وحجيت وي ابويه واعتذرت وامي هماتينه وبوستهم ومااشتهيت اكل ونسيت اسال ع ملاكي وحت ع رائد ورحت سبحت وتمددت وردت تلفوني من جيب البنطرون من سحبته وكعت الصوره بقيت مصدوم اني شمسوي وهاي شجابها وبقيت ابجي واصرخ بداخلي هاي شديصير بيه وليش هيج داصرف.
وفجأه اندك الباب وسمعت صوت أمي معرفت شسوي هاي اذا شافتني هيج راح اكيد تسأل عن سبب بجيي لان عيوني ورمت ففكرت ماارد حت يكولون نايم ويرحون ويعوفني دكو دكو محجيت وسمعت صوت ملاكي تكول لامي ماما عوفي اليوم اجه متاخر اكيد تعبان وماما تكوللها يمه بس مااكل وولا حجه شي خاف صايرله شي وملاك اتكولها ماما حت اني مستغربه مااجاني ولاباسني ولاسال عليه وحت مراح الرائد هسه سألته ومن سمعت هيج بجيت اكثر ع حالي خفت لااخسر نفسي واخسر اهلي والكعده وياهم وبقيت افكر اني شصارلي خلال هال 3 ايام الفاتت ونمت ومحسيت بشي الا ان فزيت عالمنبه وكمت بس وعدت نفسي انو اعوض اهلي وارجع طبيعي واروح اشوفهم واحد واحد وبالفعل نزلت بوستهم واني اضحك وهم هم كيفو بيه بس 👈❤محروك حرك وبداخلي ضيم محد يفهمه لان محد مار بهيج تجربه فاشله وطلعت رحت الدوامي بس مرحت للثلاجه ولا مريت منها وجانت عندي جثه اريد اشرحها حت اعرف سبب الوفاة وجان رجال مضروب طلقه وداخله من راسه(يافوخه ) فايته ع عينه والمنضر بشع ومؤذي بس هذا شغلي وكملت واتقصدت اتاخر بتشريحه حتى ماروح الجثتي الا ان بعد مبقه شي اسوي ورجعت لمكتبي ومن غير عقل رحت للجثه وسلمت عليها وابتسمت ورجعت المكتبي وبقيت متامل اشوفها تجيني وتسلم عليه 😱 وطلعت رجعت للبيت ورجعت مثل قبل وي اهلي وسالت عليهم واحد واحد وجانت جايه حنونه اختي العشق هي وزعاطيطها وجوي ركض عليه وهم متعودين من يجون ينامون بحضني بعد ميخلصون لعب ولطلطه وي رائد وبعد ميضوجون ملاك والي يدفعهم هو رائد طبعا وحنونه تشتغل بالبيت والابتسامه متفارق وجهها الملائكي تشبه امي واني هم اشبه امي عيونه خضر وشعرنه بي شقار ونفس الملامح بس اني اسمر همه بيض ورائد وملاك نفس الخلقه ويشبهون ملامح ابويه اللي هم عيونه خضر بس اسمر وهذا الشي الوحيد اللي ماخذه اني منه اني ويا سمر والبقيه كلهم بيض 🎀 المهم كملنه عشه وكعدنه نسولف واني نسيت شويه بس اجه وقت الليل اللي يعصر گلبي بس هالمره فكرت راح تكون ليلتي غير لان جود وكرم يمي بس الضاهر مو هيج صعدنه وكالعاده خربطو الغرفه كلها وگلبوها رأسا ع عقب واني اضحك وفجأه اجاني جود وگلي خالو حبيبي منو هاي وشفت الصوره بيده تخبلت ومعرفت شصار بيه ولاول مره بحياتي اعيط بي وكتله منو سمحلك تلزمها ادبسز وهو ممتعود عليه هيج اعيط كام يبجي هو صغير عمره 5سنين هو وكرم تؤم اني من شفت دموعه بجيت وحضنته جنت محتاج اشوف احد يبجي وابجي ويا وكرم عالواهس كام يبجي 😂 وبعدين غسلنه وقررت احجيلهم قصه من قصصي ( إللي ديقرا قصه من قصصي 😍 اللهم زدني تواضعا 😌😂😂😂)وحجيتلهم قصه ونامو وهم يضحكون
والصوره بقت بجيبي بدلت وطلعت ورحت الشغلي اليوم جان ماعندي شغل ولا شي فرحت العلاء اشوفه شسوه بشغله ورود واضوجه شويه هماتينه وخصوصا اذا طلعت ضاربته بوري تصير فرصتي اضحك علي (شتتوقعون ورود تطلع تحب ثائر وتضرب علاء بوري 😉)
