#
.
.
لخوض غمار التنقيب داخل الشبكة العميقة كان لابد من وجود طُعم .. و ليس أي طُعم .. بل هو طعم من نوع اخر .. يتناسب مع قذارته
" فارس قفل جهازك ما وجعتك عيونك وانت عليه "
" يمه مشغول " قال كلمته و عينه مركزه على الشاشة
" فارس ياولد ودي اختك السوق بعدين ارجع لي ابيك ف كلمة راس "
تنهد باستسلام وهو يقفل جهازه " و بعدين يعني ذي مو لاقيه تطلع السوق إلا اليوم يعني !! "
أخذ مفاتيحه و صرخ قبل يطلع " خمس دقايق ان ماكنتي ف السيارة بمشي عنك .. حركات تلطعيني بالشمس مابمشيها لك !!"
تنرفزت أخته بشكل واضح وهي تقول " يصير خير انقلع بلبس عبايتي و بجي "
ركب السيارة و تفكيره مشغول بشي واحد .. كيف يقدر يدخل الديب ويب تحمس أكثر و الفضول أخذه وهو يفكر بالكلمات اللي قراها عنه .. صحيح انه هكر بس ولا مره جرب يدخل الديب ويب
ماصدق بعض المعلومات و ماراح يصدق إلا لما يشوف بعينه .. قرر يتصرف ك هكر بقبعة بيضا و يخلص العالم من الجرايم اللي تصير ف الديب ويب و يهكره لهم و ينكبهم .. إبتسم بحماس على أفكاره الأنسانيه و الشريفة
حس بأخته تركب جنبه وهي تقول " فارس أمي تقول أرجع بعد تحطني بالمول بسرعة "
" طيب تعرفين ليش ؟ "
"لا هي ماقالت شي "
همس ب'اوكي' و حرك السيارة و عينه مثبته على الطريق ..
من حسن حظه إن المول كان قريب من البيت عشان يرجع بسرعة و يكمل بحثه ابتسم لافكاره اللي تاخذه و تجيبه .. هو ماراح يسوي شي بس بيشوف و يشبع فضوله .. بعدها بيهكر الموقع
سال اخته قبل يحرك " متى أجي أخذك ؟ "
قالت أخته بعجله " بخلص و أتصل عليك "
تنرفز منها فوق إنه طاق مشوار عشان حظرتها الملكه تبي تتمشى ف السوق و تشوف صديقاتها تعامله مثل السواق .. تكلم من بين اسنانه " سؤال واضح متى اجي اخذك ؟ "
توترت اخته بس حاولت تلين الموضوع " وش فيك أنت الله يهداك تعال الساعة 8 ماراح اطول بس قبل تجي بتصل عليك "
ابتسم لخوفها و بدا يفرد عضلاته شوي " انزين انقلعي "
عطته اخته نظره وهي تهمس " كل زق " قفلت الباب بقوة عشان تحره
عض على شفايفه بقوة عشان مايتلفظ و يلعن شكلها .. حاول يشغل عقله بالديب ويب مره ثانيه حتى وصل للبيت
ماهي إلا ثوان حتى لقى نفسه قدام اللابتوب و عينه مركزه على الكلام اللي قدامه ..
همس لنفسه ' ليش ماقدر ادخل عليه من Google يلعنم المشوره ' ارسل لقروب للهكرز ف جواله ' شباب احد يعرف للديب ويب ؟ "
