يوميات بيليبر
الحلقة الثالثة
"الصبح"
"المنبه بيرن ب اغنية "Catching Feelings"
بيليبر: صباح الفل ^_^
اما نقوم نشوف ورانا ايه...
هفتح الفيس شوية...
"صفحات الفيس بوك ار لايك" :
بوست: سبحان الله , حصان بيجرى شوفوا !
لا تخرج قبل ان تضغط لايك و تقول سبحان الله...
بيليبر:سبحان الله , فعلا مخلوقات جمييييييييلة, اما انادى ماما تشوفه
يا مامااااااااااااااااا
تعالى شوفى حصان بيجرى...
حصان بيجرى ؟!! ايه اللى انا بقوله ده ؟ ماهو ده الطبيعى يعنى
امال الحصان بيعمل ايه ؟ بيعوم ؟!!!
"صفحة تانية"
بوست:تحدانى يهودى صهيونى ان اجمع مليون لايك لأسم الله عز و جل , هل تجعلوه ينتصر ؟ اقسم بالله ان اضغط لايك , لا تنسى انك اقسمت !
بيليبر: استغفر الله العظيم , حرام عليهم بجد يستغلوا اسم الله فى تجميع شوية لايكات و كومنتات , كده بيتاجروا بأسمه , استغفر الله العظيم
و بعدين ايه تحدانى يهودى دى ؟ و انت شفت اليهودى ده فين ؟ كان بيتمشى فى ترقة بيتكوا ؟!
و مين قالك انى اقسمت ؟! سمعتنى فين !
ناس غريبة ...
"صفحة ثالثة"
بوست:"صورة جاستن"
ايه الواد الملزق ده مش عارف البنات بتحبه على ايه ؟!
ده انا حتى احلى منه...
بيليبر: استغفر الله العظيم على الصبح , يا عم ملزق ولا مش ملزق انت مااالك , و بعدين واثق من موضوع احلى منه ده ؟
تلاقيك بصيت فى المراية كرهت نفسك قلت ارفع من معنوياتى شوية !!! -_-
انا مش هعمل كومنت عشان متعصبش على حد
"صفحة غيرهم خالص بقى"
بوست:نشوف بقى قوة ايمانكم , حذاء الرسول ولا الواد اليهودى الصهيونى ده "جاستن بيبر"
كومنتس ار لايك:
واحد: يهودى صهيونى حقييييييييييير !
واحد : واحد ملزق كده و مايع ! "وطبعا الشتايم الخارجة اللى متعودين تشوفوها"
واحدة: يععععع ده واد مقرف جدا على فكرة بقى البنات مش بتحبه و اللى بيحبوه مش محترمين
بيليبر: مش محترمين ليه عشان بنسمع اغانيه !! على كده لو كل واحد بيسمع اغانى مش محترم يبقى تلت تربع مصر كده !
