بقلمي اسـاور العزاوي
انه شسويت بنفسي شلون ورطت نفسي
هالورطه.. كله بسبب ابويه كتلة ماريد اتزوج
گمرة اليوم عرسي على جابر احس نفسي
مخنوكة كعدت من الصبح ابجي
ام گمرة ولج شبيج تبجين بيت عمج قريب
حوالينه وجابر خوش جابر عيونج مورمه كافي بجي ياعيني
كمرة ماكدرت اسكت...
يمه والله حطيتي بركبتكم انه ماريدن جابر
وانتو ضلمتوني يجي يوم وتتندمون على هذا
الزواج شلون انطاكم گلبكم هالشكل تسوون بيه
ام گمرة اسكتي والله ان سمعج ابوج واخوج
يذبحونج وانتي عدلةة كومي كافي تعالي اكلي شي ماتردين
كمرة ماريدن شي اريد الله يموتني
ام كمرة .. كتلج كافي لايسمعج ابوج السانج طولان ولج،.
وضاح.. اليوم عرسهااا لازم ماكوون ضعيف انه لازم احضر عررسها واباررك الها بنفسي
كمرة اجتي فطيمه ووضحة سسولي المكياج وشعري ولبسوني البدله.. وكعدوني ننتضر
اهل الزفه بجون..
ام جابر ولجن خايبات شبيجن دهوسن ويايه هذا عرس جابر يستاهل احلى هوسه..
فطيمة اي هاي خلوها علي .. دكي ولج
ريمة ويايه..
عروستنه واخذناها بعد شنهي العواذل
كلووووش الي يريد يتبارك يجي بصفگة وهلاهل
👏🏻👏🏻👏🏻👏🏻👏🏻
فطيمة هلا هلا
ام جابر ولجن اجة جابر تسترن البسن يبنوات
جابر.. اكدر افوت اكو طريق؟؟
ام جابرر. فوووت بعد امك
جابر السلام عليكم
كعدت يم كمرة.. شلونج يكمرة ..
كمرة .. مارفعت راسي بس كلت الحمدلله
ام جابر يلا شوكت نزفكم وناخذها للبيت
جابر.. يمه انتضر ولد عمي ووضاح اتأخر
لازم انتضرهم موراهمة ..
وضحة اجوي كلهم هسة شفتهم..
جابر.. يلة خير ان شاءالله .. نمشي!!
ام جابر اي ماعدنا شي نمشي..
كمرة من جابوو اسم وضاح روحي فرفحت
كوو زفتي عليك يوضاح..
الكل وبهوووسة...
نتشكر من كال اخذوها نتشكر من عمها واخووها هلاهلا كللووووش
وضحة الكل جان واكف هووسه ماكدر اميز
البركع على وجهي
وضاح لبست دشداتي البيضه وصايتي
والغترة والعگال .. شلت بيدي البرنوو وتحزمت حزام وصلت العرس حسيته موعرس جنازه
وانا الميت بيها..
كمرة البركع على وجهيي بقيت اعاين عالزلم وانه ماشية ركزت زين اي والله هذا وضاح اعرفه
من طووله رحت فدول لجدامه.. طالع بالصايه
مثل زين الشباب والله شيخ
