قصتي مع حبيبي تشين (exo)

بارت 10

مهم هز تجاكيط و نزلنا حبسنا عساس قال ليه معدوش حق يخرج ايلا بإدن مدير هههه
مديت ليه ورقة وانا كندير فيه شوفات العدو غناكلو مهم طل بزربة و رجع لينا ورقة حمد مخليتش ليه وقت فين يشوف شروط ههه خلعتو
هنا غتبدا رحلتنا انا حبوبي ،، مشينا ف لوطو ديالو واحد ريسطو طلبنا شلا ماكلة
(نشهيكم ههه : ،kimbap - kimchi - noodle)
دخلت ف دكشي طول عرض خخخ مع شوية بروطوكول فلخر مد ليا سوجو جاب الله عرفتو شراب
قلت ليه نن منقدرش نشرب حرام هوا تقبل فكرة انا مسلمة
مهم خيطنا دروبا كوريا سلينها بمدينة ملاهي lotte world  ، وهيا موي والحافيظ الله اش هادشي قدامي لا كنحلم باغي يقتلني ولد الهم جيت هاربة و يجرني ركبنا ف ديك تران كيبقا طالع نازل ف سكة صافي قلبي غيسكت زراقيت صفاريت موت كحلة نزلنا كنت غنرض غاع داك سباغيتي لي كليت هو مات عليا بضحك حيت مجرب ايوا اراك الفراجة ركبنا فواحد دوارة كبيرة  حنا عندنا غير كدور فبلاصتها  اما هادي كدور و كتمشي و كتجي غا نزلت طلقت رجلي ريح والله لابقيت هنا باغي ينتاقم معامن نتا
انا هاربة و هوا تابعني و كيضحك جاب الله داير كاسكيط معرفو حد كون شوهتو متعاود لحد حبست تا بعدت ههههه مشيت عدو مخنزرة قلتليه خلص فالطة و هوا ضاحك و ضربني راسي ،، داني شرا ليا كلاص واهيا ناري فين يبان كلاص ديالنا
بركنا كنضحكو سولني
تشين : شحال نتي هنا
انا : 5 ايام باش جيت و بقات ليا 4 ايام اصلا جيت على قبل حفل ديالكم مكيصحبنيش غتيح ليا فرصة نخرج معاك حظ وقف معايا
تشين : بصح هاد شي كامل على قبلنا
انا : وي خصوصا نتا ههه (عوتاني حشم ولد الهم تلفات ليه هضرة )
شوية جبد طيلي لقا مندجير دايلو غيطسطا بتعياط ههه كحلناها
شوية شد طيلي و طفاه اتا تعجبت من تصرف ديالو
(مهم لبغيتو تعرفو اش غيوقع ف بارت ١١ بليز vote والله حتى تعليقاتكم كتشجعني )