Өвөр бүлээцүүлэх нэгэн олдох ч
Зүрх бүлээцүүлэх нь үгүй
Сэрэл хөдөлгөх нэгэн учрах ч
Сэтгэл хөдөлгөх нь үгүйХөнжил хуваах нэгэн ирэх ч
Тавилан хуваах нь үгүй
Хүсэл өдөөх нэгэн таарах ч
Итгэл өдөөх нь үгүйБогинохон учирлууд зуур тохиох ч
Бодол дүүргэх нь үгүй
Хатан биеэ дэлгэн өгөх ч
Хайр өгөх нь үгүйУнд хоолоор тэжээх нь арвин ч
Урам хайраар тэжээх нь үгүй
Мөнгө цаасаар тэтгэх нь элбэг ч
Мөрөөдөл догдлолоор тэтгэх нь үгүйБэлэг дурсгал шиг шөнүүд олох ч
Бэтгэртлээ санах сэтгэл нь үгүй
Үнсэлтээрээ цатгах уруулд шунах ч
Үнэнээр цатгах хайр нь үгүй