🌸 جميلة والاعمى 🌸

الحلقة 4

                      ( الحلقة الرابعة) 
في اليوم التاني في قلعة الطعام
قعدت جميلة وجمبها ماهر ومي بياكلوا الفطار
جميلة: امال عمو فين
مي: مش ليه نفس ياكل
مي: اه صحيح افتكرت
جميلة ماهر احنا خلاص حددنا معاد الفرح
شرقت جميلة وبدات تكح جامد
بعد ما هديت كملت مي: فرحكوا يوم الخميس ده
جميلة بصدمة: اييييه
ماهر بفرح : انتي بتتكلمي بجد يا عمتو
مي: ايوة بتكلم بجد
وبعدين بصت على جميلة
مي: ايه يا جميلة مالك شكلك زعلان
ماهر بحزن: جميلة
جميلة: لا انا مش زعلانة نهائي بالعكس بقا
مي: طيب يلا بقا عشان من النهاردة كل حاجة هتمشي سريعة لحد ميعاد الفرح عندنا حاجات كتييرة
                       **        ****
في اوضة بسيوني
تدخل مي
بسيوني: بلغتيهم
مي: حصل يا بابا
بسيوني: جهزتي اوراق الدعوة
مي: لا لسه لسه فيه حاجات كتير مش عملتها
بسيوني: عايزين نخلص بسرعة يا مي عايزين نجوزهم بقا
مي: غريب اوي موقفك يا بابا انت كنت مش طايق جميلة ابدا
بسيوني بضيق: انا لسه على موقفي
واخد صورة كانت جمبه
وبدا يتأملها
بسيوني: اول مرة اكتشف ان جميلة شبهها اوي
مي: فعلا يا بابا هي شبهها جدا في الشخصية قبل الشكل
بسيوني: طيب ساعديني اطلع برا بقا عشان اشرف على التجهيزات بنفسي
مي: حاضر يا بابا
                            *****
في الجنينة
جميلة: نفسي اعرف انت ليه اصريت ننزل نقعد في الجنينة تحت بجد يعني
ماهر: عشان فيه كلام كتير بينا مخلصش
جميلة: كلام ايه
ماهر: الاول خديني عند شجرة الورد زي المرة اللي فاتت
جميلة: انت بتحب تلتزم بالطقوس بقا
ضحك ماهر
خدت جميلة ايديه وودته
وقعدوا
جميلة: هاه اديني قاعدة قدامك اهو قولي
ماهر: احكيلي عن نفسك
جميلة: نفس السؤال برضو
ماهر: انا عايز اعرف عنك كل حاجة
جميلة: احم احم
ماهر: مالك
جميلة بخجل: يعني اصل عمر ما حد سالني السؤال ده
ماهر: يبقى انا اول واحد اعمل كدة
جميلة.: طيب يا سيدي انا هرضي فضولك
ماهر: سامعك اهو
جميلة: اسمي جميلة سامي
عندي 18 سنة
ماهر: وبعدين
جميلة: ايه انا قولتلك اهو
ضحك ماهر جامد
اضايقت جميلة
جميلة: ايه اللي بيضحك
ماهر: انتي هبلة اوي
جميلة: يا سلام شوف نفسك بقا رفعلها ماهر وشه وقال بضيق: قصدك ايه
جميلة باحراج: مش قصدي حاجة
قصدي يعني اني
انا اسفة اوي
ضحك.ماهر تاني
ماهر: مش قولتلك هبلة
ضحكت جميلة
جميلة: احكيلي انت عن نفسك
ماهر: لازم يعني
جميلة: انت فاكر انك الوحيد اللي بتسال هنا يعني
ضحك ماهر
مد ماهر ايده وحطها على وشها
جميلة: انت...بتعمل ايه
ماهر: سيبني عايز اعرف ملامحك
احمر وش جميلة
ماهر بضحك : انتي مكسوفة
جميلة: اييييه لا طبعا
ماهر: حاسس وشك بقا سخن فجاة
جميلة بضيق: انت رخم على فكرة
ماهر: شكرا
شالت جميلة ايده من على وشها
جميلة: انا ممكن اقولك ملامحي وخلاص
ماهر: ماشي بس من غير كدب
جميلة: وهكدب ليه بقا
فاكرني مش واثقة في نفسي
ماهر: لا العفو
ضحكت جميلة
فجاة جت فاتن
فاتن: اسفة لمقاطعة المرح بينكم بس الغدا جاهز
قامت جميلة
جميلة: شكرا يا فاتن
جت جميلة تساعد ماهر يقوم
لكن فاتن مدت ايديها وساعدته هي
ماهر: شكرا يا جميلة
اضايقت جميلة من تصرف فاتن اللي بصتلها ببرود
فاتن: واحدة بواحدة
جميلة بضيق: ماشي
مسكت جميلة ايدين ماهر وراحو لقاعة الطعام
                               ****
في اوضة جميلة
سمعت صوت خبط على الباب
جميلة: ادخل
دخل بسيوني
كانت جميلة لابسة هدوم النوم
جميلة بحرج: عمي! 
دخل بسيوني على كرسيه المتحرك ووراه مي
مي: اسفين يا جميلة جينا في وقت غلط
جميلة: لا طبعا اتفضلوا
اتعدلت جميلة على السرير
قعدت مي على كرسي قدامها
بسيوني: طبعا انتي مستغربة احنا ليه جايين نزورك في اوضتك يا ليدي جميلة
مي: بابا
بسيوني: احنا جايين نناقشك في موضوع حساس شوية
جميلة: حساس!! 
قصدك ايه يعني
انا بنت محترمة جدا على فكرة انتو فاكرين ايه
ضحكت مي جامد
بصتلها جميلة باستغراب
بسيوني: احم
ايه اللي خلى مخك يروح لبعيد كدة
مي: يا جميلة بابا قصده حاجة تانية خالص
اتحرجت جميلة وسكتت
بسيوني: الحقيقة انتي مش هينفع تحضري الفرح بمنظرك ده لازم تكوني اجمل من كدة
جميلة في نفسها: انا بتهان كتير اوي
بسيوني: عشان كدة احنا هنوديكي مكان بمعرفتنا يجهزك للفرح
مي: هتروحي كوافير مخصوص لعيلتتا هيجهزك خصوصا ان الفرح معاده قرب اوي
جميلة: اه فهمت
بسيوني: يجهزها ايه ده عايز يضربها بالنار ويرجع يشكلها
مي: ايه يا بابا
ضحكت جميلة
جميلة: شكرا لاهتمامك بيا يا عمي
بسيوني: لازم اهتم بيكي عايزة تعرينا يعني
                              ****
في الليل
خرجت جميلة من الحمام لابسة بشكير
وسمعت فجاة صوت باب اوضتها بينفتح
راحت جميلة عند الباب وليه بتفتح النور لقت خيال طويل واقف قدامها
صرخت جميلة باعلى صوتها وقالت: الحقونيي حرامي
فجاة سمعت صوت مالوف بيقول: جميلة اهدي
فتحت جميلة النور وشافت ماهر قدامها
جميلة: ما..ماهر
دخل ماهر وهو بيتحسس الحيطة
قفلت جميلة الباب
جميلة: انت بتضحك عليا صح انت جيت هنا ازاي
ماهر: طلبت من واحد من الخدم يجبني اوضتك وحفظت الطريق من اوضتي لاوضتك اربع خطوات قدام وخطوتين يمين
جميلة: انت فزعتني بجد وقفت قلبي
ضحك ماهر وقال: اسف اسف
ساعدته جميلة وقعد على طرف سريرها
جميلة: الساعة 9 منمنتش ليه
ماهر: مش جالي نوم وكان نفسي اسمع صوتك
جميلة بضيق: ومستعجل اوي كدة ليه كلها كام يوم واجي اقعد عندك في اوضتك
تشرب حاجة
ماهر: لا مش عايز
قعدت جميلة قصاده
ماهر: تعالي اقعدي جمبي
جميلة: لا
ماهر بحزن: ليه بس
جميلة: انت بتهزر ولا ايه احنا لسه متجوزناش ومينفعش اصلا تبقى في اوضتي في وقت متاخر كدة
و بدات تغير مجرى الحديث وقالت: ماهر ينفع اطلب منك طلب
ماهر: قولي
جميلة: بالنسب للفرح عايزة...
ماهر: عايزة ايه
جميلة: عايزة اجيب عيلتي يحضروه
ماهر: عيلتك
جميلة: ايوة عيلتي ماما واخواتي انا متخيلتش اتجوز من غيرهم ابدا
ارجوك يا ماهر
ماهر: ماشي يحضروا اكيد
جميلة: بجد
ماهر: ايوة
جميلة بضيق: بس ممكن جدك ميوافقش
ضحك ماهر وقال: جدو ملوش علاقة اصلا انا صاحب الامر وبس
جميلة بفرحة: شكرا شكرا
                            ******
في بيت جميلة
ندى: ماما بصي الورقة دي
منى: ايه دي يا ندى
ندى: معرفش يا ماما واحد جابها ومشي
فتحت منى الورقة وابتسمت
ندى: فيها ايه الورقة
منى: مش هتصدقي يا ندى جميلة اختك هتعمل فرحنا وعزمتنا
ندى: بجد يا ماما
منى: ايوة الفرح بعد بكرة
ندى: هيه واخيرا هنشوف جميلة عروسة
منى: ان شاء الله
                        ****
في كوافير راقي
دخلت مي وجمبها جميلة
قابلتهم المديرة ( امنية) 
مي: ازيك يا امنية
امنية بفرحة: مدام مي انا حقيقي فرحانة انس شوفتك
وبعدين شاورت على جميلة وقالت: هي مين دي
مي: دي جميلة عروسة ماهر فاكراه
امنية: اه عروسة بقا وطبعا عايزة تتجهز
مي: مش هوصيكي عليها بقا
امنية: طبعا
ومسكت جميلة من كتفها
امنية: يلا يا جميلة
مشيت جميلة معاها باستسلام
راحت جميلة عند الراجل اللي بيغسل الشعر وقعدت وبدا يغسلها شعرها
جميلة: ايه اللي انت بتعمله ده وجعتلي شعري
اه مدخلش صابون في عيني يا عم هتغرقني
وقامت وبدات تكح جامد
جميلة بضيق: ايه يا عم انت مالك مستعجل على موتي ليه
الراجل بتوتر: ا..انسة جميلة انا معملتش حاجة
وفي نفس الوقت مي كانت محرجة احراج شديد
امنية: مدام مي انتي متاكدة انها مش مختلة عقليا
وراحت جميلة عن بتاع المكوة
جميلة: اه حاسب حرقتني انت بتعمل شعري ولا بتلسعني في قفايا حاسب
وبعد ما خلصوا
خرجوا وركبوا العربية
مي: ايه رايك يا جميلة
جميلة: رايي في ايه يا عمتو دول شوية متخلفين كانوا هيعموني
ضحكت مي
وبعد ما خلصوا لف وهما مروحين
جميلة: عمتي احنا نسينا موضوع مهم
مي: ايه هو
جميلة باحراج: الفستان فستان الفرح
مي: فستانك جاهز يا جميلة
جميلة: بجد
مي: ايوة اول ما نروح هتقيسيه
                         ****
في القصر في اوضة جميلة
دخلت مي ودخل معاها اتنين شايلين فستان فرح
انبهرت جميلة من منظره
كان فستان طويل ابيض رقيق جدا زي اللي بيكون في قصص الاميرات
مي: يلا عشان تقيسيه
قاست جميلة الفستان وكان رائع عليها
مي: شكله روعة عليكي
جميلة: الفستان ده حلو جدا ده زوق مين
مي: ماهر اللي اختاره
جميلة باستغراب: ماهر
مي: ايوة
الفستان ده بتاع ام ماهر
جميلة: ام ماهر.
مي: ده كان فستان فرحها وبعدما ماتت ماهر قفل عليه ومكنش بيسمح لاي حد مجرد انه يلمسه لكن
قرر فجاة انك تلبسيه
جميلة: وهو عرف منين اتو هييجي مقاسي
مي: يمكن اتوقع كدة
اصلك شبه مامته جدا
ولو كان بيشوف كان اكدلك كدة بنفسه
ابتسمت جميلة بحزن وبعدين قالت: انا من النهاردة بحب الفستان ده جدا وهقدره وهحافظ عليه عشان خاطره هو بس
ابتسمت مي
                           ****
في الليل
في اوضة ماهر
دخلت جميلة
جميلة: ماهر
ماهر: جميلة
جميلة: انت صاحي
ماهر: ايوة
دخلت جميلة وقالتله: ماهر انت مش عارف انت سعيدة قد ايه انا مش عارفة اشكرك ازاي
اتعدل ماهر وقال: تشكريني على ايه
جميلة: اول حاجة انك وافقت على ان اهلي يحضروا الفرح وتاني حاجة سمحتلي البس الفستان الجميل بتاع مامتك رغم اني عرفت انه غالي عليكي اوي
ماهر: يعني انتي مش زعلانة
جميلة باستغراب: زعلانة!  ليه
ماهر: يعني عشان مش جالك فستان جديد واضطريتي تلبسي فستان قديم مع ان كل عروسة بتمنى يكون ليها فستان خاص بيها
هزت جميلة راسها بالنفي
جميلة: طبعا لا انت اديتني امتياز وكمان انا مش فارق معايا ابدا الفستان شكله ايه
وقعدت قدامه بالظبط وقالتله: انا عمري ما كنت احلم بفستان او حتى بيت زي ده ولا في خيالي انت حققتلي كل ده اشكرك
ابتسم ماهر وقال: طب مش هتشكريني بشكل لائق بقا
جميلة: قصدك ايه يعني
ماهر: شوفي طريقة بقا
ضحكت جميلة
جميلة: انت مش محترم على فكرة
ضحك ماهر
وفجاة باسته جميلة من راسه
جميلة بخجل: هو ده شكري ليك
وقامت وقالت بصوت بتوتر خجول: تصبح على خير
اتصدم ماهر وقعد فترة مش مستوعب بعدين ابتسم ابتسامه  عذبة
                           ****
في اليوم التاني وقفت عربية قدام القصر
نزلت منها سارة
جه ليها الخدم
واحد منهم: شنطتك يا سارة هانم
سارة بتكبر: متنسوش باقي الشنط اللي في العربية
اصلي ناوية اقعد هنا كتير
وابتسمت بخبث ودخلت القصر
ودخل وراها محمود جوزها
يتبع في الحلقة الجاية
ارائكم تهمني 💙
بتحبو الجد بسيوني ولا لا 😂