نعمة ؟ ....عيوووون نعمة قلب نعمة من جوووة ....حبيبتي انتي 😍 ممكن ترسلي لي رقمك اموووت و اسمع صوتك حبي ....طوالي حبيبي أنا كمان بتمنى اسمع صوتك و دا رقمي تمام ؟ .....حبيبتي ممكن اتصل بيك اسي ولا لا ؟....اتصل طوالي ماف زول في البيت انا براي ....جاري الاتصال 😍 ....
الوووو ....هلا والله ....اهلين كيفك ....الله ليهو الله صوتك تووووحفة حبيبتي ....تسلم 😊 ...تسلمي لي انتي ياخ ....اهااااا ....لازم نتلاقي في اقرب فرصة يا نعومتي ....أحمد انا كلمتك قلت ليك مابقدر اطلع إلا فيما ندر لانو حسن زوجي ما بخليني اطلع كتير و بعدين سبب واحد يخليني امشي الخرطوم ماف حتى لو طلعت حدي المحطة حقتنا ....حبيبتي كدا ما ينفع يعني انتي ما بتحبيني ؟ ....لالا. والله بحبك و بموووت فيك بس مشكلتي ما عندي طريقة ....ما عايزة تشوفي حبيبك ؟ ....والله اموووت و اشوفك بس اها كيف طيب.... لو بتحبيني بالجد بتلقي ليك طريقة عشان نتلاقي ....طيب طيب خلاص بشوف و بديك خبر ....ب...ح...ب ....باب الشارع دق نعمة وقعت التلفون من اضانة من الخلعة و قفلت الخط بدون مقدمات و مشت علي الباب ....السلام عليكم ...ح ح ح سسن كيفك ان شاء الله كويس ...الحمدلله كيفك انتي كيف قيلتي ...الحمدلله تمام ...ملص الجلابية و مشت نعمة سريع جابت ليهو الموية الباردة و قعدت جنبو في السرير االمقابل ....حسن بعد شرب ....الحمدلله الاولاد ديل ما جو لسة ؟... بري والله لسة ما جو...سمر قالت عندها خصوص مسائية و سمير قال ماشي مع اصحابه بعد المدرسة عاملين جمعة كدا في الحدائق ....ايوااا عشان كدا كدا اول مرة يتاخرو قدر كدا ....رقد حسن في السرير نعمة قالت ليهو اها اجهز ليك الحمام ؟ ....ايوة والله فتران فتر ....مشت نعمة جهزت الحمام و الغدا سمر دقت الباب جات فتحت ليها لقت حسن استحم ...جات سمر جنب ابوها قالت ليهو يا ابوي الامتحانات خلاااص على الابواب و انا ما بديت ولا مادة ....لالا يا سمر انا والله عندي ثقة كبيرة فيك تجيبي نسبة كبيرة تدخلك الجامعة ما تخيبي ظني ... والله يا ابوي بحاول لكن عاين نحنا دوامنا طويل كيف و اسي دي العشاء يأذن ولا بلقي نفسي عملت شي ....سمر كدي قومي اخدي ليك حمام و نتغدي و اخدي راجتك بالكامل لحدي المغرب كدا قومي اقري بتلقي زمن و بعدين الحصص المسائية دي كان باريتيها ياكي الاتلخمتي احسن ركزي براك ....خلاص يا ابوي حاصر والله انا زاتي حاسة بيها ضياع زمن و قروش مشت سمر استحمت و اتغدو كلهم مع بعض و سمر تتونس معامها بالبنات الفي المدرسة ووزعو ليهم اوراق عمل ....المساء سمير جاء السلام عليكم يا امي كيفك اديني رضاك ....اهلا حبيبي الله يرضي عليك كيف اليوم و اصحابك اخبارهم شنو ....والله الحمدلله تمام ....اصبح الصباح و سمر عشان ممتحنة مركزة في دراستها جدا و سمير بقرا في تانية ثانوي و اساسا مفترض يكون في تالت مع اختو بس رمتالي و القراية دي ما زولة المساء يمشي مع اصحابو شلتو يمشو يتونسو بالبنات و كلام فارغ ما عندهم للقراية شي .....و ابوهم حسن زول في حالو مسكين و عندو محل في السوق زي بقالة فيها الزيوت و الدقيق و الحاجات دي بس ما بتقدرو تقولو بقالة لانو ما فيها تلاجة و لا عصائر ولا منتجات تتاكل كلها حاجات تموينية و كركدي و عرديب و كبكبي وما الي ذلك بمشي يلقط رزقو ....الجديد عند نعمة اتعرفت على شاب في الفيس و بقت عايشة قصة حب ممنوع معاهو و هي زاتها ماعارفة نهاية القصة دي شنو اكيد مازواج ههههه لانو ولد صغير عمرو 21 سنة بس هي حاسة انو زوجها ما موفر ليها الكلام الحلو البشبع حاجتها العاطفية و حبيبها السوشلي دا ( أحمد ) موفر ليها الكلام المعسول و كل متطلباتها العاطفية مشبعة ....بعد مشى اي زول لي شغلو ادت نعمة احمد مسكول ...
يتبع....
