الفلوس مش كدا
نينا:ياسمين
الحاجة فضيلة:بقولكم ايه ما تحاولوش معايا قلتلكم انا اديت كلمة للناس و لعملة حسابكم المفروض حيجو بكرا حاولو تتصرفو و تفضولهم مكان و دا آخر كلام عندي عن اذنكم
الحاجة فضيلة تطلع من البيت
نينا:طب حنعمل ايه دلوقتي
رونق:الصراحة ما فيش قدامنا غير الاستسلام للامر الواقع احنا نبقى في حالنا و مالناش دعوة بيهم
ياسمين:و تسيب لهم البيت كدا عادي يسرحو فيه
رونق:طب و انت عايزانا نعمل لهم ايه و الحاجة فضيلة مخططة لكل حاجة و مش بعيد زي ما قلتي دفعو ثمن الايجار مقدم
ياسمين:طب و هما جابو الفلوس منين
رونق:و انا اش عرفتي هو انت ستيفاني أعرفهم و إلا قاعدة معاهم
ياسمين:شفتي الدنيا عاملة ازاي
نينا:يعني انتو سبتو أهم موضوع و قاعدين تفكرو هما دفعو الايجار ازاي
نينا:بقلكم ايه انا داخلة أنام عايزة اريج شوية هلكانة و الساعة داخلة على 10 يلا تصبحو على خير
ياسمين😨:ايه بتقولي الساعة كم يا نهار اسود دا انا كدا حاتأخر على المعاد
رونق😮:معاد ايه
ياسمين:معاد الشغل يا مجنونة انت منك لله يا حاجة فضيلة
نينا:على فكرة هو مش انت كمان عندك معاد مقابلة شغل
رونق:لا انا لسه معايا وقت و بعدين انت عايزاني اسيب القطار دا كلو و اروح مقابلة الشغل
نينا:يا ربي صبرني على اللي ابتلتني بيه انا اروح اتخمد احسن تصبحو على خير
رونق:و انت من اهلو