#صبرت_بحبج_سنين
بارت8 بقلمي ام البنات
تماره....مشت الايام وعلي خطب ...بيوم كاعدين وطب علي علينه هو وخطيبته اني متمدده بصاله لابسه شورت وبدي اسود كيمونه بنهار البس براحتي لان علي لليل يالله يجي ما حسيت ال همه فوك راسي وهند بس تخزر بيه
تماره......ها هلو مكلت راح اجيب هند
هند....ليش يحتاج اذن منج حتى يجيب مرته لبيتهم
تماره....لا طبعاً كل الهله بيج
علي....بقيت صافن على تماره طالعه تجنن لابسه شورت وزرورها مبينه وهيه راجعه سمنانه شويه هاي الفتره وزنودها وكفت تسلم جسمها شلون مفصل ومرتب وتلمع اباوع عليها تضوي ...حجت هند نداريت عليها تره تماره من اهل البيت واذا حجت هيج لان هيه بت اصول حتى تطي الضيف حقه من يجي متحب تقصر وي احد
تماره....ترخصت ورحت بدلت الشورت لبست بنطرون وهم مخلصت راح تاكلني بعيونها
مياده....ها يوم اجيت
علي....اي اجيت وهند اجتي ويايه حتى تشوف الغرفه
مياده...هله بيكم
تماره... خليت العصير والكيك
علي....تجنن عاشت ايدج شكد جنت مشتهيها كلت اكولج بليل اسويلي
تماره....اي صار هواي ممسويتها وادري بيك تحبها سويتها ذيج الساعه
علي....عشتي كولش طيبه
تماره....هند شاطت مني لزمت ايد علي وكلتله خلي نشوف الغرفه واكامو للغرفه وسدو الباب
علي....دخلنه للغرفه وهند كعدت بصفي
هند...اني احبك حيل ونزلت كم دمعه لواكه
علي....تحبيني افتهمتها البجي ليش
هند...اخاف عليك واغار من تماره
علي....ليش شعليج بيها هيه بحالها وانتي بحالج
حضنتها
هند...هو هذا الي ردته يصير حضنت علي وكمت اشم بركبته وابوسه حتى يثير
علي....اني ما احب هند بس حالي حال اي رجال عدي رغبه وما اكدر اقاومها واني مو صغير ومحروم ماعدي سوالف بنات متحملت حضنتها وكمت ابوس بيها دابوسها فتحت عيني شفتها تماره تخيلهتا بين اديه احسيتها يمي دفعتها وصرت فوكاها ابوس بيها حيل من كل مكان
هند...اي على كيفك هو هيج
علي...انتبهت هاي هند كتله كومي لايروح يصير شي خليها للعرس
هند...اوكي حبي كنت اريد اطلع جرني
علي...كعدي هسه وجهج وركبتج حمره
هند....بكلبي اني اريد اطلع حتى تماره اشوف الاثار
علي....ماريدها تطلع احس اذا شافتها تماره راح تنقهر حتى لو متحبني هيه ارمله وماره بهذا الشي واكيد هذا ياثر عليها وهيه محرومه وبنفس الوكت حسيت دا اخونها
هند...اني حطلع اختنكت عفته وطلعت كعدت كدام تماره
تماره....كاعده اسولف وي خاله على العشه خاف هند تبقه عدنه وطلعت هند مطكع وجها وركبتها متت خجل صح جنت مزوجه بس ما اذكر غير مره وحده بالخطوبه هاني حضني وباسني وراها من صار الحادث حتى البوس كمنه بوسه عادي على الخد من الراس من نتعمق بيها لان هوه ميقبل يكلي اني ما اكدر وهيه تاثر عليج فمشايف هيج شي متت مستحه كمت لغرفتي
علي....دا اطلع من الغرفه وتماره تمشي وجها احمررر دتروح لغرفتها باوعت على هند افتهمت ....كعدت يم هند موكتلج لا اطلعين ليش مغسلتي وجهج
هند....ميحتاج قابل شكو هو احنه مخطوبين شيعرفون بين المخطوبين عادي
تماره....كعدت بالغرفه شويه وطلعت غسلت وجهي وعدلت شعري ورحت للمطبخ احضر عشه لحكتني هند
هند....اسفه خاف ضجتي قبل شويه من شفتي علي بايسني مكدرت امنعه
تماره....ههههه لا عيني عادي قابل شكو غير مرته ومخطوبين
هند....ادري بيج محرومه بس
تماره...قاطعتها اني ما اهتم لهيج اشياء تره عادي اذا صار هيجي بينكم ما اضوج ردت اغثها كتلها ميحتاج تاخذين مني رخصه مرخوصه ونداريت
هند.....بدي الزمها من شعرها واذبها بشارع بس هينه اني الج ال اذبج بشارع بس اطب للبيت
تماره....خليت العشه وكعدنه نتعشه وهند بس تخزر
علي....تماره اريد من الطرشي الي سويتي
تماره....اوووو نسيته بس تره حارر يموت
علي....شتدرين بيه افقد على الحار جيبي
تماره....صار تدلل جبت وخليت كمنه ناكل ونسولف وهند كل مشوفني احجي وي علي لو تمد ايدها تلزمه لو تقاطعنه مبينه عليها الغيره كملنه عشه ودخلت الغرفتي وعفتهم ....
ثاني يوم علي اريد اروح ازور اهلي
علي....صار اني اخذج بس عدي شغل هاي الفتره
تماره....براحتك عادي ....مرت الاشهر وطلعت السنه مال امي واني مزايره اهلي علي التها يحضر العرسه ومره كاعدين ويمنه هند
مياده....تماره روحي وي علي وهند اشتري هدوم للعرس
تماره......هند خزرتني وكلبت وجها ....لا خاله عرسان خليهم براحتهم
مياده....اني ما اكدر افتر بيج بسوك والله اتعب
تماره.....مو مشكله اشوف احد يودين .....راح علي وده هند وكتله علي اريد فد يوم اذا تكدر اروح اشتري هدوم
علي....اي صار اخذج بس اكمل كم شغله
تماره......بس علي التها بعرسه والتحضيرات ونسه يوديني
بيوم نايمه تحلمت علي طب للبيت وهدومه كلها تراب وراه طبت حيه تريد تهجم عليه اني وخاله اباوع على علي ممنتب ينكث التراب من هدومه من رادت تهجم عليه عطت وفزيت كمت ابجي رحت لعلي دكيت الباب
علي.....كاعد وميت قهر ليش تماره محبيتين شسويلج بعد قهر بكلبي كاتلني ...ندكت الباب واجتي تماره تبجي كمت شبيج
تماره....لاتزوج
علي....ليش
تماره....ما ادري تحلمت مو خوش حلم وكلبي مقبوض على الاقل اجله احلامي تتحقق اخاف منها
علي....لا صبرت هواي خليني ازوج وانتي شعليج بيه
تماره.....اذا اني شعليه لعد منو الي عليه
علي.....تخافين عليه
تماره....ماعدي جواب بقيت ساكته
علي....عطت بيها احجي
تماره....لعد ليش ما اخاف عليك شعدي غيرك انت ابن عمي وصديقي وزوجي
علي.....زوجج!!!؟؟
تماره....بقيت ساكته
علي.....اذا زوجج تعاي يمي
تماره.....هاا
علي....تعاي يمي شبيج مراح اكلج
تماره...تقدمت عليه وصارت بيه رجفه
علي....لزمتها من خصرها ولزكتها بيه ....مو تكولين زوجي ثبتيلي
تماره....ش ششش شاثبتلك دموعي نزلو
علي.....ليش هالكد خايفه مني .....تعزين نفسج عليه تماره؟؟
تماره.....روحي الك شعز عليك
علي.....ليش تحسسيني انتي ثوله ومجاي تفهمين شحال لو ما مزوجه قبل مفروض عدج معرفه اكثر مني
تماره....دفعتها حيل وجيت اطلع انداريت عليه ...مبارك عليك عرسك الي عليه سويته
بقيت اجنبه هاي الفتره وخو مو هلكد ويايه الوكت كله متوتر .........
بسوم خابرته مشتهيه كنافه اجه ناسيها وهو مو عوايده ينسه شي اريد ابد مسألته عليها غلست
مبقه وكت باجر الحنه واني ممشتريه كلشي ...دخلت علينه مرت عمي طالب هيه وابنها كعدو يسولفون وخاله مياده كلتلها تماره بعدها ممشتريه هدوم اخذوها تشتري ورحت وياهم
علي....تماره تماره صبيلي اكل جوعان
ضحى...اي هسه اصبلك
علي...كعدنه ناكل بس تماره ماكو...لعد تماره وين
مياده....راحت تشتري هدوم
علي....وي منو راحت
مياده.....وي مرت عمك طالب احمد اخذهم بسيارته
علي....احمد ابن عمي واعرفه يموت على النسوان واني منتبهله من قبل عينه على تماره روحي شاغت كمت اصيح ليش مكلتلي اني اخذها عفت الاكل وكعدت انتضرها لليل يالله اجت اول مطبت جريتها من ايدها كبل للغرفه
تماره....شبيك علي شكو خاله شصاير
مياده....علي تخبلت شبيك
علي....معليكم دخلت تماره للغرفه ودفعتها على الحايط وين جنتي
تماره،....بسوك خاله تدري بيه
علي....مزوجه خاله لو مزوجتني
تماره.......معبالي تمانع وانت ملتهي مردت اتعبك
علي....وي منو رحتي
تماره....وي احمد وامه
علي....اني شنو طرطور بصياح
تماره....كمت ارجف من الخوف دموعي كامت تنزل اول مره هيج يصيح عليه ....انت ملتهي معبالي راح اضوج
علي....كمت اصيح حيل اني زوجج حتى لو بس على الورق حتى لو انتي ممعتبرته زواج حقيقي بس اني زوجج ياخانم شلون اطلعين بدون اذني
تماره.....كمت ما اجاوب بس ابجي وخليت ايدي على حلكي
علي.....ساعه 9هسه يالله طابه للبيت
تماره.....ما اعرف اجاوبه اي شي خفت منه عصبي كولش ولازمني من زنودي حيل
علي......ليش مكتيلي اخذج
تماره.....ايدي على حلكي ابجي واحجي كتلك
علي....شنو احجي عدل ما اسمعج
تماره.....كتلك والله بس انت نسيت
علي....شوكت كتيلي من شوكت اني انسه شي انتي تردينه
تماره....هنا اني كعدت بالكاع ....لا علي انت كمت تنسه كلشي يخصني والله كتلك جنه بصاله و كتلي اخذج بس افرغ وانت نسيت مثل يوم كتلك اريد اروح ازور اهلي وكتل بس اخلص شغلي اخذج ونسيت وصار كم شهر ونسيت من اشتهي شي واخابرك تكلي صار اجيبه تالي تجي ناسي شهكت انت كمت تنسه كلش يخصني
علي.....صفنت على نفسي هاي الفتره دايخ وهاي هند ساطرتني بطلباتها هيه واهلها تريد كله فيكه وتحضيرات هواي من التعب كمت انسه متت من القهر منضرها وشكلها وجع كلبي كعدت على ركبي كدامها ...انتي مرتي وبت عمي واغل شي عدي مستحيل انساج بس والله مسطور ودايخ ما الحك احك راسي من الشغل للسوك لطلبات هند الي متخلص
تماره.....معذور والله ما اعتب عليك لو ازعل ..متشوفني ملحيت ماريد اتعبك كافي العدك ماريد اصير ثكل عليك
علي.....طلباتج عدي عسل اكيف من اطلبين مني شي بس هاي الفتره تعب
تماره....مسحت دموعي ولايمهك
علي....اسف على الي صار هسه بس لاتعيديها
تماره....هزيت راسي اي
علي.....كومي نتعشه
تماره.....تعشيت اكل انت بالعافيه
علي...وين تعشيتي
تماره....من رجعنه احمد اخذنه للمطعم
علي....انتي رايحه للسوك لو تفترين بالمطاعم
تماره....والله همه خبصوني خلي ناكل ومتنه من الجوع استحيت اكلهم لا فوك مماخذيني للسوك
علي.....تماره الي صار ميتكرر ولاتخلين احد يفضل عليج بشي انتي مرتي مسؤله مني
تماره....ابد والله بعد ما اطلع ال اكولك معبالي راح تزعل هيج
علي....دكومي غسلي وبدلي وتعاي شوفيني ششتريتي حروح يم امي
تماره.....اي هسه....رحت غسلت وبدلت وطلعتلهم الهدوم
علي....هاي شنو تماره متلبسين هذا
تماره.....هذا للحنه وبس بنات
علي.....واذا بنات شلون اطلعين بي
تماره....والله البس جبه حتى ضحى راح تلبس كصير
علي....بس عجبني لونه
تماره....حلو
علي.....كولش حلو ...يعني باجر حذبين الاسود بعد
مياده....لو تبقه عليها متنزعه قبل لانطلع حلفته بروح الغوالي متشتري اسود
علي....زين سويتي يمه ....بعدج صغيره الي راح ميرجعه اي شي
تماره....يالله راح اخلي العشه وي ضحى
علي....اذا متكعدين ما اكول
تماره....لا اكعد .....ثاني يوم الحنه لبست نفنوف ماروني مخصر وصايره بي فيكه مثل الفه من كدام مفتوح شويه ودلع بلا ردان مكياج ذهبي وحمره ماروني وكعب عالي لبس جبه وطلعنه رحت وي ضحى وزوجها علي وصاهم عليه ما اصعد بس وياهم وخاله راحت وي بيت عمهم ذبونه وراحو للحنه مال الولد هم بالقاعه
هند....وجع هم اجت هاي البومه
تماره....هند حلوه ومرتبه بس هيه تنكلب من اشوفني حقها نزعت الجبه وفكت حلكها عيوننا رادت تطلع
بقينه حفله عادي اني كاعده ما اركص استحي لليل كالو اجه العريس ركضت ردت البس الجبه جرتها مني ضحى وضمتها....لج جيبيها بابا عيب
ضحى...منو اكو عيب هو رجلج
تماره....شنو رجلي انتي تعرفين كلشي
ضحى....لج بابا ابقي هيج رفعي ضغطها مشوفينها راح اطك ...وجها ينكط سم مبينه حقوده اتغدي بيها قبل لاتتعشه بيج لا اتبقين فقيره تره هاي كويه
تماره...يمعوده شعليه بيه دنحجي دخل علي كعد يم مرته اني خاتله حتى ميشوفني
علي....دخلت وبالي ولا يم هند لان الليل كله اتخيل تماره بنفنوفها الماروني بقيت ادورها
مياده....تماره ماما جيبي الذهب
تماره....خرب خرب هاج ضحى انت ودي
ضحى ..والله معليه انتي عفتها ورحت يم العرسان
تماره....تقدمت واني ميته مستحه من علي لبسي مشلح
علي....جتي تماره واني نسيت الدنيا كلها مشايف بجمالها شنو من شعر والعيون شلون مرسومه والجسمه مفصل تفصال والون ضارب وي بياضها بلعت ريكي
تماره....كمت اطي علي الذهب وهو يلبسها
علي....تماره صارت قريبه عليه كولش تطني الذهب والبسه الهند وعطرها موتني ...تماره هاي التراجي ما اعرف الها
تماره...تقربت اساعده بتراجي
علي...مدت راسه وركبتها صارت قريبه عليه مو ركبه مرمر متت دخت وتعبت كملت بقيت ابلع بريكي فكري كله يم تماره
تماره....متت من الخجل علي مشال عينه عني حتى الناس انتبهت وكامو يسالون عرفو اني مرته
هند.....دغيت علي مكافي عينك راح تطلع
أنت تقرأ
صبرت بحبج سنين🔞
Romanceشاب يعشق ابنت عمه ولكن قلبها ليس معه فيعاني من الم الحب والفراق لانها ترتبط بحبيبها وينضر لفرحها بقربها لحبيب غيره وهو يتألم حد الموت ولكن تجري الرياح بما لاتشتهي السفن وترسي سفن الفتاة عند هذا الشاب فيعود له الامل ويصبر ويحاول ان تحبه حتى تقع في ح...
