صدمة العمر
بقلمي ام آيه
ملاك:شو من وكع اكرم حسيت بتأنيب الضمير وانقهرت عليه هوايه...وخفت عليه شلون خوفي على ابويه..
ولو ماكو ربط بالعلاقه بين الاب والزوج ..
بس اني جنت دائما احس بتعامله ويايه كآب مو كحبيب
ام اكرم:يمه اسم الله وليدي يبوووو اكعد شبيك لتحرك كلبي عليك
ملاك:كلش ارتبكت وخفت وعمتي ابد مسكتت خبلتني بالصياح والجهال بس يبجون وخايفين من صياحها....راسا دكيت على ليث من تلفون خاله..
ليث:دكت امي واني يمي ناس ...كلت بس امشيهم واجاوب...بس هيه لحت بالاتصال...خفت وجاوبت
هايمه شكو شبيج
ليث اني ملاك...تعال اكرم متخربط واكع بالكاع
ليث:اجيت بتكسي خلال دقائق اني يمهم...وشفت اخويه منتهي لاايد ولارجل وامي كالبه الدنيا بالصياح
وملاك واكفه حايره متعرف شتسوي...
اخذت سويج سياره اكرم وصعدته كوه لان مغمى عليه..
واخذت امي وملاك وطلعت ...والجهال ذبيناهم يم جوارينه وخابرنه موج تجي عليهم
وصلت المستشفى ومنهار تماما لان حاس اخويه ميرجع ويانا بعد فد مره صاير..
ملاك:ليث يبجي ومنخبص بااخو وميعرف شيسوي
كلش انقهرت وحسيت بالذنب
بقيت ابجي وادعي ربي يكومه من هالمحنه لخاطر ولده...
وحلفت ويه نفسي بس يكوم سالم ..اعوضه واتقبل وضعي لخاطر جهالي لان ماريدهم يتيتمون..
مابيدنه بس الدعاء ..
الطبيب:المريض وضعه مو زين وشاكين بي سحايه واحنه راح نسوي اللازم..لو يطلع مشلول لو متوفي
ام اكرم:يبووو عليك ياحزام ظهري..ياسندي ابو بيتي انت ابني ورجلي وكل عشيرتي
ليث:يمه سكتي كافي تنوحين موزين وادعيله
ملاك:الوضع يخوف وهو بالعمليه..بقينه ننتظر وره ساعه وطلع الطبيب!
الطبيب:البقيه بحياتكم ..
ملاك:طلعونيا جنازه... الله ينتقم منهم
ام اكرم :يبووووووو...صخام وعزه العزاج سنيه ،راح راعي بيتج وحزام ظهرج...منو الي من بعدك ياغالي...كون اني توكع ورقتي ولا انت ...راح الحنين ابو كلب الجبير ...راح الطيب ابو نفس الطيبه...تعال ربي ولدك يايمه المن عفتهم...عمر وعلي ابوكم راح...
ياليث راح سندك وعزوتك...احركت كلبي ياشمعه بيتي وكسرت ظهر امك يايوووم..
ملاك:صدمه وهزتني ولااول مره حسيت اكرم اله مكانه شكبرها بحياتي
ملاك:ليث يضرب براسه بالحايط اوف ياخويه رخصت نفسي لاجل عيونك وينك ياسندي تعال لخاطر الخوه لتعوفني ...تعال يابويه فتحت عيني عليك وماوعيت على ابويه
ملاك:البيت صار جحيم...عمتي تكسر الخاطر وحال الضيم حالها..
اللهم لاشماته بس رب العالمين يمهل ولايهمل ودعوتي حركه كلب عمتي ...وحركه كلبي على ضنايه الي تيتموا وهمه صغار.
الكل حالهم يبجي واني ابجي على ولدي سبحان الله بس مات ابوهم راسا بينوا ايتام..
(علي وعمر)عمرهم سنه ونصف ...بين النسوان يفترون ويصيحون بابا بابا..
كملت 3 ايام الفاتحه وحضرت غراضي حتى اروح ويه اهلي..ومن دنطلع عمتي دكت رجل
ام اكرم:على جثتي يطلعون ولد اكرم من البيت
ابو سامر:حجيه ميصير تبقى البينه يمكم بعد ..هيه ارمله واكو شاب بالبيت وحجي الناس ميرحم
ام اكرم:اخذ بنتك وعوف جهال ابني
ملاك:خاله مانطي ولدي لو اموت ....تريدين تتحكمين بمصيري هسه هم ...ولدي بحظني
ملاك:صار صياح وهوسه اهلي مصرين ياخذوني وعمتي مصره تبقي الولد يمهااا
واتدخلوا ناس من الموجودين وحلوا الاشكال
واستقر الرآي ابقى بالمشمل مالتي وليث ميطب لبيت اهله بس وقت النومه...
ملاك:ابويه عنده المبادئ والمثاليات اهم من كلشي
هم معجبه الكلام...وافق بس بشرط اخويه يعيش يمي...
بقيت ويه عيالي واخويه عايش يمي وجانت عطله وبعدين بده دوامه وكام ميبات يوميه الما انقطع عني تماما..
ملاك:كملت العده كلها ..
وبديت انزل جوه وعمتي تعبت حيل وره وفاه اكرم وضربتها جلطه ...روحها معلكه بعلاوي وعموري
ليث:موتت اخويه كسرتني ..وشلت المسؤليه وعمر وعلي صاروا بركبتي..
علاقتي بشهد عاديه واني بعز قهري وهي تلح بشغله الزواج ومتقدر ..وصارت هوايه مواقف وحسيتها كلش زعطوطه..
مرت 9 اشهر على وفاه اكرم واني كاعده عليهم..وليث مداريني ومداري جهالي ممقصر باي شي عليهم ..وحتى تعلموا يصيحوله بابا
طلعت السنه مالت اكرم...وفد يوم طبت شهد وامهاااا
علينه العصريه وبدون حتى ليث ميدري...
ملاك:رحبت بيهم وطببتهم على عمتي
ام اكرم :استريحي ام شهد نورتينه....ملاك خابري ليث خل يجي هسه
اي عمه حاضر..
ام اكرم :اجه ليث وملاك موجوده وشهد وامها هم كاعدين...
ام شهد:عيني ام اكرم انتي تعرفين الاصول ...وابنكم مات والله يرحمه والحي ابقى من الميت..واحنه احترمنه حزنكم..بس ميصير البنيه تبقى معلكه صار اكثر من سنه والناس اكلوا وجهنه ...مادام طلعت السنه اكطعوا مهر لبنتي واخذوها سكتاوي واحنه قابلين
ملاك:تحجي ام شهد وانعصر كلبي على ليث
ام اكرم:كلامج على عيني وراسي..واني اليوم كبل باجر رايده جيت شهد لهالبيت..راح ازوجهم بس احط شرط توافقون عليها كان بها...ميعجبكم شرطي كلمن يروح لحال سبيله...واحنه بعدنه على البر مادام بس خطوبه
ليث:اني صافن على امي وام شهد وحده ترفع و وحده تكبس وانتظر وين راح تصفه بالاخير
ام شهد :اسمع شرطج ام اكرم
🎀🎀🎀🎀🎀🎀🎀
ملتقانى مع الجزء الاخير (حاليا في طور الكتابه)
شوفوني تفاعلكم وزيدوا من حماسي 🌸
اوقات ممتعه
ام آيه
