حب ودموع

١٥

صعد امير الي الغرفة فتح الباب وجد  الغرفة مفتوحة بسبب خوف اسيل لقد كانت نائمة وتحتضن دبدوب كبير  اقترب منها وجلس بجانبها وبدا العبث بخصلات شعرها اقترب وطبع قبلة على وجنتها
اسيل...هش هش
قبل راسها
اسيل...يووووه عايزة انام
وسحبت الغطاء على راسها وادارت جسدها للجانب الاخر
امير...يلا اصحي
اسيل...شوية بقى يا كريم
امير....بس انا مش كريم
ازاحت اسيل الغطاء وجدت امير ينظر لها ووجهه القريب من وجهها اسيل....اعااااااااااااااااا
قاطعها امير عندما قبلها بقوة ثم ابتعد عنها
امير...يخربيتك هيفكروني عملتلك حاجة
اسيل وهي تعتدل من نومها...يعني انتا كدة معملتش حاجة
امير...ههههههه بحبك
دخل كريم راكضا
كريم...يخربيتك بتصوتي لية
ابتعدت اسيل عن امير سريعا لدرجة انها كانت سوف تسقط ولكن لحقها امير وامسكها من خصرها
امير...يخربيتك اني مراتي
كريم...ههههههه يخربيتكم انتو الاتنين قطعتو الخلف انا ماشي
نزل كريم وتركهم
اسيل...انتا اية اللي طلعك هنا
امير...عادي مراتي وطالع اصحيها
مددت اسيل جسدها مره اخري على الفراش
اسيل... طب انا عايزة انام سبني شوية
امير...يلا قومي بقى عايزين نخرج الساعة ٢ ونص
اسيل...دة بجد لسة بدري سبني شوية حرام عليك هو انا هلقيها منك ولا من ماما
امير...انتي مش هتصحي غير بالطريقة دية
حملها امير ودلف بها الي الحمام
اسيل...اية اللي بتعملو دة يا امير الدنيا برد
امير...برد اية الشتا لسة بداه من يومين لحقت تبقى برد الناس لسة مصيفه
اسيل...طب نزلني
انزلها امير امام الحوض
امير...يلا اغسلي وشك
غسلت اسيل وجهها بتذمر ...خلصت اهو يلا اطلع برة خليني اخد دش والبس وانزل
امير .....ماشي
اقترب وطبع قبلة على وجنتها وخرج اخذت اسيل حمامها ونزلت وجدتهم يضعون الفطار
اسيل...اية اللي بيحصل دة
كريم...اية اللي انا شايفو دة
هاله...عوض عليا يا رب
عمر...صباح الخير يا حبيبتي
امير...تعالي اقعدي افطري يلا
كريم...هتخرجو انهرده تروحو فين
هاله...ما تخليك في نفسك اية المصيبة دية
كريم...الحق عليا اصل الشلة كلها هتروح دريم بارك خليكي معاه
اسيل...يا وحشين كنتو هتروحو من غيري
امير...تصدق انت عيل غلس
اسيل...لا احنا انهرده هنروح الملاهي يا سلام
امير...امري لربي ارتحت يا زفت
كريم....ايوة يلا باقي سي..
قبل ان يكمل كلامه كان اصدقائهم دخلو
احمد...اية دة بتفطرو من غيرنا
عمر...هو انت ٢٤ ساعة همك على بطنك
احمد وهو يجلس...معلش معلش ازيك يا لولو
هاله...ازيك يا خويا ازيكم يا بنات
ريتاج...الحمد لله يا طنط
هدير..ما بدري يا اسيل
اسيل...والله ما كنت هصحي ياختي دة امير هو اللي صحاني
جميلة...هتيجو معانا
امير...ايوة للاسف
احمد...العيش فين
هاله...هههههه يا مفجوع ماشي هقوم اجبلك عيش
ضحك الجميع عليه انتهو من الافطار وخرج الجميع
احمد..هنتوزع ازاي
امير...مش عارف
ريتاج...طب بصو انا وهدير واسيل وجميله مع بعض وانت وكريم واحمد مع بعض
اسيل...قصدك البنات مع بعض ووالولاد مع بعض اشطا
هدير...نطلع بعربية اسيل
كريم...ماشي
ركضت الفتيات الي سيارة اسيل
جميلة...انتي هتجري يا اسيل
اسيل...اة شوية
جميلة...لا انا بخاف انا هروح اركب مع الولاد
ونزلت قبل ان تسمع اليهم
اسيل...دية مجنونة ولا اية
ريتاج...مهو انا مش هعرف افضل قاعدة هنا وهي هناك هموت واعرف هتعمل اية لحسن تحب في كريم
هدير...ولا احمد
اسيل...ولا امير احيية هنعمل اية
ريتاج...مش عارفة
اسيل...ههههه شكلكو فظيع انا بهزر مش هتعمل حاجة يلا انتو مكبرين الموضوع كدة لية
هدير..مش عارفة يلا اتوكلي على الله
احمد... اية دة مش دية جميلة
امير... اية اللي جابها
كريم...مش عارف
جميلة ...كويس اني لحقتكم اصل اسيل بتقول هتسرع وانا مش عايزة هركب معاكو
امير...اية اسيل هتسرع انا هروح اركب معاها علشان ميحصلش حاجة
نزل امير سريعا من الخلف وذهب اتجاة سيارة اسيل
جميلة في سرها ...ماشي يا امير بس صدقني مش هسيبك لا انت ولا حبيبة القلب بتاعتك
كريم... اية يا بنتي ما تركبي
ركبت جميلة في الخلف
اسيل....اية اللي جابك
امير...يعني امشي
هدير..ههههههههه لا
اسيل..مش قصدي
امير..جميلة قالت انك هتسرعي وانا قولت اجي اركب معاكي
ريتاج...فيك الخير
نزلت ريتاج من جانب اسيل وركبت في الخلف وانطلقو الي الملاهي وصل الجميع وبدؤ في التنقل بين الالعاب حتى وقفو امام بيت الرعب
اسيل...مش هدخل يعني مش هدخل
كريم...مهو مينفعش ندخل كلنا وتفضلي انتي واقفة كدة
ريتاج...بطلي بقى غتاتة تعالي
اسيل...لا يعني لا
جميلة... خايفة من لعبة يا اسيل
اسيل...ايوة خلاص
احمد...ادخل يا عباس
اسيل...لا انتو مش سامعين الناس بتصوت ازاي
هدير...دول ناس تافها يلا يا اسيل
امير...خلاص روحو انتو وانا هجيبها واجي
كريم...اكيد
امير...اكيد
ذهب الجميع لحجز التذاكر
امير...يلا يا سيلة
اسيل...لا
امير..يلا خايفة ازاي وانا معاكي
اسيل...بيقولو رعب اووي لا انا خايفة
امير..هتخافي من اية بس ما كلنا معاكي اهو وانا جنبك ومش هسيبك
اسيل...وعد
امير...وعد
وضع يده على كتفها وذهب اليهم
كريم...اخيرا كفارة يا شيخة
احمد...يلا بسرعه نلحق ندخل
دخل الجميع ظلت اسيل مغلقة عينيها وممسكة بامير بقوة
امير..بس يا اسيل افتحي عنيكي متخافيش
اسيل...لا انا خايفة
امير...طب افتحي وانا معاكي
بدات اسيل بفتح اعينيها ببطئ وجدت ظلام دامس
اسيل...عاااااا يا ماما الدنيا ضلمة كدة لية
كريم...بس يا ايسو متصوتيش في ودني
اسيل...لا انا عايزة اخرج يا ماما في حاجة ماسكة في رجلي
احتضنها امير مهدا من روعها...هشششش بس خلاص شوية وهنطلع
خرج الجميع بعد مدة
جميلة... كان حلو اووي
اسيل...فين الحلو دة
احمد...بلاش تتكلمي علشان انا مش مسامحك على اللي عملتية في ودني
هدير...ولا ودني
اسيل...خلاص بقى انا اصلا غلطانة اني ركبت معاكم
امير...خلاص محدش يدايقها
ريتاج...هييييييح ربنا يسعدكو انا عايزة من دة
هدير....عندك اخوات او قرايب بس من نفس الشكل دة
اسيل...اية يا ماما اية يا حبيبتي منك ليها
كريم....بطلو لعب عيال ها هتلعبو اية
اسيل...الشلال
احمد...شلال اية في الشتا دية
اسيل...شتا اية بالنص كم اللي انت لابسو دة
كريم...شوفو حاجة غيرها
اسيل...لا مليش فية زي ما دخلت معاكم بيت الرعب تيجو معايا الشلال
امير...خلاص يبقى احسن بردو تعالي انا وانتي نركب لوحدنا
هدير....طب نتقابل فين
اسيل.....لما نخلص نتصل عليكم
كريم....ماشي
ذهب امير و اسيل الي الشلال لعبو بة مرتين نزلت اسيل وهي تضحك
اسيل...يلا يا حبيبي شد حيلك شوية
امير...خلاص انا تعبت يلا نقعد
اقتربت اسيل منه وقالت بدلال....تؤتؤ بس انا عايزة العب عربيات
امير...هههههه قديمة اللي بعدو
اسيل...يووووه خلاص مش عايزة حاجة
ذهبت من ولكنه سحبها الية واحكم على خصرها
اسيل...انت بتعمل اية يا امير نزل ايدك احنا في الملاهي
امير....واذا مش انتي مراتي
اسيل...يا امير مينفعش كدة يلا بقى
افلتها امير من يدية...ماشي براحتك
اقتربت هي منه وطبعت قبلة على وجنته
اسيل....يلا بقى علشان اتصل عليهم اشوف هما فين
امير...لا تعالي نتمشي شويةة
اسيل...ماشي
شبك الاثنان اصابعهم معا وظلو يتمشو قليلا
اسيل...الله امير عايزة غزل البنات
امير...لية
اسيل....هو اية اللي لية عايزة اكل غزل البنات
امير....حاضر
ذهب امير واحضر اثنان
امير...اتفضلي
امسكتة اسيل وبدات في اكلة باستمتاع وتلذذ
اسيل....امممم طعمو حلو اووي انا هعزمك على عصير
امير...عصير اية بقى
اسيل...عصير قصب
امير...هو دة اخرك في الرومانسية
اسيل....كدة
امير....خلاص يا ستي تعالي نشرب
ذهب الاثنان وشربو العصير وعادو مرة اخرى الي المنزل
******************************
تتوقعو الاحداث الجاية هتبقى اية بين امير واسيل؟
ويا ترى جميلة هتعمل اية ؟
توقعاتكم وارائكم تهمني😍