#صبرت_بحبج_سنين
بارت7 بقلمي ام البنات
علي....يابت عمي لو مثاكل منج جان اطيتج لولد عمي طالب
تماره.....خلفله عليك
علي.....مجاي اسوي عليج فضل ....تذكرين قبل اكثر من6سنين كتلج ابقه ابن عمج وحزام ضهرج وعونج وسندج بهاي الدنيا وبعدني على حجايتي وياج بغض النضر عن وصيت امج وعن ضرفج وماعدج احد ....ممسوي عليج فضل هذا واجبي .....بس اني كبرت ولازم ازوج تعبت من الوحده مو صغير اني
تماره......اكثر وحده تفرحلك اني انت وكفت ويايه بشده ان شاءالله ما اقصر وياك واذا صرت عائق بزواجك طلكني وعيش حياتك
علي....واذا طلكتج
تماره....اروح لبيت عمي طالب ماريد اسببلك مشاكل واقلق راحتك
علي.....روحي شاغت اجيت اضربها ضربت الباب بصفها وطلعت
تماره....ندار عليه وعيونه نار رفع ايده غمضت وخليت ايدي على وجهي عبالي حيضربني ضرب الباب قوي وطلع
علي......شغلت السياره وطلعت وايدي تاذت حيل من الضربه....اني الج تماره تردين ترحين بيت عمي طالب للذله رايحه اني اذلج ال احرك كلبج وابجيج بدل دموعي دم اخلي نار الي بكلبي بكلبج ازوج واجيبلج ضره واكسر خشمج اول تالي تحنين كمت اركع بالستيرن واصيح ماردتج بس تحبيني بس حبيني حتى لو ربع حبي الج تعبت منج ومن حبج ياربي مايوم اذيت بشر ليش هيج الاذيه تجيني .....عدي علاقه وي وحده تموت على الفلوس ومجلبه بس هيه البنيه شريفه ومؤدبه قررت اخطبها واطيتها خبر باجر نجي
تماره......طلع علي وخاله كامت تلوم بيه ميصير هيج تحجين وياه وانت تعرفين معزتج عده اني كلبي كام ياكلني عليه صارت ساعه 12ونص وهو ماكو بقيت كاعده انتضر للوحده ونص تعبت طبيت كعدت بالغرفه وكمت ابجي خفت لايصير بي شي من ورايه كمت الوم بنفسي سمعت صوت بالبيت فتحت الباب وصار علي بوجهي شافني دار وجها ودخل للغرفه دكيت الباب ودخلت وراه ......
علي....دخلت ورايه تماره واول مره اسويها اول مره اشوف بعينها خوف عليه
تماره....علي..علي....علي مو احجي وياك ليش مجاوب
علي....عفتها تحجي ولا جاوبتها كمت انزع بهدومي ذبيت الساعه والحذاء وفتحت القميص ونزعت الفانيله وهيه تفتر ورايه وتلغي
تماره....علي اسمعني والله اسفه مو قصدي ونبي ما اعيدها بعد ما اضوجك ادري مفروض ما احجي هيج بس ما ادري والله ما ادري شلون طلع مني الحجي والله اني تاذيت اكثر منك واني الحجيته ...احجي وهو ساكت يفتر بالغرفه وينزع بهدومه واني مننتبه مستمره احجي اخر شي ذب التيشرت نصدمت بمنضر صدره والعضلات راساً غمضت عيوني وسديتها بايدي اسفه منتبهت راح اطلع من تخلص كلي
علي....ميحتاج كملت ....اباوع عليها شلون خجلت من نزعت هدومي وغطت عينها مثل الطفله
تماره......كمت ابجي
علي....متت من شفت دمعتها تقربت عليها ولزمت خدودها ليش تبجين
تماره.....لاتزعل عليه ماعدي غيرك اني جنت وحيده ماعدي احد تعرف شنو يعني بنيه عمرها 22سنه لا ام ولا اب ولا اخ فوك هذا كله ارمله ...انت مفضل عليه بكد شعر راسي واني جازيتك بالمغثه اسفه ما اعيدها والله بس لاتزعل عليه
علي....حضنتها واول مره اصير حسيتها مثل الطفله مصار عدي احساس رغبه لا احساس حنان وعطف على طفله يتيمه دمعتها نزلت نار بكلبي شسوي وشتكول حقها محد يتحمل الي مرت بي وشافته حضنتها حيل بحضني وكامت تبجي بصوت عالي واني اسكت بيها
تماره....جنت محتاج حضن دافي وحنيه محتاج ابجي وافرغ من قهري محسيت على نفسي الي بحضن علي حضنت حيل وكمت ابجي اريد ابرد نار كلبي وهو يسكت بيه
علي.....كافي بس دنجت راسي عليها كافي دموعج تاذيني ضربت راسها كله براس على كيف زوجج جوعان مسويله عشه ممتعشي وانتي اكيد ممتعشيه
تماره....هزيت راسي اي....رحت اسوي عشه ولحكني علي حضر ويايه طلع الطرشي والببسي وكليت بورك شال المواعين ويايه
علي....تدرين لو المدرب يشوفني شجاي اكل هسه ينتحر
تماره....ليش
علي....وج يا ليش كله دهن وببسي وباعي ساعه بيش 2ونص
تماره....غمزتله 😉اكل اكل يمعود شمدري نايم هسه المدرب
علي....شلون حركات وغمزه ضحكتها تفلش شلون بكلبي ميشوف غيرج
تماره....موكلت جوعان شو صافن
علي....لا هسه امسح المواعين مسح
تماره......تالي من تروح تنام ضميرك يأنبك لان اكلت هواي😂
علي.....خرب ببليسج ذكرتيني ورايه تانيب ضمير .....كملنه اكل بقينه نسولف
تماره......مكتلي حلوه خطيبتك
علي....اضوج من احسها متغار عليه ادري بيها متحبني بس مو بيدي ......اي حلوه بس مو بجمالج
تماره.....كل بنيه بيها الحلو والموحلو بس لان كدامك بكل وكت هيج اشوفني .....اوصفلي شكلها
علي....طويله ورشيقه حنطيه عيونها عسليه شعرها وسط لونه احمر لبسها عادي
تماره....شسمها
علي.... هند
تماره....حلو ....تحبك
علي....يعني
تماره.....تدري بيك مزوجني لضروف
علي.....اي تدري....عدي علاقه بيها
تماره....حسيت نفسي ضجت من كال عدي علاقه بيها...واهلها يدرون؟؟؟؟
علي......ما ادري باجر نروح ونشوف...ترحين مو
تماره....الي يعجبك اسوي
علي....ماريد اضغط عليج بشي بس اذا تكدرين ترحين يكون احسن حتى يتفهمون الموضوع
تماره....ولايمهمك اروح ....يالله اكوم انام تصبح على خير
علي....اجمعين
تماره....علي اسفه متتكرر
علي....ولايهمج ما ازعل منج اني ....
تماره......علي اكو شي جذب نضري بغرفتك
علي....شنو؟؟؟
تماره......صندوك وبي قفل شنو هذا
علي.........ما اكدر اجاوبج يجي يوم وتعرفين الي بي بس اكدر اكولج مهم كولش عدي ......دخلت غرفتي وخليت راسي على المخده اجر حصرات لشوكت ابقه هيج ياربي لواطلعها من كلبي لو تحنن كلبها انت اعلم بحالي وبتعبي
اذكرت من حضنتها شلون ناعم وتكومت بحضني مثل الطفله ريحتها الطيبه اول مره هيج اتقرب الها تمنيت لو بس احضنها مره لخ
تماره.......راسي على المخده واذكرت كل الي صار وشلون راضيته وشلون ضمني بحضنه ومسح دموعي احساس بالامان والقوه حسيت اكو درع يحميني من كلشي هو حضنه بس اذكرت باجر خطوبته حسيت نقهرت معقوله هيج انانيه اني ما افكر بس بنفسي هو شنو ذنبه خطيه ......صبح الصبح وكاعدين نتريك
مياده....شتلبسين تماره
تماره.....عدي نفنوف اسود حلو ومرتب هذاك اليوم اشتريته
مياده.....مراح تنزعين الاسود عاد والله اكره شيسوي هو قابل راح يرجعهم
تماره....لو يرجعهم البس العمر كله اسود حتى اشوفهم لحضه وحده .....بعد وكت خاله خلي تطلع السنه مال ماما والله كريم
علي.....اسمعهم يحجون وساكت كل شويه تجي بالي حضنتها
مياده.....اذا رجعنه من وكت نمر للدكتور
تماره.....لا موضروري
علي....شوكت دكتوره شصاير
مياده....تماره صايره مشوف زين عيونها من البجي ضعفو مدري شبيهم نروح ونفتهم
علي....اذا انتي مشوفين زين ليش مكتيلي
تماره....اخاف البس مناضر ما احبها
مياده.....راح انت تفاهم وياها
علي.....ماكو مناضر اسويلج عمليه ليز هسه كلهم يسوونها ناجحه ومابيها اذيه ابد
تماره....اخاف
علي....فريت الكرسي عليها ولزمت ايدها ...تخافين واني يمج
تماره.....من انت يمي ما احس بخوف ابد
علي....بعد شنو واذا احتاج الامر ادخل وياج للفحص وللصاله ....يالله اني رايح محتاجه شي
تماره....لاتتاخر عيب من الناس
علي.....جريت نفس كتلها الله كريم .....طلعت اسوق بسياره وكول اتمنه لو تمنعني تماره حتى لو متكلي احبك بس تطيني امل انو بيوم من الايام تتقبلني ليش هيج اني احبها .... احب اكثر شخص كسر كلبي يارب ذله
تماره.....حضرت نفسي وكمت احضر هدومي حتى العصر ماعدي شي ....للعصر بدلت نفنوف وحجاب بدون مكياج
علي.....بدون مكياج وطالعه تجنن اووووف
تماره.....مرينه على ضحى اخذناها ويانه دخلنه لبيت العروس واكلوني بعيونهم نضره بحقد وهند بس تخزر بيه
هند.....خاله علي مكال راح يجي احد غريب
مياده....ماكو احد غريب تماره وضحى بناتي
هند....اممممم
تماره....محجيت ولا كلمه اني بقيت ساكته
ام العروس....احنه سمعنه مزوج بت عمه بس زواجهم على الورق وبس صح لو اكو شي احنه منعرفه
تماره....اجت تحجي خاله قاطعته من رخصتج خاله اني احجي......اني زوجة علي الي بينه بس عقد ماكو زواج حقيقي اني ماعدي احد امي وابويه توفو وامي خلت وصيه ازوج علي وامنتني عده لان زوجي هم مات
هند....عوذه شلون فال جايبيلنه
تماره....هند ادردم اني وضحى سمعناها دغيتها متحجي .......كملت علي صاحب غيره مقبل ابقه بالبيت وحدي ولا قبل ابقه عد عيالي وعمي كام يحجي لان ميصير عقد عليه حتى ابقه عدهم هذا السبب الثاني
ام العروس.....لعد عمج ماعده ولد
تماره.....بلي عده
هند....لعد ليش مزوجتي واحد منهم وفضيتيها
ضحى....علي الي مقبل تطلع من البيت وعده اسبابه
هند....شمتكون اسبابه مفروض هيه تقدر هو ولد شاب ومن حقه يزوج تنسحب منه شنو ذنب ولد شاب ماخذله ارمله ومتخلف ....حسب مسمعت 5سنين مزوجه ما عدج اطفال
تماره....الله مكتب وهذا مو موضوعنه
مياده.....يمه احنه جايين نخطب بتكم تنطونها لو نكوم نروح من البدايه تعرفون ضروف علي بعد ليش هذا الحجي
ام العروس.....اني عليه ما اطي بتي على ضره شنو ذنبه عروس وعلى ضره بس هيه رايدته ما اكدر اكولها لا
مياده....احنه رايحين ورجعولنه خبر براحتكم
تماره....كمت وجسمي كله يرجف من الموقف والحجي الي سمعته ....ضحى عفيه ماريد علي يسمع بالي صار
ضحى....ختولي خلي يطيح حظها
مياده....معليج بيه يوم رعنه مبين عليها
تماره.....لاتحجون شي الخاطري تره حقها جايين نخطبها وجيه مرته ويه الخطاب منو تقبلها زين وقبلت بي لايضيع مستقبل من ورايه ضحى كافي الي شافه مني تعب وهو صابر من ورايه شنو ذنبه
مياده....ذنبه حبج ....اجه علي صعدو ولاتحجون شي
علي.....ها يوم شنو الاخبار...احجي وي امي وعيني بالمرايه على تماره لونها مخطوف ....نداريت تماره بيج شي
تماره....هزيت راسي لا
مياده....نزل ضغطها ممتغديه
علي.....بقيت اسوق واباوعها تحاول اضم عيونها مني متريد اشوفها عيونها بيها دموع اكيد ضامه شي عليه ماعدي غير ضحى اجر لسانها
اكول ضحى شخبار العروس شنو رايج بيه
ضحى....الله يهنيك😏
علي....اكو شي جنها معاجبتج
ضحى....ان...
تماره....دغيت ضحى تسكت
ضحى.....لا ماكو شي الله يسعدك خوش بنيه
علي.....تماره نذب امي وضحى نروح للدكتور
تماره....لاعلي عفيه ما اكدر
علي....ليش
تماره.....تعبانه كولش ودايخه خليها غير يوم
علي.....وصلنه للبيت وتماره كبل لغرفتها.....يووم تماره شبيها
مياده.....مابيها بس هيه ابد متاكل موتتني اتوسل بيها يالله تاكل لكمه مشوفها شضعفها صايره
تماره.....دخلت للغرفه ونزلت دموعي رحت لفراشي ابجي على حضي احس نفسي ثكيله اتمنه لو ممزوج علي جان رحت لبيت عمي حتى لو طمعانين حتى لو انذل اروح اكعد بيت اهلي بدايتها هيج شلون تاليها ......مرت الايام والتهينه نحضر خطوبت علي
يوم الخطوبه
علي....يالله كملتو ...تماره شو بعدج
تماره....لاتزعل عليه اعذرني ما اكدر اروح
علي....ما اطلع اذا انتي متجين
تماره.....علي الله يخليك قدر صار يومين من طلعت السنه مال بابا وهاني وامي بعدها مطالعه والله لخاطرك رحت هذاك اليوم ما اتحمل
علي....روحي تطلع من تكول هاني اذكرني هيه متحبني وتحبه عفتها وطلعت براحتج
أنت تقرأ
صبرت بحبج سنين🔞
Romanceشاب يعشق ابنت عمه ولكن قلبها ليس معه فيعاني من الم الحب والفراق لانها ترتبط بحبيبها وينضر لفرحها بقربها لحبيب غيره وهو يتألم حد الموت ولكن تجري الرياح بما لاتشتهي السفن وترسي سفن الفتاة عند هذا الشاب فيعود له الامل ويصبر ويحاول ان تحبه حتى تقع في ح...
