حب ودموع

٣١

دخل كريم وهو مزال محتضن اسيل ودخل خلفه امير وانزل الشنطة الخاصة بها نزل والديه من الاعلى بعد ان سمعو صوت بكاء في الاسفل
هاله..... اسيل حبيبتي
عمر...مالك بتعيطي لية
لم ترد اسيل وكانت تبكي
كريم...في اية يا حبيبتي انتا عملتلها حاجة
لف عمر وهاله وجههم الي امير الذي كانت تعابيرة ثابتة
امير....لا عن اذنكم
وغادر سريعا حمل كريم اسيل الي الغرفة وظل بجانبها حتى نام الاثنان معا مر يومان كانت اسيل لا تقابل امير ابدا عندما ذهبت الي الجامعة وجدت شلتها تجلس
احمد...ازيك يا سوسه
اسيل...اسبتو ابوس ايديكم انا ايسو او سيلة او عباس بس
ريتاج....ايسو حبيبتي احنا عايزين رحلة للصحرا من بتوعك
اسيل....من عونيا امتى
هدير...دلوقتي الساعة ١٠ الصبح والشتا لسة مخلصة يعني الجو هيبقى حلو ويسلام لو بعربيتك
اسيل..طب يلا
كريم...بلاش جنان
اسيل... يلا يا كيمو
كريم... انا عارف اني مش هخلص منكم يلا
وما ان وصلو الي سيارة اسيل حتى جائت جميلة وهي ممسكة بيد امير لفت اسيل وجهها للجهه الثانية
اميرة ...رايحين فين؟
ريتاج...طالعين سفاري
جميلة...بجد طب هنيجي معاكم يلا يا امير
امير...بس يا روحي ..
جميلة...من غير بس يا حبيبي دية اسيل بتجنن
جاسم...ازيك يا اسيل
اسيل...الحمد لله يا جاسم انتا عامل اية
جاسم... كويس الحمد لله
اسيل...تعالا معانا
جاسم...فين
اسيل...هنطلع سفاري دلوقتي
جاسم...بس...
اسيل..تعالا انتا هتنبسط اوي
كريم...طب كدة احنا كام
احمد....٨
اسيل... وعربيتي بتاخد خمسة ورا وتلاتة قدام يعني اتنين يقعدو معايا
جميلة ...خلاص انا وامير و اسيل قدام وانتو ورا
جلست اسيل وتعمد امير ان يجلس بجانبها كانت اسيل تسوق مسرعة والهواء يطير شعرها الي ان رفعت نظارتها لترجع شعرها للخلف كان امير عينية لا يفارقا اسيل الي ان وقفت اسيل في احد المناطق الخالية تمام في الصحراء نزل الجميع معادا اسيل
جاسم...اية مش هتنزلي
ريتاج...لا العرض الاول
امير...عرض اية
كريم...انتو متعرفوش خليها مفاجاة
وفي دقيقة كانت سيارة اسيل تسير مسرعة جدا وتدور في مكانها على شكل خمسات وتتحرك لقد كانت بارعة في حركات السيارات الخطيرة كانت الفتيات ينظرن لها ويصرخون حماس لها بينما امير كان خائف جدا عليها انتهت اسيل ووقفت امامهم
كريم...يا جاااامد
جاسم...يا جبروتك اية كل الحركات دية انا معرفش اعملها
اسيل ...ولا حد من عندي بيعرف يعملها
جلس الجميع
امير....ماما بتقولكم انكو معزومين عندها بكرة كلكم
كريم... ان شاء الله
رجع الجميع الي منازلهم في الصباح دقت اسيل المنزل
زينب ....متاخرة نص ساعة
اسيل... يا ماما انتي اصلا عزمانا الساعة ٤ العصر الساعة دلوقتي ١٢ دة انا جاية بدري ٤ ساعات
زينب...طب ادخلي يا لمضة جبتي الحلويات
اسيل...ايوة يا ماما اهي
زينب ...مين اللي عملاها لو جيباها جاهزة هتاخديها معاكي وانتي مروحة
اسيل...لا واللهي انا اللي عملاها
شريف...ازيك يا سوسو
اسيل...الحمد لله يا بابا ها يا ماما عملتي اية
زينب ....مبقاش غير البامية والملوخية المحشي جاهز
اسيل...يا نهار محشي وبامية وملوخية طب انا اللي هعملهم
زينب...ماشي يا روحي بس اعملي كوبايتين نسكافية واحدة ليكي و واحدة لامير علشان اصحية
اسيل...بس
زينب...سمعتي انا قولت اية. يلا يا حبيبتي
ذهبت اسيل الي المطبخ لتصنع المشروبات بينما صعدت زينب الي الاعلى
زينب...انتا يا ولد امير يلا اصحى
امير....حاضر يا ماما ممكن نسكافية
زينب...اسيل بتعمل اهي
انتفض من مكانه....اسيل بتعمل اية هنا
زينب...وانتا مالك انا عزماها على الغدا
امير...بس الغدا الساعة ٤
زينب...وانتا مالك خليك في نفسك وملكش دعوة بيها
امير....لا ليا يا ماما اسيل مراتي يعني كل حاجة ليها انا ببقى ليا فيه
زينب....وانتا فاكر انها هتسكت
اما في الاسفل انتهت اسيل ووضعت الاكواب في صينية ووضعتها على الطاولة
شريف... لا طلعيها فوق مش عندي
اسيل...يا بابا..
شريف... زينب كمان فوق اطلعي متخافيش انزلت اسيل الكوب الخاص بها وحملت الثاني وصعدت قبل ان تدخل سمعت كلامهم
زينب...انتا اصلا مش مقدرها ولا تستاهلها
امير بغضب...ايوة انا مش بقدرها وكمان مش بحبها ايوة مش بحبها ارتاحتو
كانت اسيل تسمع كل هذا ولم تتحرك كادت زينب ان ترد ولكنها وجدت اسيل تقف عند الباب
زينب...اسيل
لف امير وجهه ليلتقي بعينها الخضراء التي تحولت للون الاحمر بسبب البكاء ظلو ينظرون لبعض مدة خرجت زينب لتجعلهم يتكلمون سويا تقدمت اسيل ووضعت الكوب على الطاولة ونظرت له كادت ان تذهب ولكن امسكها امير وادارها الية حاولت اسيل ان تفك يده ودموعها تنزل
اسيل...سبني بقى
امير...لا مش هسيبك عايزة تقولي اية
اسيل...طلقني انا مش عايزاك ولا انتا عايزيني ولا بتحبني سبني
امير...مش هسيبك انا حر
اسيل،..وانا كمان حرة يبقى ملكش دعوة بيا
امير...لا ليا دعوة وكلمة طلاق دية متقوليهاش تاني وقت ما اقرر هنطلق
اسيل...وانا مش امينة يا سي السيد وهطلق يعني هطلق ولو رفضت هخلعك
سحبها امير من شعرها...فكري اعمليها وساعتها مش هتلومي الا نفسك
اسيل...ااااه شعري سبني بقى
فك امير قيدها وامسك خصرها بين يديه
امير...تحترمي نفسك وانتي بتكلميني وجاسم بتاعك دة ملكيش دعوة بيه والكلام يوقف فاهمة ولا لا
كانت اسيل فقط تنظر له ولا تتحدث كانت ترتجف بين يديه رفع امير يده من خصرها ومسح دموعها بيدة كانت اسيل مستغربة من فعله ولكن وجدته يقبلها بقوة وحب وشغف كانت لا تتحرك بين يديه ساكنة تماما ثم ابتعد عنها واصبح ينظر لعينيها الخضراء دفعته اسيل بعيد عنها توجهت الي الباب ولكن قبب ان تغادر
اسيل...يا ريت تبقى تحترم خطيبتك في عدمها قبل وجودها
ثم اغلقت الباب مسح امير بشده على شعره كانه سيقتلعه فهو يعلم كم يصبح ضعيفا امامها ثم نزل بعد مدة وصل الجميع وجلسو على الغداء وجلس امير بجانبها
ريتاج...بكرة يا اسيل هتروحي عند العميد
اسيل...واللهي مش عارفة من غيري كنتو هتعملو اية
احمد...طب ياختي طبعا فرحي اتاجل بقى بعد بكرة وكل حاجة تمام ومش باقي غير على الجامعة
اسيل..هههههه احلى حاجة ان كل حاجة جاهزة الفساتين والقاعة والفلة جاهزه
ريتاج...يا نهاااار دة انا هبدع في الفرح
احمد...ابوس ايديكم مش عايز الفرح يبوظ
اسيل...بص مفيش فرح اسيل تحضرو ومتسكوتش لازم احط البصمة بتاعتي
هدير...يبقى الفرح باظ
ثاني يوم طرقت اسيل الباب
على...اتفضل
دخلت اسيل وجدت المعيد. معه جاسم ابتسم لها وبادلتة البسمة
علي...خير يا اسيل في حاجة
اسيل..طلب صغنون خالص يا دكتور
علي...اؤمري يا اسيل
اسيل...احمد و هدير حضرتك عارفهم
علي...ايوة مالهم
اسيل...فرحهم بكرة وكانو عايزين اسبوع بس هيغيبو فية وخايفين يحصلهم فصل فا ياريت تديهم اجازة
علي..بس..
اسيل...يا دكتور هو اسبوع واحد وهيرجعو تاني عرسان
علي...ماشي يا اسيل علشانك
اسيل...شكرا يا دكتور ١٠ ايام زي ما اتفقنا
علي...يا نصابة
اسيل...شكرا يا دكتور يلا عن اذنكم
ضحك لها جاسم
احمد...طمنيني
اسيل...معاك ١٠ ايام بس وبعدين ترجع تاني
احمد...بس
كريم...احمد ربك
اسيل..كان اسبوع وخليتو عشر ايام
هدير...طب يلا نخلع
جاسم...رايحين فين
اسيل...اعااا حرام عليك يا جاسم فزعتني
احمد...وانا قطعت الخلف وانا لسة عريس
ضحك الجميع ومر اليوم سريعا
************************************
اية اللي هيحصل بين اسيل وامير ؟؟
و الفرح هيحصل فيه ايه؟؟؟
توقعاتكم وارائكم تهمني😍