شخصيات القصه:
حيدر:شاب انييق شكله حلو تخرج من كلية الطب وصار طبيب عمره تلاثه وتلاثين سنه شخصيته هادة حالته الماديه زينه عائلته مسافرة بغير بلد وهو عايش وحده
ريم:بنت بسيطه وحيدة المها ابوها متوفي تاركه دراسته عمرها أربعه وعشرين سنه شخصيته طفوليه كلش ولطيفه وفاهيه
احد الايام
ريم:-يلا عيني استعجل
السايق:-اي عيني مو جاي تمشي السيارة
ريم:-اي بَـس بطيةةة مو امي مريضه
السايق:-واني شسويله انتظرو لحد منوصل هاي كل سرعتي
ريم:-لا خلفله عليك صاعدين بفلوسنه مو بلاش اوكف هنا اوكف
السايق:-خاب خفتن وراحه
(وكف السيارة)يلا نزلي يلا
ريم:-أمداك وامدة سيارتك الوصخه يا وصخ
(نزلت وسدت الباب بقوه) يلا ولي مانطيك درهم
السايق:-دولي عايز الكروتج اني هاي الكراوي التعبانه
ريم:-ديلا عيني يلا ولي(بفهاوه)
راح السايق وصلت ريم وامه للمستشفى
ريم:-يلا يمه خلي نروح الطابق الخامس هناك دكتورج
ام ريم:-يلا امشي يمه
وصلنا للطابق الخامس يم دكتور
طبيب:-انتي انتظري هنا
ريم:-اوك دكتور
دخلت ام ريم للفحوصات وريم بقت تنتظر كعدت على كرسي يصير گبال غرفت الدكتور
انتظرت دقايق ومطلعت امي
طلع من الغرفه طبيب(ولي هوه حيدر) صارت بوجه ريم جانت ريم سرحانه وتفكر وشكله فاهي
هيه باوعت عليه بنفس الحضه
ريم تتكلم ويه نفسه"هذا شبي يا خاف مضيع شي يمي ويستحي يكولي وخري خلي اكوم احسن" وخرت ريم من مكانها حيدر دخل للغرفه البيه ام ريم
ورا نص ساعه طلعت امي
طبيب:-ريم اعتني بماما لين المرة الفاتت من اجتني حالته احسن من هيج
ريم:-ليش شبيه
طبيب:-لا تخافين مابيها شي خطير بس يحتاجله عنايه
ريم:-اوك دكتور شكرا
الطبيب:-العفو
وفجأة يطّلع دكتور حيدر رجع باوع بتجاهي
انتبهت عليه وبقيت ارطن ويه نفسي
"هذا شبي يا بعده ملاگي المضيعة شنو جا اني وجهي ميز حت يدور لا طبعاً لعد ليش يباوع يمه بس لا يريد يخطفني يمه لا لا صح هو حلـو بس مو يخطفني. "وصار معاني وجهه تضحك حيدر كتم ضحكته على معاني وجهها تضحك(بين الخايفه والمكيفه)
ريم:-يلا يمه خلي نروح
طلعت ريم وامها من المستشفى بعد تفكير دام الثواني
ريم:-اكلج يمه شكلي الدكتور(بيها طبع تنسه)
ام ريم:-شنو ماما نسيتي بسرعه هل مرا
ريم:-ها يمكن بيه زهايمر(بفاهوة)
ام ريم:-كلج ديري بالج على ماما لين حالته تعبانه
ريم:-ها يمه كمتي تحمين عليه مو هيج كلج(بضحك)
ام ريم:-الله ينطيج العقل اي والله(بضحك)
ريم:-يلا يمه خلي نرجع للبيت
ام ريم :- اكلج ريم اني مشتاقه البيت خالتج خلي نروح الهم
ريم:-يلا يمه اني هم مشتاقه الرحاب (رحاب بنت خالت ريم عمرها 20 )
ام ريم:-يلا يمه
مرت نص ساعه وصللنه. لبيت خالتي
ريم:-يلا يوم دگي الباب شنو تستحين
ام ريم:-جا اني المن جايبتج اباع عليج
ريم:-ليشً انتي وين جايبتني
ام ريم:-رجعت العادتها الفاهيه هـُ'ـُيُـُجُ ماما يلا تٍْـْعٍْـــٍْــًًاْاْاْاْاْلٍٍي ندخل
دخلو جوه وسلموا على بيت خالتهم
راحت ريم الغرفت رحاب وبدن يسولفن ويحشن بناس
رحاب:-لج انتي ماشفتيها بيوم خطبته تتفيك وهيه خلفالله على مكياج الزركه هًۑـه بس زركه يكعد حظها. جا شبي حظنه
ريم:-زين انتي شعجب مكاعد حظج انتي وياها نفس ألون (بفهاوه)
رحاب باوعت عليها بطنكوره:-لو اني زركه جا كعد حظي
ريم:-عندي حل(ببتسامه)
رحاب:شنو
ريم:-خلي نصبغ جسمنه ازرك ومن يمشي حظنه نبيع صبغ ازرك للبنات الي ميمشي حظهن(بفهاوه)
ريم:-اي عود سوي تخفيضات امداني اي والله
وبقن يسولفن موت ساعتين
ام ريم:-يلا عيني مع سلامه
ريم:-مع سلامه
خالت ريم:-بعد وكت عيوني
ريم:-لا خاله اتاخرنه
خالت ريم:- على راحتكم بس عيدوها مو تنسونه
ريم:-انشاءالله
طلعو وبعد نص ساعه وصلوا للبيت
اليوم الثاني
ام ريم راحت الغرفت ريم حت تكعدها من النوم
دخلت للغرفه شافت منضرها يموت من الضحك رأسها بالكاع ورجليه معلكات على جربايه
ام ريم:-هسه الي يشوفج يكول هاي منايمه سبوع كامل شكد فاهيه ههههه ريم يلا ماما كومي ريم رييم
ريم بدون رد بس صوت شخيرها واصل السابع جار
رجعت ام ريم تكعد بيها:-ولج عزه شكد تنبلين ولج كومي صار الضهر آرٌيـّےـَِدِّ اخذ علاج وماعرف (بصياح)
بدت ريم تصحه من نومها تفتحه بعيونه كوه من النعاس ولعاب سايل من حلكه وشكله يخوف
ستوه صحت من النوم
ريم: يمه جوعانه اكو ريوك
ام ريم:بسم الله يمه شبيج ترا اني امج خرعتيني كولي صباح الخير اول شي شبيج رحتي على اكل
ريم:-ها مو حلمت بالأكل وكعدت كلش جوعانه يمه هسه شبيج بدال متكللي ادللي(بوجه عبوس)
ام ريم :-ادللي يمه ادللي بس كومي من الجربايه وغسلي واني حنزل اسويلج ريوك بس ستعجلي مو هم تفهين
ريم:-ها ميخالف(بفهاوة)
دخلت ريم للحمام وختسلت غيرت ملابسه
نزلت كبل للمطبخ شتمت عطر الجاي(اكثر شي تحبه اذا زعلت من احد بس يقدملها الجاي ترضة)
ريم:-اوف شنو هل جمال شنو هل عطر الي يرد الروح احبك أحـبٍّـٍك يا احلى شي بحياتي تعال انطيني بوسه
(تقدمت للقوري مالت الجاي وقدمت شفايفه حت تبوسه وصلت شفايفه بالقوري ولسعت
ريم وهيه تتئلم:-اخ اخخخخ يمه يمه
اجته ام ريم تركض على صوت ريم
ام ريم:-يمه شبيج شكو عزه هاي شبيه شفايفج
ريم بقت تتلوه وتبجي من الوجع
راحت ام ريم جابت نوع من العلاجات الدهنية خلته على شفايف ريم
ام ريم:-متحجين شبيج شلون هيج حتركتي
ريم وهيه تحاول تتكلم بسبب شفايفه :-يمه ش شب يج هس ان ي شس ويت اجيت عود ااب وسه بس غدر بي هه
ام ريم وعلامات تعجب عليه:-ماما هو شنو كلشي ما افتهمت منج بس يمه المهم تٍْـْعٍْـــٍالي كعدي خلي اصبلج جاي حت تتريكينً مْْـو جوعانه
كعدت ريم وسمعت كلام أمها
ام ريم:-وهاي الجاي جهز يلا ماما اكلي حتى ورآها اخليلج مرهم لشفايفج
ريم وكلامها الغير مفهوم بسبب الم شفايفها:- اا وك يم ه
اخذت ريم قطعت توست وخلت عليه جبن وجهته الحلكه وفجأة تصرخ من الوجع
ريم وكلامها الغير مفهوم:- اخ يمهشفايفياريداكلليشهيجحتلاكلميريدنيوعدربيهمثلالجايليشليش
(اخ يمه شفايفي اريد اكل ڵــيْٰش هيج حت الاكل ميريدنيً وغدر بيه مثل الجاي ڵــيْٰش ليش)
ام ريم تحجي ويه نفسها:-(اكـًـًًــيد تخبلت وما بقها عدها عقل شتحجي)شبيج يمه تخبلتي
ريم بلشت تنزعج من شفايفه تحجي ويه نفسه(لو حتى شفايفي يوجعني راح اكل لو حتى تنزف هم اكل آٲنـِِـٌِــت بلشت بالتحدي واني قبلت يا لاكل ومراح اخسر) بلشت ريم تاكل وشفايفه يورمن شوي شوي تأخذ لكمه وتبجي جانت حالته توجع الكَلب من الضحك
ام ريم تباوع عليه ومتعجبه على الي سوي تاكل وتبجي مثل الأطفال (هسه آٲنـِِـٌِت القاري تخيل المنظر آنسه بعمر العشرين شوفها كدامك تاكل وتبجي شنو تكون ردت فعلك غير كتم الضحكه وعلامات الستفهام تحاوطك)
______________________
أنَ شـِـ☝️ـ(ﷲ)ِِـ☝️ـأإء. بدايت القصه عجبتكم الي يتابع القصه ليس فقط بالصمت انطي رأيك هذا آلشي كلش يهمني ويهم كل كاتب وانطي فوت وبس احبكم🐾🙏🏻
#ذوقايه
