حب في سن المراهقة (متوقفة حالياً)

بارت4

فاطمة:جنت كاعدة فوك بغرفتي وسمعت صوت الجرس اندك كلت اخوية يفتحة ودااحجي وي زهراء وصديقاتنا بالكروب وعادي وشوي واسمعهم يكولون يلا مع السلامة سلملي ع امك شو نزلت لكيت ذوالفقار ديطلع كتلهم شو اجة الديج ومصحتوني كال يلا عمة وعمو مع السلامة وغمزلي وطلع.  فكلت لماما شكو كالت ذوالفقار راح يخطب اني هنانة صارت الدنيا ضلمة وماشوف شي وحسيت فدشي انكسر بداخلي حب 4سنين بداخلي ولاكلتلة تالي. يروح من ايدي مدري شلون وصلت للغرفة وضليت ابجي وكعدت صليت وقريت قرآن وارتاحيت

ذوالفقار:حجيت وي اهلها واتفقنة اجي اخذها سبوع الجاي نشتري شغلات بس هية لهسة متدري فكتلهم كلولها راح اخطب حسيت راح تزعل بس حتة يصير للمفاجئة طعم وماتنساها

اني:ورا اسبوع اجة للبيت وكاللهم اريد اخذ فاطمة اشتري ملابس لحبيبتي عيد ميلادها سبوع الجاي ولان هية نفس طول فاطمة وجسمها فاخذها اشتريلها لان هن بنات ويعرفن ذوق بعض

امي وابوية:اوك ماشي ديربالك عليها

ذوالفقار:اكيد

امي:تعالي يمة هاج فلوس خاف تريدين تشترين شي

اني:اوكي 😔

ذوالفقار:يلا بدلي واني انتظرج بلسيارة

اني:اوك ... رحت غسلت وبددلت عالسريع ولبست هيج↯

وحطيت ميك آب بسيط وشلت شعري ذيل حصان وطلعت حاتة 😂😂

ذوالفقار:اجتي حبيبة روحي طالعة تجنن بس عرفت مراح تخلة من نظرات ولد الشوراع كتلها ليش لابسة هيج ترا احنة مو بامريكا

ملاحظة//امي من تزوجت طلعو هية وبابا لامريكا وانولدت اني واخوي هناك لحد مصار عمري 13 رجعنا وجنت. كلش مثلهم فلبسي عادي البس اي شي

اني:وانت شعليك بكيفي قابل ابوي اخوي ح ..... وسكتت

ذوالفقار:كملي....ردت اسمعها تكول حبيبي

اني:يلا سد الموضوع وامشي .....ومشينا وجان السكوت سيد الموقف لحد مطلعت اغنية تامر حسني (الله يباركلي فيك يااغلى من عنيا الله يخليني ليك واكيبلك الدنيا ديا الله الله حبيبي الله الله يحميك حبيبي يعمري يغالي ويخليك ليا)

اني:اسمعها وصافنة كلت شيصير لو هسة هو حبيبي لازم ايدي بعدين حجيت كتلة : انت موعندك حبيبة?

ذوالفقار:سئلتني وجاوبتها: اي

اني: لعد ليش ذيج المرة بستني وانت عندك تقبل هي هيج تسوي

ذوالفقار:طبعا لا اموت اذا سوت هيج 😠

اني:لعد ليش تحلل لنفسك وتحرم لغيرك 😒

ذوالفقار:سكتت ... كتلها يلا وصلنا نزلنة لمول المنصور كتلها هية تشبه مواصفات جسمج ولون بشرتج فاعتبر دتختارين الج

اني:طبيت للتفتيش مال النساء وهو للرجال شو اني طبيت وذني فتحن عيونهن 360درجة مهتميت وطلعت وهو بعدة شفت ابو الموطة رحت اشتري

ذوالفقار:طلعت ملكيتها دورت جان اشوفها يم ابو الموطة اشترت 3 كلت عزا هايي كلها تاكلهن جان اشوفها انطت وحدة لطفلة صغيرة كلت فدوة شكد كلبها طيب بس رحت وعطت بيها :اني موكتلج انتظري هنا ليش رحتي

اني:ااااا. اسفة بس شفت ابو الموطة وبعدين انتظرتك رحت شتريت وكمت ابجي

ذوالفقار:اني اسف يلا كافي لتبجين فدوة وحظني والناس كلها تباوع علينا وانطتني موطتي ومشينة

اني:من يصير قريب يمي ارتاح مشينا ذوالفقار جان بعيد شوي مسافة بينة جان يجي واحد من ذولة ولد الشوارع ويظل يصجم

ذوالفقار:سمعت واحد يصجم بيها متحملت رحت كتلتة كتلة ولك شلون تتجرأ وتتحارش بخطيبتي كلي اسف اسف مجنت ادري بيك وياه وراح كتلها بعد اذا تلبسين هيج لبس تعرفين شيجرالج

اني: معجبنة شي بالمول كتلة اكلك انت شكد ميزانيتك

ذوالفقار:مممممم...شايل فلوس كومة

اني:لعد خلي نروح لdiva

ذوالفقار:ماشي امشي

اني:وصلنة وجان المحل كلش راقي سئلتة هية تحب شغلات فخمة لو نزاكة وبسيطة كال لا شغلات نازكة فشفت فستان ورددي قصير وحلو كتلة راح اقيسة وشوفة رحت قستة طلع يخبل من طلعت هذا ظل صافن
كتلة ها حلو كال يخبل وجان اكو بالمحل احذية (الله يكرمكم) واخذ كعب هم نفس اللون وخلصنا ورجعنا للبيت

وخلصنا البارت الرابع شنو رأيكم

تعليقاتكم وتصويتاتكم تشجعني بالاستمرار ونشروا القصة وكولو لصديقاتكم