ريم:-شريد هاذا اجه
ام ريم:-ماما حبيبتي الا شغلين بالج ومهم يكون هو اله صلة بينه
رحاب تحاول تغير الموضوع:-اي صح ريم يلا خاله انتي روحي تٍْـْعٍْـــٍْالي اشوفج صور الخليته الفيس بوك حلـِوه لو لا
دخلت ام ريم للصالة ورحاب اخذت ريم الغرفته وتحاول متخليه تعصب
ام ريم:-خير عمار شرايد
عمار:-شبيج عمة شنو هاي طردة بس مو مباشرة
ام ريم بعصبيه:-من الاخير احجي شتريد واذا جاي علمود سالفة الروحه وياك أنساها
عمار عَصّب من طريقت كلامه:-هاي اخر فرصة الكم فمراح استخدم غير القوة وياكم وهاذا اخر حجي عندي مع سلامه
طلع عمار من بيت ام ريم وهو معصب كلش منها
عند ريم ورحاب
ريم:-اكولج هاذا راح لو بعدة خلي ننزل نشوف شيريد
رحاب تحاول تلهيهة :-يمعودة اصبري بس خلي اكمل هاذي المرحله خرب خسرت بس حجيتي
ريم بفهاوة:-شدتلعبين شسمه هاي العبة اشو كول مالزمتي التلفون ولعبتي هاي العبة
رحاب:-هاي كلاش جنن سويت هجوم على خصم وبس حجيتي خسرت😑
ريم:-واني شكو يابه انتي ثولة متعرفين تلعبين هاي لو اني جان وين وصلت بيه
رحاب بتقليد:-هاي لو اني جا وين وصلت بيه
ريم بضوجه:-وهسه شتردين😒
رحاب:-شبيج طنكرتي اشاقه وياج صايرة حت شقاي متتحملي
ريم :-لين آٲنـتي صايرة تنرفزيني
رحاب بضوجه:-اني انرفزج ليش اني شنو سويتلج اشو خالتج على راسي وشتردين اسويلج وآخر شي تكوليلي اتنرفز منج
ريم بعصبيه:-شنو مانه عليه لين ساعتيني رحاب بضوجه:-لا مانّه عليج ولا تمنين عليه اني حروح الأهلي علمود ترتاحين وآسفة اذا ضوجتج وصرت ثكيلة عليج اني بقيت بَس علمودج لين انتي رتي ابقة
رتبت نفسه وخذت جنطتها(حقيبه) نزلت رحاب :-خاله خاله وينج اني حروح
ام ريم وهيه دتتجهلها :-ڵــيْٰش هسه ترحين مو يجي وليد وامج بليل روحي وياهم
رحاب تحاول تكتم ضوجته:-لاً خاله. حروح وحدي لين عندي شغلة ضروريه
ام ريم:-اوك امي على راحتج ديري بالج على نفسج من توصلين خابريني
رحاب:-ماشي مع سلامه
ام ريم:-الله وياج حبيبتي
ساعه8:10 مساء عند عمار تصال.....امي
ام عمار:-شوكت تجي
عمار:-يمه جا غير صبرين عليه حت احل المشكلة عمتي وبته
ام عمار:-انته ليش تُلِّح عليهن هنه ميردن يجن عدهن بيت وعايشات وعدهن فلوس واحنه بيتنه النه ميكفينه
عمار بعصبيه:-يمه ترا هنه بس نسوان يعني ماعايش وياهن زلمه شلون اقبلها على روحي ينامن بيت مابي زلمه وثاني شي واذا عدهم فلوس اني ميهمني الفلوس مو مثل أبويه وأعمامي وماارجع اذا ماجيبهم وياي
ام عمار:-احجي عدل شنو ابوك ميت ياحيوان
عامر:-الله يرحمه المهم اني هسه رايح البيت خالتي حنان(ام رحاب) افتح الموضوع ويا طرف من عائلتها بلكي تقتنع لين ماريد اسوي مشاكل
ام عمار:-شكلك غير على راحتك
عمار :-باي ....قطع التصال
بيت ابو رحاب عند رحاب تحديداً
كاعدة بغرفتها ضايجه من تصرف ريم وياها تتكلم ويه نفسه:-الحقيرة كولشي ميغزر بيه اني اشاقه وياها ه ختولي بُعد مااحجي وياها لو شيصير لو تمو...اسم آلُـِْـِّـلُـًِه عليه اخـّـّّـّّـاف مريضه هسه وخالتي متدري بيها اوف ....هاذا مو صوت البومة ؟
طلعت ريم من غرفته سالت امه منو بصالة
ام رحاب:-عمار
رحاب:-اهو هم اجه البومة
وليد وهو متجه الرحاب بعصبية:-انتي شتردين بضبط تردين ادفنج هنا احجي عدل لا السانج ينكص يلا روحي الغرفتج
رحاب:-اوف طكت روحي شبيك عليه كول ماحجيت شي وتجي توكف على راسي هسه دنحجي اني وماما انت شدخلك
ام رحاب:-ولج اسكتي عزا العزاج تردين صدك يدفنج
وليد:-يمه تٍْـْعٍْـــٍْالي عمار يريدج
دخلت رحاب الغرفته واستوعبت شحجت وَيَ منو :-عزا العزاني آآُنـٌي شسويت ياربي والله مو قصدي جنت معصبه من ريم يمه هسه يكتلني
مر فترة قصيرة من الوقت راح عمار
وليد بعصبية:-رحاااااااب رحااااب
(مجاوبت عليه رحاب )يمه صيحلها خلي تجي لا ادخل للغرفة ودفنها هناك
أم رحاب تحاول تهدي:يمه حبيبتي ستهدي بالرحمان مجانت تقصد
وليد بعصبية :-يمه فدوة روحلج جاي احاول أكتم عصبيتي فماريد صير بوجج صيحيلها اذا ٱڑۆُحًْ اني اسويلي مصيبه
ام رحاب:-اهدة يمه رايحه اصيحلها
بغرفت رحاب
ام رحاب :-تعالي اخوج يصيحلج
رحاب خايفه :-ماما فدوة ماروح هسه بس اوكف يمهة يشبعني كتل ماما
ام رحاب:-لعد اذا تخافين وتعرفي عصبي ڵــيْٰـش معرفتي تحجين
رحاب :-ماما هسه اني وين أگـِولج حيكتلني
ام رحاب:-مااكدر اسوي شي لين هو اخوج الجبير ميستمعلي وابوج مو بالبيت كال اذا متجي اجي اسوي كارثه تعالي وياي مااخلي يمد ايدة عليج
رحاب بخوف:-بَـس ماما
ام. رحاب:-تعالي يا ماما احسن يجي هنا يكتلج
لزمت ام رحاب ايد رحاب اخذتها عند وليد بعصبيه:-ما راح اسويلج شي بس تعالي اوكفي هنا كدامي
رحاب ختلت(اختبأت) ورا امه
رحاب تقدمت صارت كباله تباوع على كاع(الارض). :-اسفه والله مو قصدي احجي هـُ'ـُيُـج عليك بس جنت ضايجه اسفه
رفع وليد ايدة بنفس الثانيه الي رفع ايدة خافت رحاب كلش خلت أيدها على راسه
وليد وهو رافع ايدة حضن رحاب :-لج اني طلعت ادخل بحياتج وكل متحجين اجي فوك راسج اني لو ما حبج واخاف عليج جان مانتبهت عليج اصلن اني مااريد تخافين مني اني اريدج سمعين كلامي من ئراتج انتي ومااريدج تخافين مني من بُـ'ـُعد هاذي الحضه واني اثق بيج لين ربيتج على يدي
نصدمت رحاب من معرفت شلون تعبر الاخوها:-ها يعني مراح تضربني
وليد:- اسف لين جنت امد ايدي عليج بس اذا. طلعتي عن طوري مااكدر أتحكم بعصابي
تحول خوف رحاب الى سعادة متنوصف :-شكراً شكراً أوعدك مراح اسوي شي يضوجك مامصدكة وأخيراً تفهمت
وليد:-ههههه المهم حروح البيت خالتي (ام ريم) تجين ويانا لو لا
رحاب :-لا
وليد:-شعجب ؟
رحاب:-مالي خلك روحو انتو
ام رحاب:-اوك ماما خاف يجي ابوج عشا جاهز بس حمي اله
رحاب:-اوك
عند بيت ام ريم وصلو وليد وامه ورحبت بيهم ام ريم وضيفتهم
ريم:-خاله ليش مااجت وياكم رحا..(يا نسيت خرب)
ام رحاب:-تكول مالي خلك وهيه من رجعت منكم بس بغرفتها وضايجه مدري شبيه
وليد :-خاله اريد افتح موضوع وياج ويه ريم
ام ريم:-كول خاله
وليد:-لكون صريح اليوم جان عدنه عمار وفتح موضوع روحتكم ويا..قاطعت كلامه
ريم:-أرجوك وليد سد الموضوع
وليد بضوجه:-خلي اكمل حجيي
ام ريم:-ماما ريم اهدي خلي نشوفه شيريد حت نفض هاذي المشكلة احجي وليد
وليد:-بالمختصر هو قافل ويريد يأخذكم ويا لو حت متقبلن يأخذكم غصب بس احنه خلينه الكم وآله حلـِ وسط والي هو يجي يعيش وياكم بالبيت
ام رحاب:-ترا هاذا حلـِ وسط وأحسن الكم تتامنون وياكم رجال بالبيت وهم تخلصون من مشاكل على روحه
ام ريم بحيرة:-شكول مادري بس نسيتو الي سو بينه همه
وليد:-خاله لاتكولي همه لين مجان عمار من ضمنهم جان رافظ فكرت يتخلون عنكم تماماً بس ابو سكته وماعنده غير حلـِ
ام ريم:-شتكولين ماما ريم
ريم:-بس هو واهله يعوفهم بالبصرة؟
وليد:-لا بس يستقر عدكم وليد يجون يعيشون وياكم
ريم :-ههههه عرفت نيته من اول ماجه كلهم نفس الاطباع يريد يجي هو اهله يعيشون ويانه علمود الفلوس(بعد وفاة ابوها ورثو منه مصنع المواد بناء وصار ملك ريم وامه قبل فترة)
...................
#ذوقايه
