يوميات بيليبر
الحلقة السابعة
"بيليبر بوى و بيليبر جيرل قرروا يعملوا برنامج للبيليبرز و ينزلوا يسألوا الناس فى الشارع عن رأيهم فى جاستن..."
"عم محمد البقال"
بيليبر بوى: صباح الخير يا عم محمد
عم محمد:استغفر الله العظيم عالصبح
سلام قول من رب رحيم
بيليبر بوى: ايه يا عم و انت شايف عيفريت قدامك !
عم محمد :خلص يابنى عالصبح انا مش ناقصك!
بيليبر بوى: دانا هسألك سؤال واحد بس و بسيط عن معلوماتك العامة
عم محمد : و الجايزة جنيه دهب ؟؟
بيليبر بوى : جنيه دهب ايه انت فاكرنى طارق علام , انا ماشى
عم محمد : خلاص اسأل
بيليبر بوى : ايه رأيك فى جاستن بيبر
عم محمد : مين ياخويا ؟
بيليبر بوى : جاستن بيبر
عم محمد : ده ايه ده دوا كحة ؟ و الله محتاجه لحسن الكحة عندى مبه.....
بيليبر بوى : باااااااااااااااااااااااااااس بس بس
دوا كحة ايه قفلتنى عالصبح و ربنا انا مش فتحى التمرجى
عم محمد: بس ايوا ايوا انا كده عرفت
بيليبر بوى:الحمد لله
عم محمد : ده بداية التدخل الأجنبى فى مصر !
ايواااااا هو , هو احنا ناقصين احتلالات !
الخديو اسماعيل ذات نفسه ...
بيليبر بوى : بس بس منك لله
الخديو اسماعيل ايه انا ماشى
عم محمد : استنى بس هقولك حصل ايه فى قناة السويس
_____________________________
"فى مكان تانى"
بيليبر جيرل : صباح الخير يا طنط
طنط سعاد : طنط ؟ طنط ايه يا ماما دا انا اصغر منك
بيليبر جيرل : ههههههههههه اه
طب خلينا فى موضوعنا
عايزة اسألك سؤال
طنط سعاد : ايه ده كاميرا ؟! انتوا بتصوروا برنامج ايه ؟
انا بعمل شغل تريكو تحفة تحفة
بيليبر جيرل : تريكو ايه بس يادى الفضايح
وقف تصوير يابنى
بيليبر بوى: -_-
بيليبر جيرل : يا طنط ركزى معايا و سيبك من الكاميرا
