صدمة العمر
بقلمي(ام آيه)
ام شهد:شنو شرطج حجيه نسمعج
ام اكرم:شرطي هو....نكطع مهر ليث وشهد ...ونفس الوقت نكطع مهر لملاك وليث
ملاك:فتحت حلكي وبقيت صافنه..شدتحجي عمتي
ليث:بصراحه فاجئتني امي ..بس اكذب اذا كلت معجبني الشرط..
ام اكرم:اني ولد ابني بس همه البقولي من ريحته لاابوهم... وامهم حلوه وصغيره وراسا يجي نصيبها وتزوج واني ماريد ولد ابني يربون عند الغريب...اريدهم يربون بحضن عمهم
ام شهد:شنو هالحجي ياحجيه بنتي لاعايره ولابايره حتى تقبل بضره..
ملاك:صار خلاف بين عمتي وام شهد وليث بقى ساكت معترض...
راحوا اهل شهد و وره 3 ايام اجتي موج ودازين اهل شهد بيدها النيشان والذهب وكالت يكولون ماكو نصيب...
ليث:عادي مهتميت لكلشي لان اصلا محبيتها بالخطوبه بس شغله تعويد...واني اصلا كلبي يم ملاك..
ملاك:فرحت حيل وحسيت رب العالمين راح يجمعنا من غير موعد مثل مافرقنا بدون موعد..
كبروا جهالي وصار عمرهم 4 سنوات وليث يعاملني بكل احترام ومدلل جهالي..
واني ممقصره وياهم وشايلتهم شيل ..
رفعنا حاجز الخشب من الداخل وصار البيت كله مفتوح لان خاله روحها معلكه بالجهال..
ملاك: كعدت الصبح وكتله ليث اريد اروح لاهلي ابويه البارحه متخربط وهسه خابروني.... عفيه وديني اروح اشوفه
ليث:اتحضري هسه اوديج ...اخذتهم ورحت...وبالطريق سألتها شوكت ارجعلكم العصر لو بالليل..
ملاك:ليث تعالنه باجر لان اريد ابات يمهم اليوم
ليث:لاملاك الله يخليج لتباتين ....اجيج بالليل لان اضوج على الجهال ..واضوج عليج كلتها بهمس
ملاك:كلبي كام يرجف ممصدكه..وبمجل كتله يله مرلي المغرب وتلكاني حاضره...
ابويه كالعاده سمعني موشح طول بعرض....تعبت من حجي الناس وكلها تسمعني وتلومني
وابويه يوميه هاد عليه لان كاعده ويه حمايه ويحل عليه..
صارت عدنه وفاه واتوفت خالت ليث...ورحنا للعزه
ملاك:ماقصرت وياهم بالفاتحه اول يوم بس اشتغل بالمطبخ وكل شويه سامعه حجي من النسوان :
شكد حلوه وكاعده ويه حماها وهيه ارمله وحماها عزابي ويحل عليها شلون صلافه بعد ماكو حيه..زمن الحيا وله وراح
ملاك:انقهرت وكمت ابجي وموج شافتني ابجي ورايحه وحاجيه ليث...
ملاك اني بالمطبخ وطب ليث علينه بنص النسوان..
ليث:ملاك صيحي امي وجيبي الجهال وتعالي
ملاك:عرفت موج كالتله وراح ياخذنه للبيت...
كلهم يسئلون وين ماخذهم ورايح؟؟
ام اكرم :يمه وين موديني عيب من العالم عايفه عزه اختي وطالعه شيكولون عليه الناس..
ليث:امشي ويايه وتفتهمين بعدين
ملاك :وصلنا يم سيد وفاجئني ليث وعقد عليه..
ام اكرم:عين الصح الي سويته الله يهنيكم ياربي
ليث:هذا الي لازم اسوي من زمان...
ملاك:رجعنا للفاتحه والنسوان يسئلون وين اخذتهم ورحتوا
ليث:رحت كطعت مهر على ملاك والي اسمعه يحجي على مرتي اكص لسانه كص..
ملاك:و صار ثالث يوم الفاتحة و هوه كاعد يباوع عليه من اروح و من ارجع والله متت من الخجل....و اخر شي متحمل
ليث:يوم اني راح اخذ زوجتي واروح للبيت
ام اكرم: يمة شبيك تخبلت عيب منا العالم لتخزينا.
ليث:طز بالعالم اهم شي اخذ مرتي و اطفر للبيت....وانتي وموج عينكم على الولد
ليث:صحت موج وفهمتها...موج اخذي امي والجهال بيتيهم يمج وباجر اجي اخذهم..
موج:اضحك على سوالفه سبحان الله هي نصيبه بس الوكت فرقهم...الله يرحمك ياكرومي..
موج:ليث و ملاك صارو حديث الساعة بالفاتحة
ملاك:اموت على جرئته.... اخذني للبيت و حجة ويايه
ملاك:على عمة عيوني قبلت اسوي بيج هيج واحرك كلبج ...و اني من شفتج اتخبلت ونار اشتعلت بكلبي ....و ضليت اتجنب شوفتج حتى لا اتهور و اكول شي مو محسب حسابة
و مثل متشوفين هسة اني كدامج عاشق و ولهان و مستعد انسيج كل الضيم الي شفتي بحياتج و اعوضج كل سنينج الي خسرتيهة بسبب تمثيلية
مع الاسف اني جنت مشترك بيها
ملاك:اسمع حجي ليث وابجي...كتله طول ما انت يمي اني نسيت كل تعب سنيني وقهرها
ليث:الغرفه كامله وجاهزه واني بعد مااتحمل تعبت من الفراك والبعد واليوم اريد تنامين بحضني
ملاك:رجعتلي فرحتي وهسه حسيت روحي انولدت من جديد وذيج السنين اعتبرتها كابوس بحياتي بس ولدي الحقيقه الحلوه بيها....
لبست سيت ابيض هو مشتري الي قبل فتره وضامه
واتزوجنه وعيشني احلى اللحضات وشعوري فوك الخيال وياااااا...
صار عندي بنات اثنين شمس وراها بسنه جتي قمر وطلعوا شكرات والعيون ملونه..
سبحان الله الولد يشبهون ابوهم الله يرحمه والبنات شايلات حسن ويشبهوني اني وابوهم
ليوثي:احن اب بالدنيا مايوم حسيته فرق بين ولدي وبناتي...طلع تعين ليث وتحسنت امورنا...واني امتحنت سادس خارجي ونجحت بس مداومت كليه
كلت شهاده السادس كافيه عليه..مادام امورنا الماديه زينه الحمدلله...فكافي عليه مسؤوليه تربيه اولادي الاربعه..كبروا ولدي وصاروا بالمتوسطه وبناتي بالابتدائيه...
مرتاحه ويا حبيبي وعايشه بسعاده ...وربي عوضني بصبري خير والحمدلله والشكر..
🎀🎀🎀🎀🎀🎀
انتهت قصتنه الحقيقيه والحمدلله
اتمنى تكون نالت رضاكم واعجابكم
منتضره نقدكم البناء وبكم نرتقي يامتابعين الاعزاء
مع كل الود والتقدير
كاتبتكم المتواضعه
ام آيه
أنت تقرأ
صدمة العمر
Roman d'amourقصه حقيقيه تتكلم عن فتاه مملوئه بالفرح ..وبليله عرسها وقعت بصدمة عمرها
