(💦( الحلقة التاسعة عشر)💔)
بصتلها ليلى ببرود وقالت: تطلقي من ماهر
انصدمت جميلة
كملت ليلى بهدوء: وتخرجي من حياته
للابد
عجزت جميلة عن النطق
وكان كلام ليلى سيف انغرز في قلبها
اتشجعت جميلة وقالت: وانا ايه اللي يخليني اعمل.كدة
ليلى: لازم تعملي كدة
وكملت بسخرية: ده لو خايفة على عيلتك الغالية
اتفزعت جميلة لما قالت اسم اهلها
جميلة بخوف : متقدريش تعمليلهم حاجة
ابتسمت ليلى ببرود وقالت: لا اقدر
جميلة: انتي كدابة
ليلى: حقيقي؟
انا ممكن ادمر حياتك انتي واهلك
بلعت جميلة ريقها بصعوبة وقالت بخوف: يعني هتعملي ايه
ليلى: يعني
ممكن مثلا اخلي صاحب الشقة يطردكم منه بعد ما اشتريه
لاني عارفة ان في مشاكل بيني وبينكم
ارتعشت جميلة وزاد توترها
وممكن اوي اخليهم يبطلوا يصرفولكو معاش ابوكم البسيط
وممكن كمان ابلغ عنكم بتهمة مزورة وساعتها اهلك هيروحوا في الرجلين وهيتبهدلوا
وممكن اعمل اكتر واكتر من كدة كمان
وكملت بقسوة : حتى القتل
اتنفض قلب جميلة بقسوة
عمره ما كانت تتخيل ان ده يحصل لعيلتها ابدا
كان احساس جميلة في الوقت ده صعب ينوصف
مزيج من الخوف والقلق والغضب الشديد
كان نفسها تقوم تضربها قلمين وتجرها من شعرها
لكنها ادركت انه ليلى اقوى منها بكثير وتقدر تعمل ده كله
ومش هتسمح ان عيلتها يجرالهم اي حاجة من تحت راسها
وخدت جميلة قرارها
جميلة بقلق : طيب انتي عايزاني اعمل ايه
ليلى: سمعت ان ماهر هيروح لندن الاسبوع الجاي يعمل عملية
هزت جميلة راسها
ليلى: ولاني انسانة طيبة هسيبك تروحي معاه
على الرغم من الموقف الا ان جميلة فرحت لما سمعت الجملة دي
بس بشرط
جميلة بقلق: ايه هو
ليلى: انتي هتوصليه وتمشي
ومش هيشوفك بعد العملية
انصدمت جميلة
جميلة: ايوة لكن
ليلى: والله ده هو الشرط
حاولت جميلة تخبي دموعها وقالت بحزن : حاضر
ابتسمت ليلى بشماتة
***
رجعت جميلة القصر وكانت رجليها مش شايلاها
طلعت السلم بصعوبة كبيرة
وصلت الاوضة وفتحتها
كان ماهر مش موجود
رمت جسمها على السرير وبدات تعيط
كانت اول مرة في حياتها تحس بالقهر كدة
تحس انها عاجزة وانها متكتفة
كان نفسها تفضل مع ماهر بعد العملية بس
للاسف مش هتقدر
لازم تضحي
وساعتها عرفت ان حبها مع ماهر كان مليان مشاكل
صحيح اتجوزته وحبته لكن
الف عين بتراقبهم
وهي لا حول لها ولا قوة
مكانتش تقدر تضحي بأهلها بالسهولة دي
رغم ان حبها لماذا كبير جدا لكن
متقدرش
ولاول مرة اتمنت جميلة لو معرفتش ماهر
لو مش اتجوزته
لو موافقش عليها
صحيح انهم كانو 8 شهور عدوا بحلوهم ومرهم
لكن كانت اول مرة تحب حد
كانت اول مرة تسافر وتعيش في قصر
كانت اول مرة تشوف اخواتها مبسوطين بجد
وجه في فكرها صورة ليلى
واتمنت لو انها تقتلها
ل و انها مظهرتش في حياتها
وبعد بكاء طويل قامت جميلة من على السرير بخطوات ضعيفة
وراحت للحمام
وبعد ما اخدت دش خرجت ولبست واحد من فساتينها
ولفت نظرها وهي بتلبسه الخاتم اللي جابهولها ماهر
اللي محفور عليه اسمها
ونزلت دموعها تاني زي المطر
وقطع افكارها صوت خبط على الباب
اتفزعت جميلة وجه الصوت من برا بيقول: مدام جميلة العشا جاهز
قالت.جميلة بلهجة حاولت تخفي فيها دموعها: اه شكرا
رمت جميلة نفسها على السرير وسابت شعرها المبلول منثور على وشها
ونامت
***
في قاعة الطعام
دخل ماجد وماهر الاتنين من باب القصر
ماجد بمرح: احنا رجعنا
مي: كنتو فين
ماهر: عند المحامي بنخلص شوية اوراق
اتفزعت سارة اول ما سمعت كلمة المحامي
قعد ماجد وقال: امال جميلة فين
مش شايفها يعني
ماهر بقلق: هي جميلة مش هنا
مي بحيرة: معرفش مالها
منزلتش الغدا برضو خايفة تكون تعبانة
ماهر: طب انا هطلع اشوفها
مي: ماشي يا ريت
مشي ماهر
كانت سارة في قمة التوتر ومقدرتش تاكل
لاحظت مي سلوكها
مي باستغراب: سارة مالك كلي
انتفضت سارة لما نادتها مي
سارة بضحك: لا مفيش انا اصلا شبعانه
وقامت من على الاكل
مي باستغراب: هو ايه اللي بيحصل
ماجد بابتسامة: الله اعلم
****
فتح ماهر اوضته ودخل
ماهر: جميلة
جميلة انتي نمتي
اتحسس ماهر الحيطة ووصل السرير
حس ماهر بجسم نايم على السرير
ماهر: جميلة انتي نمتي دلوقتي
حط ماهر ايده على وشها ولاحظ انه سخن
ماهر بقلق: جميلة انتي كويسة
مردتش جميلة
قلق ماهر اكتر واكتر
ماهر: لا انا لازم اتصل بالدكتور
وطلع برا الاوضة بسرعة
***
وقفت سارة في بلكونة القصر
على الرغم من برودة الجو الا ان سارة كانت عرقانة عرق غزير
فجاة حيت بايد بتنحط على كتفها
بصت سارة وراها بفزع
ماجد: متخافيش اوي كدة ده انا
سارة بضيق: انت
ورجعت لفت وشها تاني
وقف ماجد جمبها وقال: ايه مالك عمري ما شوفتك متوترة كدة
سارة: طبعا لازم اتوتر طول ما انا مشتركة معاك. في الجريمة دي
ضحك ماجد
ماجد: جريمة ايه بس
سارة بضيق : عملت ايه مع المحامي
ماجد: مفيش
اتفقت معاه وهو هحاول يظبط الاوراق لصالحي
وكله ماشي حسب الخطة.
سارة بقلق: ماجد انا خايفة ومش مطمنة
ومسكت كتفه وقالت: ارجوك كفاية
كفاية خطتك الهباب
خلينا نعيش باقي الايام الجاية بسلام
بعدها ماهر عنه وقال: غريبة اوي
اول مرة اشوفك بتتحملي المسؤولية
نزلت دموع سارة وقالت: بابا لسه ميت
لسه حاجات كتير متصلحلتش
عندي احساس ان في مصايب كتير جاية
ماجد: انتي بتعيطي كمان
وكمل بسخرية: كنت فاكرك عمرك ما هتعيطي لانك خايفة على حد
اضايقت سارة من اسلوبه الساخر وطريقة كلامه المستهترة واشتعلت من الغضب
سارة بعصبية: ربنا ياخدك
ومشيت وسابته لوحده
***
وقفت فاتن بتغير لجميلة كمادات الثلج
ووقف ماهر وعمته مي معاها
كانت جميلة وشها احمر وبتتنفس بصعوبة
مي بقلق: فاتن؟
متأكدة انها مش محتاجة دكتور
فاتن: لا يا مدام مي
جميلة نامت وشعرها مبلول
والرطوبة واختلاف الحرارة هما اللي عملوا فيها.كدة
دي حمى خفيفة وان شاء الله تروق منها الصبح
اتاوبت مي وحاولت تمنع النوم يدخل لعينيها
ماهر: روحي نامي انتي يا عمتو
مي باستغراب: بس انا مش عاوزة انام
ماهر: متقلقيش انا صاحي
مي بحنان: طيب انا هروح لو احتجت حاجة اندهلي
مشيت مي
راح ماهر وقف جمب فاتن
ماهر: فاتن روحي انتي
فاتن: لا طبعا مقدرش اسيبك
ماهر: متقلقيش انا هكون معاها
فاتن: طيب حاضر
مشيت فاتن وسابته لوحده
قعد ماهر جمب جميلة المريضة
بدا يغيرها الكمادات
اتحسس ماهر رقبتها ولقى انها عرقانة عرق غزير
ماهر: لازم امسحها العرق
قلعها ماهر الفستان بهدوء ومسحلها عرقها
ورجع حط الكمادات الباردة على راسها
مكنش شايفاها لكن كان حاسس بيها
كان بيدعي ربنا انها تقوم
وانه يطلع مجرد سخونة زي ما فاتن بتقول
قعد ماهر سهران جمبها وطلع النهار عليهم
وببطء شديد فتحت جميلة عينيها
وكانت اول كلمة نطقتها اسمه
نطقته بضعف
فاق ماهر اول ما سمع اسمه وقال بلهفة: جميلة
لمحته جميلة وقالت: انا فين
ماهر بحنان: حمدلله على السلامة يا حبيبتي
اتضحت الصورة ادام عيون جميلة وشافت ماهر قدامها
نزلت دموعها من عينيها تلقائي وقامت حضنته
اندهش ماهر من فعلها المفاجئ
حطت جميلة راسها على صدره وبدات تعيط
تعيط بدون توقف
مقدرش ماهر يعمل حاجة غير انه يطبطب عليها
ويقولها بحنان: متخافيش انا جمبك
واتمنت جميلة لو ان اللحظة دي تدوم للابد
ولو انها فعلا تقدر تفضل جمبه 😭
****
ضحك ماجد ضحكة عالية وهو بياخد الشاي من ايد الخدامة اللي بصتله باستغراب وقال: هايل يا ليلى
تمثيلية محبوكة زي ما هو متوقع منك
ابتسمت ليلى وقالت: يا ريتك شوفت وشها وانا بهددها باهلها
كان نكتة بجد
ضحك ماجد اكتر
ليلى: بس معرفش ليه حسيت اني شريرة كدة
بس انا لازم انتقم منها
وحطت ايديها على خدها وكملت: مش هنسى القلم اللي ادتهولي
ماجد: وبعدين
هزت ليلى كتفها وقالت: ولا قبلين
هسافر معاهم في نفس الطيارة وهظهرلهم في الفندق وهقولهم اني جيت انجلتزا مجرد صدفة وارسالها على السبب اللي هنا جم عشانه وارافقهم وبعدين لما يدخل ماهر العمليات هعمل زي ما اتفقت معاك
ماجد بخبث: ولما يخرج؟
ابتسمت ليلى وقالت: هحاول اقنعه بالحقيقة المرة
صقف ماجد في حركة مسرحية وقال: برافو يا ليلى
ليلى: ولو ان جميلة صعبانة عليا
ضحكت وكملت بقسوة: بس تستاهل
****
عدت باقي الايام بطيئة على جميلة
اللي خست جدا وبلوا عينيها من كتر العياط
وجه يوم السفر وكان اقسى يوم في حياة جميلة
اتجهزت جميلة ولبست لبس شتوي
ماهر: اخيرا اليوم ده جه
ابتسمت جميلة بصعوبة وقالت بصوت ضعيف: ايوة اخيرا يا ماهر
ابتسم ماهر وقال: جميلة لو العملية نجحت لازم تكوني اول انسان اشوفه فاهمة
حست جميلة ان دموعها هتنزل منها غصب عنها لكن اتشجعت وقالت: اه
مسكت ايديه وقالت: يلا عشان منتاخرش
ماهر بسعادة: ايوة يلا
نزلوا الاتنين واستقبلتهم مي
مي بفرحة: يلا يا حلوين معاد الطيارة قرب
ماهر: يلا يا عمتو
ماجد: انا وسارة هنوصلكم المطار
مي: ماشي يلا
***
في المطار
حضنت سارة ماهر وقالت: ماهر حبيبي اتمنى العملية تنجح وترجع تشوف تاني
ويا ريت تسامحني لو كنت ضايقتك
ماهر: لا يا عمتو انا مش زعلان منك ابدا
ابتسمت سارة وحضنت مي وسلمت على جميلة وقالتلها: خلي بالك منه
هزت جميلة راسها
ماجد: متنسوش تفتكرونا بحاجة حلوة
ضحكت مي وقالت: قول يا رب
سمعت جميلة نداء الطيارة
جميلة: يلا بينا
ماهر: ايوة
مشيو التلاتة وتابعهم سارة وماجد
نزلت دمعة من عيون سارة وقالت: يا ترى هتعمل ايه يا ماهر لما يبعدوها عنك
هتعمل ايه
***
بعد ما وصلوا الفندق
في الريسبشن
وقفت مي تمضي وتبصم الجوازات
ماهر
سمع ماهر وجميلة الصوت وبصوا وراهم وقتها جميلة
جريت ليلى عليهم وقالت: ماهر انت بتعمل ايه هنا
ماهر بضيق: ليلى مش كدة
قعدت ليلى قدامه وقالت ايوة
ماهر: ايه الصدفة الغريبة اللي رمتك في طريقنا
ضحكت ليلى وقالت: قول انت ايه الصدفة دي انت بتعمل ايه هنا
ساعتها وصلت مي ولقتهم
مي باستغراب: مين اللي معاكم
قامت ليلى من مكانها وقالت: معقولة مش فاكراني
اتفاجأت مي لما شافتها
مي: انتي ليلى صح
ليلى: ايوة انا
قعدت مي وقالت: غريبة اوي انك.معانا في نفس الفندق
ليلى بفرح: ده من حسن حظي اصلي جاية اتفسح وهتبقى الفسحة احلى معاكو
اتنهدت مي بضيق وقالت: لا احنا مش هنتفسح للاسف
ليلى: الله امال هتعملوا ايه
حكتلها مي الموضوع
ليلى بفرح: بجد يعني انت هترجع تشوف تاني يا ماهر
ماهر بضيق: احتمال
كانت جميلة في حيرة من ده كله
وقالت لنفسها
اهي لازمة التمثيلية المحبوكة دي كلها طالما هي عارفة انه ماهر هيعمل العملية
ومين اصلا قالها عنوان الفندق و..
مش يلا نطلع بقا
خرجها من افكارها صوت ماهر
مي: اه طبعا يلا
مسكت جميلة ايده وقالت ل ليلى بضيق : فرصة سعيدة
ابتسمت ليلى في احتقار
مشيو التلاتة
****
في اوضة جميلة
مي: خليكي هنا يا جميلة وانا هاخد ماهر ونروح للدكتور ويليام اللي هيعرفنا انسب معاد للعملية
هزت جميلة راسها وابتسمت
بعد ما مشيو خبط الباب
فتحت جميلة ولفت ليلى في وشها
جميلة بصدمة.: ليلى
دخلت ليلى وبدات تلتفت حوالين نفسها وقالت: مشيو صح
جميلة: انتي عرفتي رقم الاوضة منين
ليلى عرفته زي ما عرفته
قعدت جميلة على السرير
وقفت قدامها ليلى وقالت: ركزي في اللي هقوله
جميلة بضيق: مش كفاية اوامر بقا
اتجاهات ليلى عبارتها وقالت: لما يرجعوا هيحددوا معاد العملية وده طبعا هيترتب عليه حاجات كتير
قعدت على كرسي وكملت: شوفي بقا دورك.هيكون ايه
احنا هنروح المستشفى اربعتنا وهتفضلي معانا وتودعي ماهر
واول ما يخش العمليات تعملي نفسك عاوازاني وتاخديني على جنب وانا هفهمك الباقي
حست جميلة بالقهر والذل والغضب ومقدرتش تتكلم
قالت ليلى بشماتة: ويكون في علمك انه اهلك في الوقت ده هيكونوا في القصر عندنا وانك هتاخديهم وانتي في مصر عشان لو فكرتي تعملي اي حاجة نتصرف
اتفزعت جميلة لما سمعت سيرة عملتها
وعزت راسها
ابتسمت ليلى وبصتلها باحتقار وضحكت ضحكة عالية
وسابت الاوضة ومشيت
***
في المستشفى
دكتور ويليام: اهلا يا ماهر
ماهر: اهلا يا دكتور
ويليام: على الرغم من انه عدى وقت الا انه كنت حاسس انة هترجع
تعالى اكشف على نظرك
استنت مي برا وقلبها بيده بسرعة
بعد نص ساعة خرج الدكتور و ماهر
مي: ايه يا دكتور
ويليام: هايل جدا يا مدام
نسبة نجاح العملية هتكون عالية جدا
مي: وهنعملها امتى
الدكتور: بكرة ان شاء الله
مي: بالسرعة دي
الدكتور: ده احسن معاد وكل ما عجلنا كل ما كان افضل
مي: ان شاء الله
****
في الليل
جميلة بفرحة: يعني معاد العملية بكرة
ماهر: ان شاء الله
اخيرا هقدر اشوفك يا جميلة
ابتسمت جميلة بحزن وراحت حضنته بقوة
ماهر: جميلة
جميلة: سيبني افضل كدة
ابتسم ماهر
***
في المستشفى
مي: بس مش كان ليه لزوم تتعبي نفسك يا مي وتيجي معانا
مي: متقوليش كدة ده واجب
ابتسمت مي بصعوبة
خرج ماهر من اوضته وكان لابس لبس العمليات
جريت عليه جميلة
ماهر: جميلة لازم تبقي اول حاجة اشوفها
جميلة: ان شاء الله
ربنا معاك
ابتسم ماهر وخدوه الدكاترة لاوضة عمليات البصر
مي بقلق: ربنا يستر.
بعد مرور ساعة
غمزت ليلى لجميلة
فهمت جميلة قصدها وقالتلها: تعالي معايا عايزاكي
مي باستغراب: على فين
مردتش جميلة ومشيت مع ليلى
وقفوا بعيد
جميلة بحزن: هاه اهو
طلعت ليلى تذكرة طيران وادتها لجميلة وقالت: خدي دي
دي تذكرة طيران معاد الطيارة بعد اربع ساعات
جميلة بحزن: طب سيبيني اشوفه على الاقل وهعمل كل اللي انتي عايزاه
ليلى بعصبية: انتي نسيتي اهلك
نزلت دموع جميلة غزيرة
ليلى: اول ما تنزلي هتلاقي عند المستشفي سواق تاكسي عربي هياخدك الفندق الاول وبعدين المطار ويسافر معاكي مصر ان شاء الله وتستلمي عيلتك من عندنا
يلا رحلة سعيدة
معلقتش جميلة بكلمة ومشيت
وحست انه رجليها مش شايلاها
وحست بالذل والقهر
وكرهت نفسها
واتمنت لو تموت وتخلص من العذاب ده
تابعتها ليلى لحد ما مشيت بعيد ورجعت عند مي وقالت بحزن حاولت تمثله: جميلة مشيت
مي بصدمة: انتي بتقولي ايه
مشيت
ليه
ليلى: معرفش
فجاة خرجت الممرضة وقالت بلهفة
العملية نجحت
جريوا الاتنين على الاوضة
***
شال الدكتور الشاشة من فوق عنين ماهر الي غمض عيونه وفتحها
ولاول مرة في حياة ماهر
من 12 سنة يشوف النور
وانبهر بالمنظر
الدكتور: انت شايف
ماهر بفرحة: ايوة شايف
شايف كل حاجة
مي بفرحة: ماهر انت شايفني
بص ماهر لعمته وقال: عمرو مي
مي بفرحة: طب قول انا لابسة ايه
ضحك.ماهر وقال: جيبة سودا وبلوزتك الزرقا وشعرك لسه قصير زي ما هو
نزلت من عيونها دموع السعادة وجريت حضنته
ماهر بلهفة: امال جميلة فين يا عمتو
ارتبكت مي ومعرفتش ترد
جميلة مشيت
ارتفع صوت ليلى بالكلمة دي
اتصدم ماهر وبص على صاحبة الصوت
وعرضها من صوتها
عرف انها ليلى
وانصدم اكتر لما بص في الاوضة.كلها وملقاش اثر لجميلة
ولا اي اثر!!!
يتبع في الحلقة الجاية
تفتكروا ماهر هيعمل ايه 😢
مخبيش عليكوا الحلقة دي جابتلي كآبة غير طبيعية وانا بكتبها اه والله 😂😭
أنت تقرأ
🌸 جميلة والاعمى 🌸
Romanceعندما تضطر جميلة للزواج من المليونير الشاب الاعمى فتنقلب حياتها رأسا على عقب
