This Love ♡ 4

435 49 4

by Kim_MIND

by Kim_MIND

(Unicode)

Part-4

တောင်ကုန်းမြင့်မြင့်လေးေပါ် တည်ရှိနေသည့် ဘုရားကျောင်းတစ်ခု ရှေ့ …

ဆောင်းနှင်းဖြူ တို့ မြေပေါ် သက်ဆင်းလျှက်ရှိစဉ် …
အေးချမ်းသော ဆောင်းဥတု တစ်ခုတွင်
အအေးဒဏ်ကို အံတုကာ ပေတေတေ ထိုင်နေသော ကောင်လေး တစ်ယောက်…

Kim Junmyeon …။

အသက်ကလေးရယ်မှ ရှိလှ ၈ နှစ်သာသာ … သို့သော် အသက် အရွယ်နဲ့ မလိုက်အောင် ပေကပ်ကပ်နိုင်လှသည်။
ပြောရဆိုရ လက်ပေါက်ကပ်သည် …။

ဖြူ စွတ်နေသော ကောင်လေးရဲ့ အသားအရေက အအေးဒဏ်ကြောင့် နီစပ်စပ်လေးပင် ဖြစ်နေသည် …။

မူလကတည်းက ချွန်နေတဲ့ နှုတ်ခမ်းဖူးဖူးသေးသေးလေးကို ထပ်ဆူထားကာ မျက်မှောင်ကိုကုတ်ထားပြန်သည် …။

အဆောင်းအကာ မပါသည့် ကောက်ကွေးနေသော ဆံပင်လေးတွေ‌ေပါ်မှာ နှင်းစက်တို့က တပေါက်ပေါက်ကျနေပြန်သည် …။

" တကယ်ဆိုးတဲ့ ကလေးပဲ "

ဘုရားကျောင်းပေါက်မှာ ရပ်ကာ
Junmyeon ကို ကြည့်ပြီး ဂေဟာက ဆရာမ တစ်ယောက် ကောက်ချက်ချနေသည် …။

" ဒီကိစ္စကို ဘယ်လိုလုပ်မလဲ … သူ့ကို ဒီအတိုင်းထားရင် အေးခဲပြီး သေသွားလိမ့်မယ် …"

ဘေးက ဆရာမ တစ်ယောက်ကတော့ Junmyeon ကို သနားတဲ့ အကြည့်တွေနဲ့ စိုးရိမ်စိတ်တို့ လွှမ်းနေသော စကားသံဖြင့် ပြောသည် …။

" ခက်ပါတယ် … ဒီလို ခေါင်းမာတဲ့ ကလေးနဲ့တော့ သေသွားရင်လည်း အမှု့ပတ်နေဦးမှာ …"

" ဟော … ဟိုမှာကြည့် YiFan …
အဲ့ကလေးနား သွားထိုင်နေပြီ "

YiFan ဆိုတာ ဂေဟာမှာ နေထိုင်သည့်
အသက် ၁၆ နှစ်အရွယ် ချာတိတ်လေး တစ်ယောက်ပင် ဖြစ်သည် …။

လူပျိုပေါက် အရွယ်လေး ဖြစ်ပြီး
ခန့်ညားသည့် ရုပ်ရည်သွင်ပြင်ကလည်း ထင်ရှားလှသည် …။

ဂေဟာမှာရှိသည့် ကလေး အားလုံးက Yifan ဆိုလျှင် ချစ်ကြောက်ရိုသေကြပြီး
ဂေဟာ ဆရာမတွေထက်ပင် အားကိုးယုံကြည်ကြသည် …။